1.چاشقان يىلىدا تۇغۇلغان ئادەم تۇيغۇن، ئۈمىدۋار كېلىدۇ.

ئايال بولغان بولسا، نازۇك كېلىدۇ، قەتئىيلىككە ئىگە ھەم دائىم قوش رول ئالالايدىغان بولىدۇ.

ئەر بولغان بولسا، ئۆز ئىشىنى ھامان توغرا دەپ قارايدۇ، شەخسىيەتسىز جەلپكارلىققا ئىگە كېلىدۇ.

ئالاھىدىلىكى: زېھنى كۈچى تولۇق، قىزىقچى، پاراسەتلىك، مەپتۇن قىلارلىق سېھرىي كۈچكە ئىگە. مەردۇ-مەردانە، سەمىمىي، ئۈندىگەك، ئىجتىمائىي ئالاقىگە خۇشتار، بىخەستىلىك قىلمايدىغان، ئۈمىدۋار، تېتىك كېلىدۇ.

كەمچىلىكى: كۆڭلى-كۆكسى تارراق، پۇرسەتپەرەسلىك قىلىپ يۇقىرىغا يامىشىشقا ئامراق كېلىدۇ.

دىققەت قىلىدىغان ئىشلار: ئوپۇل-توپۇل پاكىتنى بۇرمىلاپ، باشقىلارنى خاتا ئەيىبلەشتىن ساقلىنىش كېرەك.

كالا يىلىدا تۇغۇلغان ئادەم ئىگىلمەس-سۇنماس كېلىدۇ.

ئايال بولغان بولسا. پىسخىكىسى قەتئىي، دىلى سۇنۇق ۋە  مىسكىنلىكتىن خالىي كېلىدۇ، تراگېدىيىلىك كىنولارمۇ ئۇنى ئۆزىگە تارتالمايدۇ.

ئەر بولغان بولسا بىرەر خاسىيەتلىك پۇرسەتكە دۇچ كېلىپ قالسا، رەھبەرلىكنىڭ ئارزۇسىنى قاندۇرۇشنى ئەڭ خۇشاللىق ئىش دەپ بىلىدۇ.

ئالاھىدىلىكى: سەۋرچان، ئىشچان، ئائىلە كۆز قارىشى كۈچلۈك بولىدۇ. بۇنداقلار تەرتىپلىك يول باشچىلار بولۇپ، مەغرۇر، ئۆزىگە ئىشەنچ باغلىيالايدىغان، دىت-مۆلچىرى توغرا، ئۆزىگە ھاي بېرىش ئىقتىدارى كۈچلۈك، قايىل قىلارلىق ۋە پىداكارلىق روھىغا ئىگە كېلىدۇ.

كەمچىلىكى: قۇسۇرچى، ئۆز ئىشى ۋە گېپىدە چىڭ تۇرۇۋالىدىغان، كونا پەتىۋالارغا چىڭ يېپىشىۋالىدىغان، ئىنتىقامچى كېلىدۇ.

دىققەت قىلىدىغان ئىشلار: كالا يىلىدا تۇغۇلغان كىشى ئىشلارنى بىر تەرەپ قىلغاندا كالىسىنى كۆپرەك ئىشكا سېلىپ، باشقىلارنىڭ پىكرىگە كۆپرەك قۇلاق سېلىشى كېرەك.

يولۋاش يىلىدا تۇغۇلغان ئادەم سەلتەنەتلىك كېلىدۇ

ئايال بولغان بولسا، كىشىنىڭ تەسەۋۋۇرىغا سىغمىغۇدەك دەرىجىدە ئاجايىپ سېھرىي كۈچكە ئىگە كېلىدۇ.

ئەر  بولغان بولسا، تەقى-تۇرقى كېلىشكەن، روھىي دۇنياسى سۇمباتلىق، ئاياللارغا ىۇشتار كېلىدۇ، بۇلارنىڭ كۆپىنچىسى سۈر-ھەيۋەتلىك، كۆڭلى يۇمشاق، مېھرىبان كېلىدۇ.

ئالاھىدىلىكى: ئېسىل، چوڭ سۈپەت ۋە غايىلىك، كۆكسى-قارنى كەڭ، سەلتەنەتلىك، مەرد، قىزغىن، قەيسەر، شىجائەتلىك. ئۆز سالاپىتىگە ئىشەنچ قىلالايدىغان، مۇنازىرە قىلىشقا ئامراق، جەلپكارلىققا ئىگە كېلىدۇ.

كەمچىلكى: باشقۇرۇشقا بويسۇنمايدۇ، ئالدىراقسان، تېرىككەك، قارشىلىشىش خاراكتېرى كۈچلۈك.

دىققەت قىلىدىغان ئىشلار: باشقىلار بىلەن كۆپرەك ئۇچرىشىش، بەك مەسئۇلىيەتچان بولۇپ كەتمەسلىكى كېرەك.

توشقان يىلىدا تۇغۇلغان ئادەم تىرىشچان كېلىدۇ

ئايال  بولغان بولسا، كىشىنىڭ دىققىتىنى قوزغىمايدۇ، ناھايىتى ئىقتىدارلىق باشقۇرغۇچى، تەقۋادار ئايال خوجايىن بولىدۇ. شۇنداقلا تەقدىر بىلەن ئېلىشىشنىڭ تېخىمۇ ماھىرى، ئەلۋەتتە.

ئەر بولغان بولسا، قول ئاستىدىكىلەرگە، دوستلىرىغا بولغان مۇئامىلىسى ئوبدان بولىدۇ. باشقىلارغا ياردەم بېرىشنى خۇشاللىق دەپ  بىلىدۇ، ئائىلە ئىشلىرىنى ئوبدان بېجىرىدۇ.

ئالاھىدىلىكى: ئېھتىياتچان، ئاق كۆڭۈل، پاك، دوست-يارەنلىرى كۆپ، چېچەن، يۈرۈش-تۇرۇشى جايىدا، كۆڭلى يۇمشاق، ئۆزگىچە تەبىئىي تالانتلىق، ئەدەبىيات سەنئەتتىن ئاز-تولا خەۋەردار، قورسىقى كەڭ، ئىقتىسادچىل، مېھماندوست كېلىدۇ.

كەمچىلىكى: كونا قائىدە-يۇسۇنلارغا ئېسىلىۋالىدۇ، ئۆزىنى كۆرسىتىشكە ئامراق كېلىدۇ. تارتىچاق، مىسكىن، تەنھالىققا خۇشتار كېلىدۇ.

دىققەت قىلىدىغان ئىشلار: يېرىم يولدا توختاپ قېلىشتىن ياكى كەسپىنى ئالماشتۇرۇۋېتىشتىن ساقلىنىش كېرەك.

ئەجدىھا يىلىدا تۇغۇلغان ئادەم راستچىل، قايناق ھېسسىياتلىق كېلىدۇ

ئايال بولغان بولسا، ئۇ قوش خاسلىققا ئىگە بولۇپ، قارىماققا جاھاندارچىلىقنى پىششىق بىلىدىغاندەك قىلىدۇ. كۈچلۈكلۈكنى قولغا كەلتۈرۈپ، غەلبە قىلىشقا ئامراق ھەم ناھايىتى ئوچۇق-يورۇق، ئاددىي، قىزغىن، مەردانە ۋە باشقىلارنىڭ كۆڭلىنى چۈشىنىشكە ماھىر كېلىدۇ.

ئەر بولغان بولسا، ئاسانلىقچە تاقابىل تۇرغىلى  بولمايدۇ، بۇنداقلار بىر تەرەپلىمىلىككە ئىگە بولۇپ، جىمى چاكىنا ئىشلار مەنپەئەتىمگە زىيان يەتكۈزىدۇ، دەپ ئويلايدۇ.

ئالاھىدىلىكى: ئېھتىياتچان، كۆڭۈلچەك، قىزغىن، بىۋاستە سېزىمگە ئىگە. جاھىل، مەرد، باتۇر، سېھرىي كۈچ ۋە جاسارەتكە باي، گۈزەللىككە ئامراق، خوجايىنلىققا ماھىر، باشقىلارنىڭ ماختاش تەرىپلىشىگە نائىل كېلىدۇ.

كەمچىلىكى: قىزىققان، قانائەتسىز، تاپا-تەنە قىلىشقا ئامراق.

دىققەت قىلىدىغان ئىشلار: بىرەر ۋەقەگە دۇچ كەلگەندە بۆسۈپ چىقىپ كېتىش كېرەك، شۇندىلا بىپايان كەڭ دۇنياغا چىققىلى بولىدۇ.

يىلان يىلىدا تۇغۇلغان ئادەم ئەقىللىق، ئىدراكلىق كېلىدۇ

ئايال بولغان بولسا، غەرب ئەللىرىنىڭ سۆزى  بويىچە ئېيتقاندا، يىلان شۇملۇقتىن دېرەك بېرىدۇ، ئەمما شەرقلىقلەرنىڭ نەزىرىدە، يىلان ئەقىل-ئىدراكقا ۋە ئاق كۆڭۈللۈككە ۋەكىللىك قىلىدۇ.

ئەر بولغان بولسا، ئۇ شۈكرى-قانائەت قىلمايدۇ، تاشقى قىياپىتى ئەۋرىشىم كېلىدۇ.

ئالاھىدىلىكى: ئەقىللىق، كەسكىن ئاڭلىق ھەم سالاپەتلىك، ھېسداشلىققا باي، جەلپكار كۈچكە ئىگە، ئامەتلىك، شارائىتقا ماسلىشىشقا ماھىر كېلىدۇ. ئۇلاردا پەيلاسوپلارنىڭ ئىدىيىسى بار.

كەمچىلكى: سۆلەتخور، ھورۇن، ئۆچ ئېلىشقا ئىنتىلگەك، شاختىن-شاخقا «قونۇپ» يۈرىدىغان كېلىدۇ.

دىققەت قىلىدىغان ئىشلار: پىلان بىلەن نىشان سىزنىڭ مۇۋەپپەقىيەتكە ئېرىشىشىڭىزدىكى مۇھىم ئامىل، بۇنىڭغا ھەرگىز سەل قارىماڭ.

ئات يىلىدا تۇغۇلغان ئادەم سۆزدە راۋرۇس، قايىل قىلارلىق كېلىدۇ

ئايال  بولغان بولسا، مۇھەببەت جەھەتتە ئېھتىمال باشقا جەھەتتىكىدەك بەختلىك بولالماسلىقى مۇمكىن.

ئەر بولغان بولسا شەخسىيەتچىلىك ۋە يۇمۇرلۇق بولالماسلىقى ئۇنىڭ مۇھەببەتلىشىشىگە پۇتلىكاشاڭ  بولۇپ قېلىشى مۇمكىن.

ئالاھىدىلىكى: بەس-مۇنازىرە قىلىشقا ماھىر، ماھارىتى مۇقىم، پاراسەتلىك ۋە تىرىشچان، ھېسسىياتىنى ئاسانلا ئىش ئورنىغا دەسسىتىشتە مۇستەقىللىقى كۈچلۈك بولىدۇ.

كەمچىلىكى: شەخسىيەتچى، قىزىققان ۋە بوشاڭراق.

دىققەت قىلىدىغان ئىشلار: ئۆزىنىڭ چىدامچانلىقىنى چېنىقتۇرۇش، مەخپىيەتلىكنى ساقلاش ئادىتىنى يېتىلدۈرۈش لازىم.

قوي يىلىدا تۇغۇلغان ئادەم ياۋاش، چىقىشقاق كېلىدۇ

ئايال  بولغان بولسا، قوي يىلىدا تۇغۇلغان ئەرگە ياتلىق قىلىنغان ئاياللارنى بىرەر خوۋلۇق كۆرمەيدۇ دېگىلى بولمايدۇ، ھېچبولمىغاندا ئۇ ئەرنىڭ كوت-كوت گېپىگە قالمايدۇ.

ئەر بولغان بولسا، قوي دېگەن باشقىلارنىڭ بېقىشىغا ئامراق كېلىدۇ، باشقىلارنىڭ ئېتىبار بېرىشىگە ۋە خەيرىخاھلىقىغا مۇھتاج. ئەگەر سىز ئۆزىڭىزنى ئۇزۇندىن بۇيان مۇھەببەتكىلا ئىخلاسمەن بىر ئەر دەپ كەلگەن بولسىڭىز، ئۇنداقتا سىز ئەڭ ياخشىسى ئېرىك قويدەك ياۋاش قىزدىن بىرسىگە ئۆيلىنىڭ.

ئالاھىدىلىكى: قىممەتلىك ئىجادىي كۈچكە ئىگە، زېرەك، يېگەن-ئىچكەندەك سالاپەتلىك ۋە ئوچۇق، قىزىقارلىق، تالانتلىق، ساددا ھەم سەۋرلىك، ئوماق ھەم مۇلايىم، ئارزۇ-ھەۋىسى ئۈستۈن، ھېسسىياتچان، ماسلىشىشچانلىق ئىقتىدارى بار، باشقىلارغا نەپ، پايدا يەتكۈزىدىغان كېلىدۇ.

كەمچىلىكى: ئۈمىدسىز، قانائەتسىز، مەسئۇلىيەتسىز، ۋاقىتقا رىئايە قىلمايدۇ، ئۆز-ئۆزىگە ئىگە بولالمايدۇ.

دىققەت قىلىدىغان ئىشلار: خىزمەت شارائىتىنى دائىم ئۆزگەرتىپ يۈرمەسلىك كېرەك.

مايمۇن يىلىدا تۇغۇلغان ئادەم تالانتى ئۇرغۇپ تۇرىدۇ

ئايال بولغان بولسا، مۇئامىلىسى سەمىمىي، ئىسسىق، مۇلايىم ھەمم سۆيۈملۈك، ئەل-جامائەتنىڭ ياخشى كۆرۈشىگە سازاۋەر كېلىدۇ.

ئەر بولغان بولسا، خۇشاللىقى ۋە قايغۇسى كۆپ، زىيادە ھېس-تۇيغۇلۇق، گاھ قاقاقلاپ كۈلۈپ كېتىدىغان، گاھ قايغۇ-ھەسرەتكە چۆمىدىغان كېلىدۇ.

ئالاھىدىلىكى: ئۆتكۈر، پەملىك، مۇلايىم، سۆيۈملۈك، ئىجادىيەت خاراكتېرى ۋە مۇستەقىل خاراكتېرگە ئىگە، كاللىسى سەگەك، ئەمەلىي ئىشلىگۈچى، قىزغىن، سەمىمىي، پەم-پاراسەتلىك ھەم تېتىك كېلىدۇ.

كەمچىلىكى: تەدان، مەنمەنچى

دىققەت قىلىدىغان ئىشلار: غەزەپلىنىش، تېرىكىشتىن ساقلىنىش، سەۋرلىك ۋە چىداملىق  بولۇش، ئۈزلۈكسى تىرىشىش لازىم.

توخۇ يىلىدا تۇغۇلغان ئادەم بوي-بەستى راۋۇرۇس كېلىدۇ

ئايال بولغان بولسا، ئۇ ئەر دوستىنىڭ دائىملىق ھەمراھى  بولىدۇ. بۇ، ئۇنىڭ ئانىسىنىڭ مۇلايىم، يۇمشاقلىق ئۇدۇمىنى ئالغانلىقىدىن بولىدۇ.

ئەر بولغان بولسا، رېئال تۇرمۇشتا ئۇ باشتىن-ئاخىر ئائىلە ئىشلىرى ۋە كەسىپ مەنپەئەتىگە كۆڭۈل بۆلىدۇ، ھەمىشە قىزغىن ھەم ياخشى بىر ئەر بولۇشنى ئويلايدۇ.

ئالاھىدىلىكى: راستچىل، ساپ دىل، جانلىق كېلىدۇ. باتۇر، پاراسەتلىك، تەدبىرلىك ھەم قابىلىيەتلىك، مەرد، سېخىي ھەم سەمىمىي، جەلپ قىلىش كۈچىگە ئىگە كېلىدۇ. ئۇ قايناق ھېسسىياتلىق، كونىلىقنى ساقلايدىغان، ئىجتىھادچان، زامانغا لايىقلىشىشنى ياخشى كۆرىدىغان، شۈكرى-قانائەتچان، ئويچان، كىشىلەرنىڭ قارشى ئېلىشىغا سازاۋەر كېلىدۇ.

كەمچىلىكى: ئۆزىنى كۆككە كۆتۈرۈشكە ئامراق، خىيالچان، خۇدۇكچى، ئىقتىسادنى بۇزۇپ چاچىدۇ.

دىققەت قىلىدىغان ئىشلار: مۇناسىۋەتىسز ئىشلارغا ئاز ئارىلىشىش، نوچىلىق قىلىشنىڭ دەرد-ئازابىدىن ساقلىنىش كېرەك.

ئىت  يىلىدا تۇغۇلغان ئادەم ئېغىر-بېسىق، تەمكىن كېلىدۇ

ئايال بولغان بولسا، بۇنداق ئاياللار ئۇمۇمەن ئۆزىنىڭ خاسلىقىغا جاۋاب بەرگەندە، باشقىلارنى ھەيرەتتە قالدۇرىدۇ.

ئەر بولغان بولسا، باشقىلار ئۈچۈن ھەرقانداق قەدەمنى ئالىدۇ، لېكىن ئۆز ئىشىغا كەلگەندە قەدەمنى ئېھتىيات بىلەن ئالىدۇ.

ئالاھىدىلىكى: ئوچۇق، خۇشخۇي، جەسۇر، باتۇر، ئېسىل سۈپەت ۋە ساداقەتمەن، مېھماندوست، كەمتەر، باشقىلارغا نەپ يەتكۈزىدىغان، ئېھتىياتچان، ئامەتلىك، ئېغىر-بېسىق، ھۆرمەتكە مۇيەسسەر، ئۆزىنىڭ مەجبۇرىيىتى ۋە مۇمكىنچىلىككە ئىتائەتمەن ھەم پەم-پاراسەتلىك كېلىدۇ.

كەمچىلىكى: ساغلام ئەمەس، تەڭرىدىن ئاغرىنىپ، بەندىدىن زارلىنىپ يۈرۈيدۇ، چاقچاققا ئامراق بولۇپ، نا ئۈمىد كېلىدۇ.

دىققەت قىلىدىغان ئىشلار: رېئاللىقتىن نارازى  بولۇپ يۈرمەڭ، ياراتقان نەتىجىڭىز بىردەملىك خالاس.

چوشقا يىلىدا تۇغۇلغان ئادەم ئەخلاقلىق، ھەققانىيەتچى كېلىدۇ

ئايال بولغان بولسا، تەقۋادار، ئىخلاسمەن ئانا بولىدۇ. ئۆز جورىسىغا ۋە ئائىلە كىشىلىرىگە دەىلى-تەرۇز قىلماتدۇ، ساختىلىقمۇ ئىشلەتمەيدۇ، خوجا كۆردىلىكنى ئەمەس، ئۈن-تىنسىز ئىشلەشنىلا تەلەپ قىلىدۇ.

ئەر بولغان بولسا، ياخشى نىيەتلىك مۇلايىم كېلىدۇ، رەزىللىك ئۇنىڭ قەھرى-غەزىپىنى قوزغايدۇ، ھاياجانلىنىش ئۇنى ھالاكەت خاراكتېرلىك ھەرىكەت ئېلىپ بېرىشقا مەجبۇرلايدۇ.

ئالاھىدىلىكى: سادىق، ئېھتىياتچان، سەمىمىي، ئىختىمائىي ئالاقىگە ماھىر كېلىدۇ، ئىشنى ئاستا قىلىدۇ، تۆھپىكار، داڭدار بولىدۇ،  كەسكىن ۋە يۇمشاق، ھېسسىياتقا بېرىلگەن، چوڭقۇر ئوي پىكىرلىك كېلىدۇ.

كەمچىلىكى: ئالدىراڭغۇ.

دىققەت قىلىدىغان ئىشلار: ئاغزىمغا كەلدى دەپ سۆزلەپ، خاتالىشىپ قېلىشتىن ساقلىنىش كېرەك.