1 ﺋﯘﺧﻼﺷﺘﯩﻦ ﺑﯘﺭﯗﻥ ﺑﻪﻙ ﺗﻮﻳﯘﻧﯘﭖ ﻏﯩﺰﺍﻟﯩﻨﯩﺶ: ﺋﯘﺧﻼﺷﺘﯩﻦ ﺑﯘﺭﯗﻥ ﺑﻪﻙ ﺗﻮﻳﯘﻧﯘﭖ ﻏﯩﺰﺍﻻﻧﺴﺎ، ﺋﺎﺷﻘﺎﺯﺍﻥ ﺋﯜﭼﻪﻳﻨﯩﯔ ﮬﻪﺯﯨﻢ ﻗﯩﻠﯩﺸﻰ ﻛﯜﭼﯩﻴﯩﺪﯗ، ﺑﯘﻧﯩﯔ ﺑﯩﻠﻪﻥ ﭼﻮﯓ ﻣﯧﯖﻪ ﻏﯩﺪﯨﻘﻠﯩﻨﯩﭗ، ﺋﯘﻳﻘﯘﻏﺎ ﺗﻪﺳﯩﺮ ﻳﯧﺘﯩﺪﯗ.
2 ﺋﯘﺧﻼﺷﺘﯩﻦ ﺑﯘﺭﯗﻥ ﺋﯧﻐﯩﺮ ﮬﻪﺭﯨﻜﻪﺕ ﻗﯩﻠﯩﺶ: ﺋﯘﺧﻼﺷﺘﯩﻦ ﺑﯘﺭﯗﻥ ﺋﯧﻐﯩﺮ ﮬﻪﺭﯨﻜﻪﺕ ﻗﯩﻠﺴﺎ، ﻣﯘﺳﻜﯘﻟﻼﺭﻧﯩﯔ ﮬﻪﺭﯨﻜﯩﺘﯩﻨﻰ ﻛﻮﻧﺘﺮﻭﻝ ﻗﯩﻠﯩﺪﯨﻐﺎﻥ ﭼﻮﯓ ﻣﯧﯖﻪ ﻧﯧﺮﯞﺍ ﮬﯜﺟﻪﻳﺮﯨﻠﯩﺮﻯ ﻛﯜﭼﻠﯜﻙ ﻏﯩﺪﯨﻘﻠﯩﻨﯩﺪﯗ. ﺑﯘ ﺧﯩﻞ ﮬﺎﻟﻪﺕ ﺗﯧﺰ ﭘﻪﺳﻪﻳﻤﯩﮕﻪﭼﻜﻪ، ﺋﯘﻳﻘﯘﻏﺎ ﺗﻪﺳﯩﺮ ﻳﯧﺘﯩﺪﯗ.

3 ﺋﯘﺧﻼﺷﺘﯩﻦ ﺑﯘﺭﯗﻥ ﻗﯧﻨﯩﻖ ﭼﺎﻱ ﺋﯩﭽﯩﺶ: ﭼﺎﻱ ﺗﻪﺭﻛﯩﺒﯩﺪﯨﻜﻰ ﻛﻮﻓﻔﯧﺌﯩﻦ ﻗﺎﺗﺎﺭﻟﯩﻖ ﻣﺎﺩﺩﯨﻼﺭ ﻣﻪﺭﻛﯩﺰﯨﻲ ﻧﯧﺮﯞﯨﻨﻰ ﻏﯩﺪﯨﻘﻼﭖ، ﺋﯘﻳﻘﯘﻧﻰ ﻗﺎﭼﯘﺭﯨﺪﯗ.

4 ﻳﺎﺳﺘﯘﻗﻨﻰ ﺑﻪﻙ ﺋﯧﮕﯩﺰ ﻳﺎﻛﻰ ﭘﺎﻛﺎﺭ ﻗﻮﻳﯩﯟﯦﻠﯩﺶ: ﻓﯩﺰﯨﺌﻮﻟﻮﮔﯩﻴﯩﻠﯩﻚ ﻧﯘﻗﺘﯩﺪﯨﻦ ﺋﯧﻴﺘﻘﺎﻧﺪﺍ، ﻳﺎﺳﺘﯘﻕ ﺋﯧﮕﯩﺰﻟﯩﻜﻰ 8cm ～ 12cm ﺑﻮﻟﺴﺎ ﻣﯘﯞﺍﭘﯩﻖ. ﻳﺎﺳﺘﯘﻕ ﺑﻪﻙ ﭘﺎﻛﺎﺭ ﺑﻮﻟﺴﺎ، ﺋﺎﺳﺎﻧﻼ ﺑﻮﻳﯘﻧﻐﺎ ﻳﻪﻝ ﺗﯘﺭﯗﭖ ﻗﺎﻟﯩﺪﯗ ﻳﺎﻛﻰ ﻣﯧﯖﯩﮕﻪ ﺋﯧﻘﯩﭗ ﻛﯩﺮﯨﺪﯨﻐﺎﻥ ﻗﺎﻧﻨﯩﯔ ﻣﯩﻘﺪﺍﺭﻯ ﻛﯚﭘﯩﻴﯩﭗ، ﺋﻪﺗﯩﺴﻰ ﺑﺎﺵ ﭼﯩﯖﻘﯩﻠﯩﺶ، ﻗﺎﭘﺎﻕ ﺋﯩﺸﺸﯩﺶ ﻗﺎﺗﺎﺭﻟﯩﻖ ﺋﺎﻻﻣﻪﺗﻠﻪﺭ ﻛﯚﺭﯛﻟﯩﺪﯗ. ﻳﺎﺳﺘﯘﻕ ﺑﻪﻙ ﺋﯧﮕﯩﺰ ﺑﻮﻟﺴﺎ، ﻧﻪﭘﻪﺳﻨﯩﯔ ﺭﺍﯞﺍﻧﻠﯩﻘﯩﻐﺎ ﺗﻪﺳﯩﺮ ﻳﯧﺘﯩﭗ، ﺧﻮﺭﻩﻙ ﭘﻪﻳﺪﺍ ﻗﯩﻠﯩﺪﯗ. ﻳﺎﺳﺘﯘﻗﻨﻰ ﺋﯘﺯﯗﻥ ﻣﯘﺩﺩﻩﺕ ﺋﯧﮕﯩﺰ ﻗﻮﻳﯩﯟﺍﻟﯩﺪﯨﻐﺎﻧﻼﺭﺩﺍ ﺋﻮﻣﯘﺭﺗﻘﺎ ﺋﺎﻏﺮﯨﺶ، ﮬﻪﺗﺘﺎ ﺩﯛﻣﭽﻪﻛﻠﯩﻚ ﻛﯧﻠﯩﭗ ﭼﯩﻘﯩﺪﯗ.

5 ﺋﯩﻜﻜﻰ ﻗﻮﻟﻨﻰ ﻳﺎﺳﺘﯘﻕ ﻗﯩﻠﯩﺶ: ﺋﯩﻜﻜﻰ ﻗﻮﻟﻨﻰ ﻳﺎﺳﺘﯘﻕ ﻗﯩﻠﯩﭗ ﺋﯘﺧﻠﯩﺴﺎ، ﻗﺎﻥ ﺋﺎﻳﻠﯩﻨﯩﺸﻘﺎ ﺗﻪﺳﯩﺮ ﻳﯧﺘﯩﭗ، ﻗﻮﻝ ﺋﯘﻳﯘﺷﯘﺵ ﭘﻪﻳﺪﺍ ﺑﻮﻟﯘﭘﻼ ﻗﺎﻟﻤﺎﻱ، ﻗﻮﺭﺳﺎﻗﻨﯩﯔ ﺋﯩﭽﻜﻰ ﺑﯧﺴﯩﻤﻰ ﺋﯚﺭﻟﻪﭖ، ﯞﺍﻗﯩﺖ ﺋﯘﺯﺍﺭﻏﺎﻧﺴﯧﺮﻯ «ﻳﯧﻤﻪﻛﻠﯩﻚ ﻳﯧﻨﯩﺶ ﺧﺎﺭﺍﻛﺘﯧﺮﻟﯩﻚ ﻗﯩﺰﯨﻠﺌﯚﯕﮕﻪﭺ ﻳﺎﻟﻠﯘﻏﻰ» ﻛﯧﻠﯩﭗ ﭼﯩﻘﯩﺪﯗ.

6 ﺑﺎﺷﻨﻰ ﭘﯜﺭﻛﻪﭖ ﺋﯘﺧﻼﺵ: ﺑﺎﺷﻨﻰ ﭘﯜﺭﻛﻪﭖ ﺋﯘﺧﻠﯩﺴﺎ، ﻧﻪﭘﻪﺳﻠﯩﻨﯩﺶ ﺗﻮﺳﺎﻟﻐﯘﻏﺎ ﺋﯘﭼﺮﺍﻳﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﻧﻪﭘﻪﺳﻠﻪﻧﮕﻪﻧﺪﻩ ﭼﯩﻘﺎﺭﻏﺎﻥ ﻛﺎﺭﺑﻮﻥ $ ﺋﻮﻛﺴﯩﺪ ﺳﺎﻻﻣﻪﺗﻠﯩﻜﻜﻪ ﺯﯨﻴﺎﻥ ﻳﻪﺗﻜﯜﺯﯨﺪﯗ.

7 ﺋﯧﻐﯩﺰﺩﺍ ﻧﻪﭘﻪﺳﻠﯩﻨﯩﭗ ﺋﯘﺧﻼﺵ: ﺋﯧﻐﯩﺰﺩﺍ ﻧﻪﭘﻪﺳﻠﻪﻧﮕﻪﻧﺪﻩ، ﭼﺎﯓ - ﺗﻮﺯﺍﻥ ﻗﺎﺗﺎﺭﻟﯩﻘﻼﺭ ﺑﯩﯟﺍﺳﯩﺘﻪ ﻛﺎﻧﺎﻱ، ﺋﯚﭘﻜﯩﮕﻪ ﻛﯩﺮﯨﭗ، ﻧﻪﭘﻪﺱ ﻳﻮﻟﻰ ﻛﯧﺴﻪﻟﻠﯩﺮﯨﻨﻰ ﭘﻪﻳﺪﺍ ﻗﯩﻠﯩﺪﯗ.

8 ﺷﺎﻣﺎﻟﻐﺎ ﺋﯘﺩﯗﻝ ﻳﯧﺘﯩﭗ ﺋﯘﺧﻼﺵ: ﺋﺎﺩﻩﻡ ﺋﯘﺧﻠﯩﻐﺎﻥ ﭼﺎﻏﺪﺍ ﻣﯘﮬﯩﺘﻘﺎ ﻣﺎﺳﻠﯩﺸﯩﺶ ﺋﯩﻘﺘﯩﺪﺍﺭﻯ ﺗﯚﯞﻩﻧﻠﻪﻳﺪﯨﻐﺎﻥ ﺑﻮﻟﻐﺎﭼﻘﺎ، ﺷﺎﻣﺎﻟﻐﺎ ﺋﯘﺩﯗﻝ ﻳﺎﺗﺴﺎ، ﺋﺎﺳﺎﻧﻼ ﺯﯗﻛﺎﻡ ﺑﻮﻟﯘﭖ ﻗﺎﻟﯩﺪﯗ. ﺷﯘﯕﺎ، ﺋﯩﺸﯩﻚ، ﺩﯦﺮﯨﺰﯨﻠﻪﺭﻧﻰ ﻳﯧﭙﯩﭗ ﺋﯘﺧﻼﺵ ﻳﺎﻛﻰ ﺷﺎﻣﺎﻝ ﺋﯘﺩﯗﻝ ﺗﻪﮔﻤﻪﻳﺪﯨﻐﺎﻥ ﺟﺎﻳﺪﺍ ﺋﯘﺧﻼﺵ ﻻﺯﯨﻢ.

9 ﺋﻮﻟﺘﯘﺭﯗﭖ ﺋﯘﺧﻼﺵ: ﺋﻮﻟﺘﯘﺭﯗﭖ ﺋﯘﺧﻠﯩﺴﺎ، ﻳﯜﺭﻩﻙ ﺳﻮﻗﯘﺵ ﺋﺎﺳﺘﯩﻼﭖ، ﮬﻪﺭ ﻗﺎﻳﺴﻰ ﺋﻪﺯﺍﻻﺭﻏﺎ ﺋﺎﻗﯩﺪﯨﻐﺎﻥ ﻗﺎﻥ ﺋﺎﺯﯨﻴﯩﭗ ﻛﯧﺘﯩﺪﯗ. ﺑﯘﻧﯩﯔ ﺑﯩﻠﻪﻥ ﻣﯧﯖﯩﮕﻪ ﺋﻮﻛﺴﯩﮕﯧﻦ ﻳﯧﺘﯩﺸﻤﻪﺳﻠﯩﻚ ﺋﻪﮬﯟﺍﻟﻰ ﻛﯚﺭﯛﻟﯜﭖ، ﺑﺎﺵ ﻗﯧﻴﯩﺶ، ﻗﯘﻻﻕ ﻏﻮﯕﯘﻟﺪﺍﺵ ﻗﺎﺗﺎﺭﻟﯩﻘﻼﺭﻧﻰ ﭘﻪﻳﺪﺍ ﻗﯩﻠﯩﺪﯗ.

ﻛﯧﻠﯩﺶ ﻣﻪﻧﺒﻪﺳﻰ:ﺷﯩﻨﺠﺎﯓ ﭘﻪﻥ-ﺗﯧﺨﻨﯩﻜﺎ ﮔﯧﺰﯨﺘﻰ