ئەقىل بۆلۈنمىسىنى ئۆلچەشكە دائىر خاتا قاراشلار
ئۇاقتىن بۇيان كىشلەر بىر ئادەمنىڭ ئەقلىي سەۋىيسى ۋە ھەرىكەت ئىقتىدارىنى ئەقىل بۆلۈنمىسنى ئۆلچەش ئارقىلىق مۆلچەرلەپ كەلدى . ئەمما، ئالىملار تەتقىق قىلىش ئارقىلىق ، ئەقىل بۆلۈنمىسى بىر كىشىنىڭ ئەقلىي سەۋىيسى ۋە قابىلىيتىنى ئەكىس ئەتتۈرۈپ بېرەلمەيدىغانلىقىنى بايقىدى .
1- خاتا قاراش : ئەقىل بۆلۈنمىسىنى ئۆلچەش كىشلەرنىڭ مۇتلەق ئەقلىي قابىلىيتىنى ئەكىس ئەتتۈرۈپ بېرىدۇ .
مەخسۇس ئەقىل بۆلۈنمىسىنى ئۆلچەشتە ئادەتتە كىشلەرنىڭ ئوخشاش بولمىغان دائىردىكى قابىلىيتىگە بىر قانچە تارماقلارنى ئۆلچەش ئارقىلىق ھۆكۈم قىلىنىدۇ ، تارماقلارنى ئۆلچەش ئارقىلىق ئېرىشكەن نومۇرلارنى قوشقاندا بىر كىشىنىڭ ئەقىل بۆلۈنمىسنىڭ ئوتتۇرىچە سانى چىقىدۇ. مۇنداقچە ئېيتقاندا ، ئەگەر بىر كىشىنىڭ ئوبرازلىق تەپەككۇرى ئالاھىدە ئۈستۈن ، ئەمما لوگىكىلىق تەپەككۇر قابلىيتى ئاجىزراق بولسا، ئۇنىڭ ئەقىل بۆلۈنمىسىمۇ يۇقىرى چىقمايدۇ ، روشەنكى ، بۇنىڭدا بىر تەرەپلىملىك مەۋجۈت بولىدۇ.
2- خاتا قراش : ئەقىل بۆلۈنمىسى قانچە يۇقىرى بولسا ، ئادەم شۇنچە ئەقىللىق بولىدۇ.
ھەر قانداق ئىمتھانىدىكىگە ئوخشاش ، ئەگەر ئىمتھانغا تاقابىل تۇرۇش ماھارىتىنى بەلگىلىك دەرىجىدە ئىگىلىۋالسا ، ئەقلىي قابىلىيتى ئادەتتىكىدەك كىشلەرمۇ ئەقىل بۆلۈنمىسىنى ئۆلچەشتە يۇقىرى نومۇرغا ئېرشەلەيدۇ . ئۇزاق مەزگىللىك ئەھمىيتىدىن ئېيتقاندا ، ئەقىل بۆلۈنمىسنى ئۆلچەشنىڭ ئەمەلىي تەپەككۇر ئىقتىدارى ۋە يېڭلىق يارتىش قابىلىيتى بىلەن ئانچە چوڭ مۇناسىۋىتى يوق .
3- خاتا قاراش : ئەقىل بۆلۈنمىسى يۇقىرىقلار تېخىمۇ ئاسان مۇۋەپپەقىيەت قازىنالايدۇ .
ئەمەلىيەتتە ، ئەقىل بۆلۈنمىسى يۇقىرى بولغانلىقى شۇ كىشىنىڭ بەزى جەھەتلەردىكى تۇغما قابىلىيتىنىڭ ئادەتتىكى كىشلەردىن ئۈستۈنلۈكنىلا چۈشەندۈرۈپ بېرىدۇ ، ئەمما مۇۋەپپەقىيەت قازىنىشنىڭ سىرى « تۇغما قابلىيەت + تىرشچانلىق » تىن ئىبارەت . ئەگەر بىر كىشىنىڭ ئەقىل بۆلۈنمىسى يۇقىرراق بولۇپ ، لېكىن پۇرسەتنىڭ « ئىشكىنى چېكىشى « نى پاسسىپلىق بىلەن كۈتۈپ تۇرسا ياكى ئوڭۇشسىزلىققا ئۇچىرىغان ھامان بەل قويۇۋەتسە ، ئەقىل بۆلۈنمىسى قانچە يۇقىرى بولغىنى بىلەن ، مۇۋەپپەقىيەت قازىنىشى تەس بولىدۇ.
4- خاتا قاراش : ئەقىل بۆلۈنمىسى 170 تىن ئاشىدىغانلار تالانتلىق بولىدۇ.
مەخسۇس ئەقىل بۆلۈنمىسىنى ئۆلچەشتە ئەڭ يۇقىرى نومۇر 144 بولىدۇ، ئۆلچەش نەتىجىسى بۇ نومۇردىن ئېشىپ كەتكەندە ، كونكرېت نومۇر بېرىلمەيدۇ ، ئادەتتە «150نومۇردىن 160 نومۇر ئارىلىقىدا » ۋە «160 نومۇردىن 170 نومۇر ئارىلىقىدا » دېگەندەك مۈجمەل ئارىلىق نومۇر بۆلەكلىرى ئارقىلىق ئىپادىلىنىدۇ . شۇنىڭ ئۈچۈن 144 نومۇردىن ئېشىپ كەتكەنلەرنىڭ قايسسىنىڭ قايسسىدىن تېخىمۇ تالانتلىق ئىكەنلىكى ئۈستىدە سۆز ئېچىش تەس.
5- خاتا قاراش : توردىمۇ ئەقىل بۆلۈنمىسىنى ئۆلچىگىلى بولىدۇ .
ھازىر توردا ئەقىل بۆلۈنمىسىنىڭ ئۆلچەشنى ئىشلىگىلى بولدىغان تور بەتلىرى ئەمەلىيەتتە مەلۇم ئۆلچەمدىكى ئۆلچەشنىڭ ئاددىيلاشتۇرۇلغان نۇسخسى . توردا يۇقىرى نومۇر 171 گە ئېرىشكىنىڭىزگە زىيادە خۇشال بولۇپ كەتمەڭ ، چۈنكى بۇ « دەرىجىدىن تاشقىرى يۇقىرى نومۇر » ئېھتىمال ئون ياشلىق بالىنىڭ ئەقىل سەۋىيسىدىن پايدىلىنىلغان بولۇشى مۇمكىن . مەخسۇس ئەقىل بۆلۈنمىسىنى ئۆلچەشتە ،بەزىدە‏( « فىلىن تەسىرى » ئىنسانىيەتنىڭ ئەقىل بۆلۈنمىسىنى ئۆلچەشتە ئېرشىكەن نومۇر ھەر ئون يىلدا ئاستا - ئاستا ئۈچ نومۇر يۇقىرى كۆتۈرۈلدىغانلىقىنى كۆرسىتدۇ ).
6- خاتا قاراش : ئەقىل بۆلۈنمسىنى ئۆلچەشتە چىققان نومۇر مەڭگۈ كۈچكە ئىگە بولىدۇ.
ئادەملەرنىڭ ئەمەلىي ئىقتىدارى پۈتۈن ھاياتىدا روھىي ھالىتىنىڭ ياخشى - يامانلىقى ، سالامەتلىك ئەھۋالى ، ھەتتا ئۆزىگە بولغان ئىشەنچى تۈپەيلىدىن ئۆزگىرىشى مۇمكىن ، ئوخشاشلا ئەقىل بۆلۈنمىسىنى ئۆلچەشتە چىققان نومۇرمۇ ئۆزگەرمەي تۇرمايدۇ . ئەگەر ئۆلچەنگەن كۈنى ئەھۋالى ياخشى بولمىسا ياكى ئۆلچەش ئۈچۈن چىقىرىلغان سۇئال - جاۋاب قەغىزىنى تەرجىمە قىلىشتا مەسىلە كۆرۈلسە ، بۇلارنىڭ ھەممىسى ئاخىرىدا ئېرىشىدىغان نومۇرغا تەسىر قىلىدۇ . شۇنىڭ ئۈچۈن ، ئەقىل بۆلۈنمىسىنى ئۆلچەش يالغۇز بىر قېتىملا ئېلىپ بېرىلسا ، بىر ئادەمنىڭ ئەقلىي سەۋىيسىنى پۈتۈنلەي ئىسپاتلارپ چىققىلى بولمايدۇ ، دەيمىز .

« شىنجاڭ مائارىپ » گېزىتىدىن ئېلىنغان .