ﻛﯚﺯﯨﻤﯩﺰﻧﻰ ﺗﺎﺭﯨﺦ ﺋﺎﭼﯩﺪﯗ
ﻣﻪﺭﮬﯘﻡ ﻣﯘﺧﺘﻪﺭ ﻗﺎﺩﯨﺮ ﮬﻮﻧﺰﺍﺩﻩ
ﻣﻪﺭﮬﯘﻡ ﻣﯘﺧﺘﻪﺭ ﻗﺎﺩﯨﺮ ﮬﻮﻧﺰﺍﺩﻩ
ﻛﯚزﯨﻤﯩﺰﻧﻰ ﺗﺎرﯨﺦ ﺋﺎﭼﯩﺪۇ، ﺋﻪﻗﻠﯩﻤﯩﺰﻧﻰ ﺋﯩﻠﻤﯩﻲ ﺗﻪﭘﻪﻛﻜﯘر! ﺑﯘ ﺑﯩﺮ ﺗﻪرەﻗﻘﯩﻴﺎت زۆرۈرﯨﻴﯩﺘﻰ. ﺋﯘﭼﯘرﻟﯩﺸﯩﯟاﺗﻘﺎن دۇﻧﻴﺎ ﺗﺎرﯨﺨﻨﯩﯔ ﺋﺎﺷﻜﺎرﯨﻠﯩﻖ دەرﯨﺠﯩﺴﯩﻨﻰ ﺑﺎرﻏﺎﻧﺴﯧﺮى ﻳﯘﻗﯩﺮى ﻛﯚﺗﯜرﻣﻪﻛﺘﻪ. ﺗﺎرﯨﺨﻨﻰ ﻳﻮﺷﯘرۇش ﻣﯘﻣﻜﯩﻦ ﺋﻪﻣﻪس، ﺋﯘﻧﻰ دەﺳﺘﻪك ﻗﯩﻠﯩﯟﯦﻠﯩﺸﻘﺎ ﺑﻮﻟﻤﯩﻐﺎﻧﺪەك، ﺋﯘﻧﯩﯖﺪﯨﻦ ﻧﻮﻣﯘس ﻗﯩﻠﯩﺸﻘﯩﻤﯘ ﺑﻮﻟﻤﺎﻳﺪۇ. ﺋﯚﺗﻤﯜش - ﻳﯧﺰﯨﻠﯩﭗ ﺑﻮﻟﻐﺎن ﺗﺎرﯨﺦ، رﯦﺌﺎﻟﻠﯩﻖ - ﻳﯧﺰﯨﻠﯩﯟاﺗﻘﺎن ﺗﺎرﯨﺦ.
ﺋﯩﻨﺴﺎﻧﯩﻴﻪﺗﻨﯩﯔ ﻣﯘﻗﻪددەس ﺋﯚﺗﻤﯜﺷﻰ ﺷﻪﻛﯩﻠﻠﻪﻧﮕﻪن ۋاﻗﯩﺘﺘﯩﻦ ﺑﺎﺷلاپ، ﺟﻪﻣﺌﯩﻴﻪت ﺗﻪرەﻗﻘﯩﻴﺎﺗﻰ ﺋﯜﭼﯜن ﺧﯩﺰﻣﻪت ﻗﯩﻠﯩﭗ ﻛﯧﻠﯩﯟاﺗﻘﺎن ﺗﺎرﯨﺦ ﭘﻪﻧﻠﯩﺮى ﺑﯩﺮ ﻣﯩﻠﻠﻪت، ﺑﯩﺮ راﻳﻮن ﻳﺎﻛﻰ ﺑﯩﺮەر ﺋﺎﺋﯩﻠﯩﮕﻪ ﻧﯩﺴﺒﻪﺗﻪن ﻛﻪم ﺑﻮﻟﺴﺎ ﺑﻮﻟﻤﺎﻳﺪﯨﻐﺎن ﻧﯘرﻟﯘق ﺋﻪﯕﮕﯜﺷﺘﻪر ﮬﯧﺴﺎﺑﻠﯩﻨﯩﭗ ﻛﻪﻟﻤﻪﻛﺘﻪ. ﻛﯩﻤﻨﯩﯔ ﻳﺎﻛﻰ ﻗﻪﻳﻪرﻧﯩﯔ ﺑﻮﻟﯘﺷﯩﺪﯨﻦ، ﻛﯩﻤﮕﻪ ﻳﺎﻛﻰ ﻧﯧﻤﯩﮕﻪ ﻣﯘﻧﺎﺳﯩﯟەﺗﻠﯩﻚ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪزەر، ﺋﯘ ﺗﺎرﯨﺨلا ﺑﻮﻟﯩﺪﯨﻜﻪن، ﺋﯚزﯨﮕﻪ ﺗﯘﺷﻠﯘق ﺋﺎرزۇ - ﺋﺎرﻣﺎﻧلارﻧﻰ ﻣﯘﺟﻪﺳﺴﻪﻣﻠﯩﮕﻪن ﺋﻪﭘﺴﺎﻧﻪ - رﯨﯟاﻳﻪﺗﻠﯩﺮى، ﻗﺎن - ﻳﺎﺷﻠﯩﻖ ﮬﺎﻳﺎت ﺋﯘلاﻧﻤﯩﻠﯩﺮﯨﻨﯩﯔ ﭘﻮلاﺗﺘﻪك ﭘﺎﻛﯩﺘﻠﯩﺮى ﮬﻪم ﻣﯘﺷﯘ ﭘﺎﻛﯩﺘلار ﺋﺎﺳﺎﺳﯩﺪا ﺷﻪﻛﯩﻠﻠﻪﻧﮕﻪن ﺋﯩﺪﯨﻴﻪ - ﻣﯘلاﮬﯩﺰﯨﻠﯩﺮى ﺑﯩﻠﻪن ﻣﻪدەﻧﯩﻴﻪت ﺧﻪزﯨﻨﯩﺴﯩﻨﻰ ﺋﯘﻟﻐﺎﻳﺘﯩﭗ ﮬﻪم ﻧﯘرلاﻧﺪۇرۇپ، ﻛﯩﺸﯩﻠﻪرﻧﯩﯔ ﻳﯜزﯨﻨﻰ ﻳﻮرۇق، ﻛﯚزﯨﻨﻰ ﺋﻮﭼﯘق، ﻳﻮﻟﯩﻨﻰ دۇرۇس ﻗﯩﻠﯩﺪۇ. ﺑﯩﺮ ﻣﯩﻠﻠﻪت، ﺑﯩﺮ دۆﻟﻪﺗﻜﻪ ﻧﯩﺴﺒﻪﺗﻪن، ﺗﺎرﯨﺨﻨﻰ ﺋﯘﻧﺘﯘش ﮬﺎلاﻛﻪﺗﻜﻪ ﻳﯜزﻟﯩﻨﯩﺶ ﮬﯧﺴﺎﺑلاﻧﺴﺎ، ﺑﯩﺮ ﺋﺎﺋﯩﻠﻪ، ﺑﯩﺮ ﺋﺎدەﻣﮕﻪ ﻧﯩﺴﺒﻪﺗﻪن، ﺗﺎرﯨﺨﻨﻰ ﺋﯘﻧﺘﯘش ﺋﺎﺳﯩﻴﻠﯩﻖ - ﻛﯘﭘﯘرﻟﯘﻗﺘﯩﻦ دﯦﺮەك ﺑﯧﺮﯨﺪۇ. ﺗﺎرﯨﺦ ﺑﻪﺗﻠﯩﺮﯨﻨﻰ ۋاراﻗلاپ ﻛﯚرﮔﯩﻨﯩﻤﯩﺰدە، ﻳﯘﻗﯩﺮﯨﻘﻰ ﻳﻪﻛﯜﻧﻨﻰ ﺗﯧﺨﯩﻤﯘ ﺋﯧﻨﯩﻖ ﮬﯧﺲ ﻗﯩﻠﯩﭙلا ﻗﺎﻟﻤﺎﺳﺘﯩﻦ، ﺑﻪﻟﻜﻰ ﻛﯚزﯨﻤﯩﺰﻧﻰ ﻳﻮﻏﺎن ﺋﯧﭽﯩﭗ، ﺟﺎﮬﺎﻧﺪا ﺑﻮﻟﻐﺎن ۋە ﺑﻮﻟﯘۋاﺗﻘﺎن ﺋﯩﺸلارﻧﯩﯔ ﺷﯘﻧﭽﻪ ﻛﯚپ، ﺷﯘﻧﭽﻪ ﺋﻪﮬﻤﯩﻴﻪﺗﻠﯩﻚ، ﺷﯘﻧﭽﻪ ﺟﻪﻟﭙﻜﺎر ﺋﯩﻜﻪﻧﻠﯩﻜﯩﺪﯨﻦ ﮬﻪﻳﺮان ﻗﺎﻟﯩﻤﯩﺰ. ﺑﻪﻟﻜﯩﻢ، ﻧﯘرﻏﯘن زاﻣﺎﻧلاردﯨﻦ ﺑﯘﻳﺎن ﺋﯚز ﺗﺎرﯨﺨﯩﻨﻰ ﺋﯚزى ﻳﻮﻗﯩﺘﯩﭗ ﻛﯧﻠﯩﯟاﺗﻘﺎن ﻧﺎدان ﺧﻪﻟﻘﻠﻪر ﺋﯜﭼﯜن ﻛﯚزﯨﻨﻰ ﺋﯧﭽﯩﺶ ﺗﯧﺨﯩﻤﯘ ﻣﯘﮬﯩﻢ ﺑﻮﻟﺴﺎ ﻛﯧﺮەك.
دۇﻧﻴﺎ ﺗﺎرﯨﺨﻰ ﭼﻮڭ - ﻛﯩﭽﯩﻚ ﻣﯩﻠﻠﻪﺗﻠﻪرﻧﯩﯔ ﺋﻮﻣﯘﻣﯩﻲ ﺗﺎرﯨﺨﻰ ﺑﻮﻟﺴﯩﻤﯘ، ﺋﻪزەﻟﺪﯨﻦ ﺗﺎرﺗﯩﭗ ﮬﯚﻛﯜﻣﺮان ﻣﯩﻠﻠﻪﺗﻠﻪرﻧﯩﯔ ﻳﺎزﻣﺎ - ﻗﯧﺰﯨﻠﻤﯩﻠﯩﺮى ﺋﺎرﻗﯩﻠﯩﻖ ﻧﺎﻣﺎﻳﺎن ﺑﻮﻟﯘپ ﻛﻪﻟﺪى ﮬﻪم ﺷﯘ ﺧﯩﻞ ﻣﯩﻠﻠﻪﺗﻠﻪرﻧﯩﯔ ﺳﺎﻗلاش، رەﺗﻠﻪش، ﻛﯚزﯨﺘﯩﺶ، ﺋﯚزى ﺋﯜﭼﯜن ﺧﯩﺰﻣﻪت ﻗﯩﻠﺪۇرۇش ﺋﻪﻧﺌﻪﻧﯩﺴﻰ ﺋﺎﺳﺎﺳﯩﺪا دۆﻟﻪت ﺑﯩﺮﻟﯩﻜﻰ، ﻣﯩﻠﻠﻪت ﺋﯩﭙﺘﯩﺨﺎرﻟﯩﻘﻰ ﺳﯜﭘﯩﺘﯩﺪە ﺟﻪﻣﺌﯩﻴﻪت ﺗﻪرەﻗﻘﯩﻴﺎﺗﯩﻐﺎ ﺗﻪﺳﯩﺮ ﻛﯚرﺳﯩﺘﯩﭗ ﺗﯘردى. ﺗﺎرﯨﺨﻨﯩﯔ ﻳﯧﯖﻰ ﺑﻪﺗﻠﯩﺮﯨﺪﯨﻦ ﺋﻮرۇن ﺋﺎلاﻟﻤﯩﻐﺎن ﺑﻪزى ﻣﯩﻠﻠﻪﺗﻠﻪرﻧﯩﯔ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﯩﻨﯩﺸﻰ ﺑﯩﺮ ﺗﻪرەﭘﺘﯩﻦ ﺳﯩﻴﺎﺳﯩﻲ، ﺟﯘﻏﺮاﭘﯩﻴﯩﻠﯩﻚ ﺋﺎﻣﯩﻠلارﻧﯩﯔ ﺳﻪۋەﺑﯩﺪﯨﻦ ﺑﻮﻟﺴﺎ، ﻳﻪﻧﻪ ﺑﯩﺮ ﺗﻪرەﭘﺘﯩﻦ، ﺋﯚز ۋۇﺟﯘدﯨﺪﯨﻜﻰ ﭘﺴﯩﺨﯩﻚ ﺋﺎﻣﯩﻠلار ﺳﻪۋەﺑﯩﺪﯨﻦ ﺟﯜﻣﻠﯩﺪﯨﻦ ﺗﺎرﯨﺨﻨﻰ داۋاﻣلاﺷﺘﯘرﯨﺪﯨﻐﺎن ﺋﺎڭ ۋە ﻣﻪدەﻧﯩﻴﻪﺗﻨﯩﯔ ﻳﯧﺘﻪرﺳﯩﺰﻟﯩﻜﯩﺪﯨﻦ ﺑﻮﻟﺪى. ﺗﺎرﯨﺨﻨﯩﯔ ﺋﯚزى ﺷﻪﭘﻘﻪﺗﺴﯩﺰ، ﺋﯘﻧﯩﯔ ﺷﺎﻟلاش ﺋﻮﺑﻴﯧﻜﺘﻠﯩﺮى ﺋﻮﺧﺸﺎﺷﻤﯩﻐﺎن ﻣﺎﻛﺎن ۋە زاﻣﺎﻧﺪا ﺋﻮﺧﺸﺎﺷﻤﯩﻐﺎن ﮬﺎﻟﻪت ۋە ﻗﯩﻴﺎﭘﻪﺗﺘﻪ ﺷﻪﻛﯩﻠﻠﯩﻨﯩﭗ ﺗﯘرﯨﺪۇ. ﺋﯩﻠﮕﯩﺮى ﭘﺎرلاق ﺗﺎرﯨﺨﻘﺎ ﺋﯩﮕﻪ ﺑﻮﻟﻐﺎن ﺑﻪزى ﻣﺎﻛﺎن ۋە ﺋﺎۋاﻣلار ﻛﯧﻴﯩﻨﭽﻪ ﺋﯘﻧﯩﯖﺪﯨﻦ ﻣﻪﮬﺮۇم ﻗﯧﻠﯩﺸﻰ ﻣﯘﻣﻜﯩﻦ. ﺋﻪﻛﺴﯩﭽﻪ، ﺋﺎﻧﭽﻪ ﻛﯚزﮔﻪ ﭼﯧﻠﯩﻘﻤﯩﻐﺎن ﺑﻪزى راﻳﻮن ﻳﺎﻛﻰ ﺧﻪﻟﻘﻠﻪر ﺑﯩﺮدﯨﻨلا ﺋﯘﺗﯘق ﻗﺎزﯨﻨﯩﭗ، دۇﻧﻴﺎۋى ﻣﯩﻠﻠﻪﺗﻠﻪرﻧﯩﯔ ﻗﺎﺗﺎرﯨﺪﯨﻦ ﺋﻮرۇن ﺋﯧﻠﯩﭗ ﻗﯧﻠﯩﺸﻰ ﻣﯘﻣﻜﯩﻦ. ﺑﯘ ﺧﯩﻞ رﯦﺌﺎﻟﻠﯩﻘﺘﯩﻦ ﻗﺎرﯨﻐﺎﻧﺪا، ﺗﺎرﯨﺦ ﺋﺎرﻗﯩﻠﯩﻖ ﻧﻪزەر داﺋﯩﺮﯨﻨﻰ ﻛﯧﯖﻪﻳﺘﯩﺶ، ﺗﺎرﯨﺦ ﺋﺎرﻗﯩﻠﯩﻖ ﺋﻪۋلاد ﺗﻪرﺑﯩﻴﯩﻠﻪش، ﺗﺎرﯨﺦ ﺋﺎرﻗﯩﻠﯩﻖ رﯦﺌﺎﻟﻠﯩﻘﻨﯩﯔ ﺋﻪڭ ﻳﯧﯖﻰ ﺗﻪﭘﻪﻛﻜﯘر ﻳﻮﻟﯩﻨﻰ ﺋﯩﺰدەش، ﻳﺎﺷﺎش ﺋﯩﻘﺘﯩﺪارﯨﻨﻰ ﻛﯜﭼﻪﻳﺘﯩﺸﻨﻰ ﺧﺎلاﻳﺪﯨﻐﺎن زاﻣﺎﻧﯩﯟى ﻣﯩﻠﻠﻪﺗﻠﻪر ﺋﯜﭼﯜن ﺋﯩﻨﺘﺎﻳﯩﻦ زۆرۈر.
ﺗﺎرﯨﺨﻘﺎ ﮬﯚرﻣﻪت ﻗﯩﻠﯩﺶ - ﺑﯩﺮ ﺧﯩﻞ ﺋﯩﻠﻤﯩﻲ ﭘﻪزﯨﻠﻪت. ﺗﺎرﯨﺨﻘﺎ ﺗﻮﻏﺮا ﺑﺎﮬﺎ ﺑﯧﺮﯨﺶ - ﺑﯩﺮ ﺧﯩﻞ ﺗﻪﭘﻪﻛﻜﯘر ﭘﺎﺋﺎﻟﯩﻴﯩﺘﻰ ﺑﻮﻟﯘﭘلا ﻗﺎﻟﻤﺎﺳﺘﯩﻦ، ﺋﺎداﻟﻪت ۋە ﮬﻪﻗﻘﺎﻧﯩﻴﻪﺗﻨﻰ ﻳﺎﻗلاش ﭘﺎﺋﺎﻟﯩﻴﯩﺘﻰ. ﺋﯧﻠﯩﻤﯩﺰ ﺟﯘﯕﮕﻮ ﻗﻪدﯨﻤﻜﻰ دۇﻧﻴﺎ ﻣﻪدەﻧﯩﻴﯩﺘﯩﻨﯩﯔ ﺗﯚت ﭼﻮڭ ﺑﯚﺷﯜﻛﯩﺪﯨﻦ ﺑﯩﺮى. ﺋﯘﻳﻐﯘر ﻣﯩﻠﻠﯩﺘﻰ ﺟﯘﯕﺨﯘا ﻣﯩﻠﻠﻪﺗﻠﯩﺮﯨﻨﯩﯔ ﻣﯘﮬﯩﻢ ﺗﻪرﻛﯩﺒﯩﻲ ﻗﯩﺴﻤﻰ ﺑﻮﻟﯘش ﺳﯜﭘﯩﺘﻰ ﺑﯩﻠﻪن ﺷﻪرەﭘﻠﯩﻚ ﻣﻪدەﻧﯩﻴﻪت ﺋﻪﻧﺌﻪﻧﯩﺴﯩﮕﻪ ﺋﯩﮕﻪ ﻣﯩﻠﻠﻪﺗﻠﻪرﻧﯩﯔ ﺑﯩﺮﺳﻰ. ﺋﯘﻳﻐﯘر ﺗﺎرﯨﺨﯩﺪﯨﻜﻰ ﻣﯘﮬﯩﻢ ﻣﻪرﻛﻪزﻟﻪرﻧﯩﯔ ﺑﯩﺮى ﺑﻮﻟﻐﺎن ﺗﺎرﯨﻢ ﺋﻮﻳﻤﺎﻧﻠﯩﻘﻰ ﺟﯘﯕﮕﻮ ۋە ﭼﻪت ﺋﻪل ﺋﺎﻟﯩﻤﻠﯩﺮﯨﻨﯩﯔ دﯨﻘﻘﯩﺘﯩﮕﻪ ﺳﺎزاۋەر ﺑﻮﻟﻤﺎﻗﺘﺎ، ﺗﺎرﯨﻤﺪﯨﻜﻰ ﺗﺎرﯨﺨﯩﻲ ﺗﯩﻨﺪۇرﻣﯩلار ﺋﯧﭽﯩﻠﯩﺶ ﺋﺎﻟﺪﯨﺪﯨﻜﻰ ﻣﯘزﯦﻴﻐﺎ ﺋﻮﺧﺸﺎﻳﺪۇ.
ﻧﯩﮭﺎﻳﻪت، ﺗﺎرﯨﺨﻘﺎ ﺋﻪﮬﻤﯩﻴﻪت ﺑﯧﺮﯨﺶ ﺑﯩﺰدە ﺗﯧﺨﻰ ﺗﻮﻟﯘق ﻳﯧﺘﯩﻠﻤﯩﮕﻪن ﮬﺎﻣﯩﻠﻪ. ﺋﺎز ﺳﺎﻧﺪﯨﻜﻰ ﻧﻪﺷﺮ ﺑﯘﻳﯘﻣﻠﯩﺮى ۋە ﺗﻪﺗﻘﯩﻘﺎت ﻧﻪﺗﯩﺠﯩﻠﯩﺮﯨﻨﻰ ﮬﯧﺴﺎﺑﻘﺎ ﺋﺎﻟﻤﯩﻐﺎﻧﺪا، زﯨﻴﺎﻟﯩﻴﻠﯩﺮﯨﻤﯩﺰ ﺋﺎرﯨﺴﯩﺪا ﺗﺎرﯨﺦ ﺋﻮﻗﯘﻳﺪﯨﻐﺎﻧلار ﻳﺎﻛﻰ ﺗﺎرﯨﺦ ﮬﻪﻗﻘﯩﺪە ﻗﻪﻟﻪم ﺗﻪۋرﯨﺘﯩﺪﯨﻐﺎﻧلار ﻧﻪﭼﭽﻪ ﻳﯜز ﻧﻪﭘﻪردﯨﻦ ﺋﺎﺷﻤﯩﺴﺎ ﻛﯧﺮەك. ﻧﻪﭼﭽﻪ ﻳﯜز ﻧﻪﭘﻪر ﻛﺎدﯨﺮ - ﺧﯩﺰﻣﻪﺗﭽﻰ ﺗﻮﭘﻰ ﺋﺎرﯨﺴﯩﺪﯨﻦ ﺗﺎرﯨﺦ ﺗﻪﺗﻘﯩﻘﺎﺗﯩﻐﺎ ﺋﺎﺋﯩﺖ ژۇرﻧﺎل ﻳﺎﻛﻰ ﻛﯩﺘﺎب ﺗﯧﭙﯩﻠﻤﺎﻳﺪۇ. دەرﺳﻠﯩﻜﻠﻪردﯨﻜﻰ ﻣﯩﻠﻠﻪت ﺗﺎرﯨﺨﯩﻐﺎ ﺋﺎﺋﯩﺖ ﺋﺎز - ﺗﻮلا ﺑﺎﻳﺎﻧلاردﯨﻦ ﮬﺎﻟﻘﯩﭗ، ﺑﺎﻳﻘﺎپ ۋە ﻛﯚزﯨﺘﯩﭗ، ﺑﻪﻟﮕﯩﻠﯩﻚ ﺧﯘلاﺳﻪ ﭼﯩﻘﯩﺮالاﻳﺪﯨﻐﺎن ﺋﯩﺠﺘﯩﻤﺎﺋﯩﻲ ﭘﻪن ﺋﻮﻗﯘﺗﻘﯘﭼﯩﻠﯩﺮى ﺳﺎﻧﺎﻗﻠﯩﻘلا. ﻳﯧﻘﯩﻨﺪا ﺑﯩﺮ ﻧﻪﭘﻪر ﺑﺎﺷﻘﺎرﻣﺎ دەرﯨﺠﯩﻠﯩﻚ ﻛﺎدﯨﺮﻧﯩﯔ ﺋﯚزﯨﺪﯨﻦ ﻳﯩﮕﯩﺮﻣﻪ ﻧﻪﭼﭽﻪ ﻳﺎش ﻛﯩﭽﯩﻚ ﺑﯩﺮ ﺳﺘﻮدﯦﻨﺘﻘﺎ ﺳﯚزﻟﻪۋاﺗﻘﺎن ﭘﺎرﯨﯖﯩﻨﻰ ﺋﺎﯕلاپ ﻗﺎﻟﺪﯨﻢ. ﺋﯘﻧﯩﯔ «ﭼﯜﺷﻪﻧﺪۈرۈﺷﻰ»ﭼﻪ، ﺋﯘﻳﻐﯘرلارﻧﯩﯔ ﭘﻪﻧﻨﯩﻲ ﻣﺎﺋﺎرﯨﭙﻰ ﻳﯧﻘﯩﻨﻘﻰ 50 ﻳﯩﻞ ﻣﺎﺑﻪﻳﻨﯩﺪە ﺑﺎرﻟﯩﻘﻘﺎ ﻛﻪﻟﮕﻪن ﻣﺎﺋﺎرﯨﭙﻜﻪن. ﺋﯘﻳﻐﯘر دﯦﮭﻘﺎﻧلار ﺋﻮﭼﺎق ﺳﯧﻠﯩﺸﻨﻰ ﺑﯩﻠﻤﯩﮕﻪﻧﻠﯩﻜﺘﯩﻦ، ﮬﺎزﯨﺮﻏﯩﭽﻪ ﻛﯚﻣﻪچ ﻧﺎن ﭘﯩﺸﯘرۇپ ﻳﻪﻳﺪﯨﻜﻪن. ﺑﯘﻧﻰ ﺋﯘ ﻳﯧﺰﯨلارﻏﺎ ﻣﯘﻗﯩﻤﻠﯩﻖ ﺧﯩﺰﻣﯩﺘﯩﻨﻰ ﺗﻪﻛﺸﯜرۈپ ﺑﺎرﻏﺎﻧﺪا ﮬﯧﺲ ﻗﯩﻠﯩﭙﺘﯘ … ﻳﺎﻧﺪا ﺗﯘرۇپ ﺋﺎﯕلاۋﯦﺘﯩﭗ، ﺑﯘ ﺧﯩﻞ ﺗﯧﺘﯩﻘﺴﯩﺰ ﺗﻮﻧﯘﺷﺘﯘرۇﺷﻨﻰ دەۋاﺗﻘﺎن ﺋﺎدەﻣﻨﯩﯔ ﺋﯘﻳﻐﯘر ﺋﯩﻜﻪﻧﻠﯩﻜﯩﺪﯨﻦ ﮔﯘﻣﺎﻧلاﻧﺪﯨﻢ. ﺋﯚز ﻣﯩﻠﻠﯩﺘﯩﻨﯩﯔ ﻣﯩﻠﻠﯩﻲ ﻣﻪدەﻧﯩﻴﯩﺘﻰ ﺑﯩﻠﻪن ﺗﻮﻧﯘﺷﻠﯘﻗﻰ ﺑﻮﻟﻤﯩﻐﺎن ﺑﯘ ﺑﺎﻳﻘﯘﺷﻨﯩﯔ ﺗﯩﻠﯩﻨﻰ ﻛﯧﺴﯩﯟەﺗﻜﯜم ﻛﻪﻟﺪى. ﺋﯧﮭﺘﯩﻤﺎل، ﺑﺎﺷﻘﺎ ﻛﯩﺸﯩﻠﻪر ﺋﯘﻧﺪاق ﺋﻪﻣﻪﺳﺘﯘ، ﺗﺎرﯨﺨﯩﻲ ﻣﻪدەﻧﯩﻴﻪت ﺑﯩﻠﻪن زاﻣﺎﻧﯩﯟى ﻣﻪدەﻧﯩﻴﻪت ﺋﻮﺗﺘﯘرﯨﺴﯩﺪﯨﻜﻰ ﭘﻪرق ۋە ﻣﯘﻧﺎﺳﯩﯟەﺗﻨﻰ ﺗﻮﻏﺮا ﭼﯜﺷﯩﻨﯩﺪﯨﻐﺎﻧﺪۇ ﮬﻪم ﺗﻮﻏﺮا ﭼﯜﺷﻪﻧﺪەرەﻟﻪﻳﺪﯨﻐﺎﻧﺪۇ. ﺋﺎﻟﯩﻲ ﻣﺎﺋﺎرﯨﭗ ﺗﻪرﺑﯩﻴﯩﺴﻰ ﺗﯘرﻣﺎق، ﺋﺎدەﺗﺘﯩﻜﻰ ﻣﺎﺋﺎرﯨﭗ ﺗﻪرﺑﯩﻴﯩﺴﻰ، ﮬﯧﭽﺒﻮﻟﻤﯩﺴﺎ ﺋﺎﺋﯩﻠﻪ ﺗﻪرﺑﯩﻴﯩﺴﯩﻨﻰ ﺋﺎﻟﻐﺎن ﮬﻪرﻗﺎﻧﺪاق ﺑﯩﺮ ﺋﺎدەم ﺑﯩﻠﯩﺪﯨﻐﺎن ﺑﯘ ﮬﻪﻗﯩﻘﻪت ﺋﯘﻧﯩﯖﻐﺎ ﻧﯧﻤﯩﺸﻘﺎ ﺗﻪﺳﯩﺮ ﻛﯚرﺳﻪﺗﻤﯩﺪﯨﻜﯩﻨﻪ؟
ﺑﯘ ﺋﺎدەم ﮬﻪﻗﻘﯩﺪە ﮬﻪﺳﺮەت ﭼﯧﻜﯩﯟﯦﺘﯩﭗ، ﺋﯩﺨﺘﯩﻴﺎرﺳﯩﺰ ﮬﺎﻟﺪا ﺗﺎرﯨﺨﯩﻤﯩﺰدﯨﻜﻰ ﺳﻪﻟﺒﯩﻲ ﺗﻪﻛﺮارﻟﯩﻨﯩﺸلارﻧﻰ ﺋﻪﺳﻠﻪپ ﻗﺎﻟﺪﯨﻢ. ﮔﻪرﭼﻪ ﺗﺎرﯨﺦ ﺗﻪﻛﺮارلاﻧﻤﺎﻳﺪﯨﻐﺎن ﮬﻪﻗﯩﻘﻪت ﺑﻮﻟﺴﯩﻤﯘ، ﺗﺎرﯨﺨﯩﻲ ﮬﺎدﯨﺴﯩﻠﻪر ﻳﺎﺧﺸﻰ ﺗﻪﺗﻘﯩﻖ ﻗﯩﻠﯩﻨﻤﯩﺴﺎ ﻳﺎﻛﻰ ﺋﯘﻧﯩﯖﺪﯨﻦ ﺗﯧﮕﯩﺸﻠﯩﻚ ﺧﯘلاﺳﻪ ﭼﯩﻘﯩﺮﯨﻠﻤﯩﺴﺎ، ﺳﻪﻟﺒﯩﻲ ﺋﺎﻗﯩﯟەت ﻛﯧﻠﯩﭗ ﭼﯩﻘﯩﺸﻰ ﻣﯘﻣﻜﯩﻦ. دۇﻧﻴﺎ ﻣﯩﻘﻴﺎﺳﯩﺪﯨﻦ ﺋﺎﻟﻐﺎﻧﺪا، ﺳﻮﻏﯘق ﻣﯘﻧﺎﺳﯩﯟەﺗﻠﻪر ﺋﯘرۇﺷﯩﻨﯩﯔ ﺋﯩﻨﺴﺎﻧﯩﻴﻪﺗﻜﻪ ﻛﻪﻟﺘﯜرﮔﻪن زﯨﻴﯩﻨﻰ ﺋﺎز ﺋﻪﻣﻪس. ﺗﺎرﯨﺨﺘﯩﻜﻰ ﻣﯘﺳﯘﻟﻤﺎﻧلار ﺑﯩﻠﻪن ﺧﯩﺮﯨﺴﺘﯩﺌﺎﻧلارﻧﯩﯔ ﺳﻮﻏﯘق ﻣﯘﻧﺎﺳﯩﯟﯨﺘﻰ ﺋﯚﺗﻜﻪن ﺋﻪﺳﯩﺮدە ﺳﺎﺑﯩﻖ ﺳﻮۋﯦﺖ ﺋﯩﺘﺘﯩﭙﺎﻗﯩﻨﻰ ﻣﻪرﻛﻪز ﻗﯩﻠﻐﺎن ﭘﺮوﻟﯧﺘﺎرلار ﺑﯩﻠﻪن ﻏﻪرب ﺑﯘرژۇﺋﺎزﯨﻴﯩﺴﯩﻨﯩﯔ ﻣﯘﻧﺎﺳﯩﯟﯨﺘﯩﺪە ﺗﻪﻛﺮارلاﻧﺪى. ﺋﻪﻳﻨﻰ ۋاﻗﯩﺘﺘﺎ، ﺳﻮۋﯦﺖ ﺳﻮﺗﺴﯩﻴﺎﻟﯩﺰﻣﯩﻨﯩﯔ ﺋﺎرزۇ - ﺋﺎرﻣﺎﻧﻠﯩﺮى ﮔﯜزەل، ﻧﯩﺸﺎﻧﻰ ﭘﺎرلاق ﺑﻮﻟﺴﯩﻤﯘ، ﭼﯧﻜﯩﺪﯨﻦ ﺋﺎﺷﻘﺎن ﺳﻮﻟﭽﯩﻞ ﺳﯩﻴﺎﺳﻪت ﻳﯜرﮔﯜزﮔﻪﻧﻠﯩﻜﺘﯩﻦ، ﺳﺎﺋﺎدەت ﻣﻪﻧﺰﯨﻠﯩﮕﻪ ﻳﯧﺘﻪﻟﻤﻪي، ﺟﺎﮬﺎﻟﻪت ﭘﺎﺗﻘﯩﻘﯩﻐﺎ ﭘﯧﺘﯩﭗ ﻗﺎﻟﺪى. ﺑﯘ ﺳﻪﮬﻨﯩﺪە ﺋﻮﻳﻨﺎﻟﻐﺎن ﻗﺎﺑﺎﮬﻪﺗﻠﯩﻚ ﺋﻮﻳﯘﻧﻨﯩﯔ ﻛﯚﻟﻪﯕﮕﯜﺳﻰ ﻛﯩﺸﯩﻠﻪرﻧﯩﯔ ﻛﯚزﯨﻨﻰ ﺋﯧﺘﯩﭗ، ﺋﺎدەﻣﻠﻪر ﺋﻮﺗﺘﯘرﯨﺴﯩﺪﯨﻜﻰ دۈﺷﻤﻪﻧﻠﯩﻜﻨﻰ ﻛﯜﭼﻪﻳﺘﯩﯟەﺗﺘﻰ. ﺋﯘﻧﯩﯔ ﻗﯩﻠﯩﻘﻠﯩﺮى ﻣﻪﻣﻠﯩﻜﯩﺘﯩﻤﯩﺰ ﺟﯘﯕﮕﻮدا «ﻣﻪدەﻧﯩﻴﻪت زور ﺋﯩﻨﻘﯩلاﺑﻰ» ﺋﺎﺗﺎﻟﻤﯩﺴﻰ ﺑﯩﻠﻪن ﺗﻪﻛﺮارﻟﯩﻨﯩﭗ، ﻧﯘرﻏﯘن ﺑﯩﮕﯘﻧﺎھ ﻛﯩﺸﯩﻠﻪرﻧﯩﯔ ﺑﯧﺸﯩﻐﺎ ﭼﯩﻘﺘﻰ. ﺋﯧﻠﯩﻤﯩﺰ ﺗﺎرﯨﺨﯩﺪا ﺳﯧﺮﯨﻖ ﻳﺎﻏﻠﯩﻘﻠﯩﻘلار ﻗﻮزﻏﯩﻠﯩﯖﻰ دەﻳﺪﯨﻐﺎن ﺑﯩﺮ ﻗﯧﺘﯩﻤﻠﯩﻖ دﯦﮭﻘﺎﻧلار ﻗﻮزﻏﯩﻠﯩﯖﯩﻨﯩﯔ ﺑﻮﻟﻐﺎﻧﻠﯩﻘﻰ دەرﺳﻠﯩﻜﻠﻪردﯨﻦ ﺋﺎﻳﺎن. ﺋﻪﻧﻪ ﺷﯘ ﻗﻮزﻏﯩلاﯕﻨﻰ ﺑﺎﺳﺘﯘرۇﺷﻘﺎ ﺋﺎﻟﺪﯨﺮاپ ﻛﻪﺗﻜﻪن ﻓﯧﺌﻮدال ﺑﻪگ - ﺳﯩﭙﺎﮬلار ﭼﺎﭘﺎرﻣﻪﻧﻠﯩﺮﯨﮕﻪ »ﻳﺎﻏﻠﯩﻘﯩﻨﻰ ﺋﯧﻠﯩﭗ ﻛﯧﻠﯩﺶ» دەﻳﺪﯨﻐﺎن ﻣﯘﮬﯩﻢ ۋەزﯨﭙﯩﻨﻰ ﺗﺎﭘﺸﯘرﻏﺎﻧﺪا، ﻗﯧﻨﻰ ﻗﯩﺰﯨﭗ ﻛﻪﺗﻜﻪن ﭼﺎﭘﺎرﻣﻪﻧﻠﻪر ﺋﯘلارﻧﯩﯔ ﺑﯧﺸﯩﻨﻰ ﺋﯧﻠﯩﭗ ﻛﯧﻠﯩﭗ، ﺋﺎﻟﻠﯩﻘﺎﭼﺎن ﺗﻪﻳﻴﺎرلاپ ﻗﻮﻳﯘﻟﻐﺎن ﺋﯩﻨﺌﺎم - ﺗﺎرﺗﯘﻗلارﻏﺎ ﺋﯧﺮﯨﺸﻜﻪن. ﺋﯩﮕﯩﺴﯩﺪﯨﻦ ﺋﯩﻨﺌﺎم ﺋﺎﻟﯩﺪﯨﻐﺎن ﺑﯘ ﺋﺎدەت ﺋﯩﻜﻜﻰ ﻣﯩﯔ ﻳﯩﻞ ﻣﺎﺑﻪﻳﻨﯩﺪە «ﻳﺎﻏﻠﯩﻘﯩﻨﻰ ﺋﯧﻠﯩﭗ ﻛﻪل دﯦﺴﻪ، ﺑﯧﺸﯩﻨﻰ ﻛﯧﺴﯩﭗ ﻛﻪﭘﺘﯘ» دﯦﮕﻪن داﯕﻠﯩﻖ ﺗﻪﻣﺴﯩﻠﮕﻪ ﺋﺎﻳلاﻧﻐﺎن. ﺋﺎﺗﺎﻟﻤﯩﺶ «ﻣﻪدەﻧﯩﻴﻪت زور ﺋﯩﻨﻘﯩلاﺑﻰ»دﯨﻜﻰ ﺧﺎﺗﺎﻟﯩﻘلارﻧﻰ ﭘﺎرﺗﯩﻴﯩﻤﯩﺰ ۋە ﮬﯚﻛﯜﻣﯩﺘﯩﻤﯩﺰ ﺗﯜزەﺗﺘﻰ، ﺋﻪﻟﯟەﺗﺘﻪ. ﻟﯧﻜﯩﻦ ﺷﯘ ﻣﻪزﮔﯩﻠﺪە ﺋﯚﮔﻪﻧﮕﻪن ﺳﻮﻟﭽﯩﻞ ﻧﻪزەرﯨﻴﻪ ﺑﯩﺮ ﻗﯩﺴﯩﻢ ﻛﯩﺸﯩﻠﻪرﻧﯩﯔ ﻗﻪﻟﺒﯩﺪە ﭼﻮﯕﻘﯘر ﻳﯩﻠﺘﯩﺰ ﺗﺎرﺗﯩﭗ ﻛﻪﺗﻜﻪﭼﻜﻪ، ﺑﻪزﯨﺪە ﻳﻪﻧﯩلا ﺗﺎرﯨﺨﯩﻲ ﮬﺎدﯨﺴﯩﻠﻪرﻧﯩﯔ ﺗﻪﻛﺮارﻟﯩﻨﯩﺸﯩﻨﻰ ﻛﻪﻟﺘﯜرۈپ ﭼﯩﻘﺎرﻣﺎﻗﺘﺎ. ﺋﯩﻘﺘﯩﺴﺎد ﺗﻪرەﻗﻘﯩﻲ ﻗﯩﻠﯩﯟاﺗﻘﺎن ﺑﯜﮔﯜﻧﻜﻰ ﻛﯜﻧﺪە، ﺑﻪزى ﺋﯩﺸلارﻧﯩﯔ ﺗﻪرەﻗﻘﯩﻴﺎﺗﻨﻰ ﭼﻪﻛﻠﻪپ ﺗﯘرۇۋاﺗﻘﺎﻧﻠﯩﻘﻰ ﻛﯩﺸﯩﻨﻰ ﺧﺎﺗﯩﺮﺟﻪﻣﺴﯩﺰﻟﻪﻧﺪۈرﯨﺪۇ. «دوﭘﭙﯩﺴﯩﻨﻰ ﺋﻪﻛﻪل دﯦﺴﻪ، ﺑﯧﺸﯩﻨﻰ ﺋﻪﻛﻪﭘﺘﯘ»ﻏﺎ ﺋﯚزﮔﻪرﮔﻪن ﺗﺎرﯨﺨﯩﻲ ﺗﻪﻣﺴﯩﻞ ﺋﯘﻳﻐﯘر ﺟﻪﻣﺌﯩﻴﯩﺘﯩﺪە ﻳﻪﻧﯩلا ﻛﯜچ ﻛﯚرﺳﯩﺘﯩﯟاﺗﯩﺪۇ. ﺷﻪﮬﻪر ﮬﺎﻳﺎﺗﯩﻨﻰ ﻗﻮﻳﯘپ ﺗﯘرۇپ، ﻳﯩﺮاق ﻳﯧﺰا - ﻗﯩﺸلاﻗﻠﯩﺮﯨﻤﯩﺰﻧﻰ ﻛﯚزﯨﺘﯩﭗ ﺑﺎﻗﺴﺎق، ﻳﯧﻤﻪك - ﺋﯩﭽﻤﻪك، ﻛﯩﻴﯩﻢ - ﻛﯧﭽﻪﻛﻜﻪ راﻣﻜﺎ ﺑﻪﻟﮕﯩﻠﻪپ، ﮬﻮﻳلا ﺗﯧﻤﯩﻨﻰ ﻣﻪﺟﺒﯘرﯨﻲ ﻛﯧﺴﻪﻛﻠﻪﺷﺘﯜرۈش، ﺋﺎﭘﺌﺎق ﺗﺎﻣﻐﺎ «ﺗﯘﻏﯘﺳﻪن، ﺗﯘﻏﻤﺎﻳﺴﻪن» دەپ ﺷﻮﺋﺎر ﻳﯧﺰﯨﭗ ﻗﻮﻳﯘش … ﻗﺎﺗﺎرﻟﯩﻖ ﻳﺎﺷﺎش ﺋﺎدﯨﺘﯩﻨﻰ ﺋﯚزﮔﻪرﺗﯩﺸﻜﻪ ﺋﯘرۇﻧﯘۋاﺗﻘﺎن ﺑﯩﻤﻪﻧﻪ ﮬﺎدﯨﺴﯩﻠﻪرﻧﻰ ﻛﯚرﯨﻤﯩﺰ. ﺋﻮﻣﯘﻣﯩﻴﻠﯩﻘﻘﺎ ﻳﺎﺗﻤﺎﻳﺪﯨﻐﺎن ﺑﯘﻧﺪاق ﮬﺎدﯨﺴﯩﻠﻪرﻧﯩﯔ ﻗﺎﭘﻠﯩﻨﯩﺶ داﺋﯩﺮﯨﺴﻰ ﻛﯩﭽﯩﻚ ﺑﻮﻟﺴﯩﻤﯘ، ﻛﯩﺸﯩﻠﻪرﻧﯩﯔ ﻛﯚﯕﻠﯩﮕﻪ ﺑﯧﺮﯨﯟاﺗﻘﺎن دﯦﺸﯟارﭼﯩﻠﯩﻘﻰ ﺋﺎز ﺑﻮﻟﻤﯩﺪى. ﻣﻪﻧﯩﯟى ﺟﻪﮬﻪﺗﺘﻪ ﺋﺎﻧﭽﻪ ﺗﻪرەﻗﻘﯩﻲ ﻗﯩﻠﻤﯩﻐﺎن، ﺋﯚز ﻣﻪﻧﭙﻪﺋﻪﺗﯩﻨﻰ ﻗﺎﻧﯘن - ﻧﯩﺰاﻣلار ﺋﺎرﻗﯩﻠﯩﻖ ﻗﻮﻏﺪاﺷﻨﻰ ﺗﯧﺨﻰ ﺋﯚﮔﯩﻨﯩﭗ ﺑﻮلاﻟﻤﯩﻐﺎن ﺑﯩﺮ ﻣﯩﻠﻠﻪﺗﻨﯩﯔ دﯦﮭﻘﺎﻧﻠﯩﺮى ﺋﯜﭼﯜن، ﺋﯘﻧﯩﯔ ﻛﺎدﯨﺮ ۋە زﯨﻴﺎﻟﯩﻴﻠﯩﺮى ﻣﯘﮬﯩﻢ رول ﺋﻮﻳﻨﯩﺸﻰ ﻛﯧﺮەك ﺋﯩﺪى. ﮬﺎﻟﺒﯘﻛﻰ، ﻗﯩﺴﻤﻪن ﻛﺎدﯨﺮ ۋە زﯨﻴﺎﻟﯩﻴﻠﯩﺮﯨﻤﯩﺰدا ﺳﺎﻗﻠﯩﻨﯩﯟاﺗﻘﺎن «ﻗﯩﺰﯨﭗ ﻛﯧﺘﯩﺶ» ﻛﯧﺴﯩﻠﻰ ﺑﯘ ﺧﯩﻞ ﮬﺎﻟﻪﺗﻜﻪ ﭘﺎﻳﺪﯨﻠﯩﻖ ﺑﻮلاﻟﻤﯩﺪى. ﺑﻪزى ﻛﺎدﯨﺮلار ﮬﻪﺗﺘﺎ «ﻳﯧﯖﯩﭽﻪ ﺑﺎﺷﻘﯘرۇش ﺋﯘﺳﯘﻟﻠﯩﺮى»ﻧﻰ ﺋﯚز ﻣﻪﻳﻠﯩﭽﻪ ﺋﯩﺠﺎد ﻗﯩﻠﯩﭗ، ﺑﯩﺮ ﺗﻪرەﭘﺘﯩﻦ ﺋﯚز ﻗﻮۋﻣﯩﻨﻰ ﺋﺎزاﺑﻠﯩﺴﺎ، ﻳﻪﻧﻪ ﺑﯩﺮ ﺗﻪرەﭘﺘﯩﻦ، ﺑﺎﺷﻘﺎ ﻣﯩﻠﻠﻪﺗﻠﻪرﻧﯩﯔ ﻛﯜﻟﻜﯩﺴﯩﮕﻪ ﻗﺎﻟﺪى. ﻣﯩﻠﻠﻪﺗﻠﻪر ﺋﻮﺗﺘﯘرﯨﺴﯩﺪﯨﻜﻰ ﭘﻪرﻗﻠﯩﻖ ﻣﻪدەﻧﯩﻴﻪﺗﻨﻰ ﭼﯜﺷﻪﻧﻤﻪﺳﻠﯩﻚ ﺳﻪۋەﺑﻠﯩﺮﯨﻨﯩﯔ ﻣﯘﺋﻪﻳﻴﻪن ﻳﯩﻠﺘﯩﺰى ﺑﻮﻟﯘﺷﻰ ﻣﯘﻣﻜﯩﻦ. ﻣﯘﺷﯘ ﻧﯘﻗﺘﯩﺪﯨﻦ ﺋﯧﻠﯩﭗ ﺋﯧﻴﺘﻘﺎﻧﺪا، ﺗﺎرﯨﺦ ﺋﯚﮔﯩﻨﯩﺶ، ﺟﻪﻣﺌﯩﻴﻪت ﺗﻪرەﻗﻘﯩﻴﺎﺗﯩﻨﯩﯔ ﺋﯘزاق ﻣﯘﺳﺎﭘﯩﺴﯩﻨﻰ ﻛﯚزﯨﺘﯩﺶ ﮬﻪم ﺗﻪﮬﻠﯩﻞ ﻗﯩﻠﯩﺶ - ﻗﺎﻧﯘﻧﯩﻴﻪﺗﻠﯩﻚ ﺋﯩﻠﮕﯩﺮﯨﻠﻪﺷﺘﯩﻜﻰ ﺋﻪڭ ﻣﯘﮬﯩﻢ ﺋﺎﻣﯩﻞ.
ﺗﺎرﯨﺨﺘﺎ ﺗﺎرﯨﺦ ﺋﯚﮔﻪﻧﮕﯜﭼﯩﻠﻪر ﮬﺎﻣﺎن ﻗﺎﻧﯘﻧﯩﻴﻪت ﺑﻮﻳﯩﭽﻪ ﺋﯩﺶ ﻛﯚرۈپ، ﻣﯘۋەﭘﭙﻪﻗﯩﻴﻪت ﻗﺎزاﻧﻐﺎن. ﺟﯘﯕﺨﯘا ﺧﻪﻟﻖ ﺟﯘﻣﮭﯘرﯨﻴﯩﺘﯩﻨﻰ ﻗﯘرۇﺷﺘﺎ ﮔﯧﮕﺎﻧﺖ رول ﺋﻮﻳﻨﯩﻐﺎن ﻣﺎۋ زﯦﺪۇڭ ﺑﯩﺮ ﺋﯚﻣﯜر ﺗﺎرﯨﺦ ﺋﯚﮔﻪﻧﮕﻪن ﮬﻪم ﺗﻪﺗﻘﯩﻖ ﻗﯩﻠﻐﺎن. ﺋﯘزۇن ﺳﻪﭘﻪر ﺟﻪرﻳﺎﻧﯩﺪا، ﺋﻪﮔﻪر ﺋﯘ ﺧﻪﻟﻘﺌﺎرا ﺋﯩﻨﺘﯧﺮﻧﺎﺗﺴﯩﺌﻮﻧﺎﻟﻨﯩﯔ ﮔﯧﭙﻰ ﺑﻮﻳﯩﭽﻪ ﺋﯩﺶ ﻗﯩﻠﻐﺎن ﺑﻮﻟﺴﺎ، ﺋﻪﮔﻪر ﺋﯘ ﺳﺘﺎﻟﯩﻦ ﺑﻮﻟﺸﯟﯦﻜﻠﯩﺮى ﺳﯩﺰﻏﺎن ﺋﻪﮔﺮى - ﺗﻮﻗﺎي «ﺧﻪرﯨﺘﻪ» ﺑﻮﻳﯩﭽﻪ ﻣﺎﯕﻐﺎن ﺑﻮﻟﺴﺎ، ﻳﯧﯖﻰ ﺟﯘﯕﮕﻮﻧﻰ ﻗﯘرۇپ ﭼﯩﻘﺎﻟﻤﯩﻐﺎن ﺑﻮلاﺗﺘﻰ. ﺋﯘﻧﯩﯖﺪا داﮬﯩﻴلارﻏﺎ ﺧﺎس ﺳﯩﻴﺎﺳﯩﻲ ﺳﻪزﮔﯜرﻟﯜﻛﺘﯩﻦ ﺑﺎﺷﻘﺎ ﺟﯘﯕﮕﻮﻧﯩﯔ ﺋﻪﻣﻪﻟﯩﻴﯩﺘﯩﮕﻪ ﻣﺎرﻛﺴﯩﺰﻣﻨﻰ ﺗﻪﺗﺒﯩﻘﻠﯩﻴﺎلاﻳﺪﯨﻐﺎن ﺟﺎﺳﺎرەت ۋە ﺗﺎرﯨﺨﯩﻲ دﯨﺖ ﺑﺎر ﺑﻮﻟﻐﺎﻧﻠﯩﻘﻰ ﺋﯜﭼﯜن، ﻣﻪﺳﯩﻠﯩﻠﻪرﮔﻪ ﺟﯘﯕﮕﻮﻧﯩﯔ ﺋﻪﻣﻪﻟﯩﻴﯩﺘﯩﺪﯨﻦ ﺟﺎۋاب ﺗﺎﭘﻘﺎن. ﻳﺎﭘﻮن، ﻳﻪﮬﯘدﯨﻲ ﻣﯩﻠﻠﻪﺗﻠﯩﺮﯨﻨﯩﯔ ﻣﯩﻠﻠﯩﻲ ﻏﯘرۇر ﺗﻪرﺑﯩﻴﯩﺴﻰ ﺑﯩﻠﻪن ﺧﻪﻧﺰۇلارﻧﯩﯔ ﺋﺎﺋﯩﻠﻪ ﺗﻪزﻛﯩﺮﯨﭽﯩﻠﯩﻚ ﺗﻪرﺑﯩﻴﯩﺴﻰ ﺑﯘ ﻣﯩﻠﻠﻪﺗﻠﻪرﻧﻰ ﻣﯘۋەﭘﭙﻪﻗﯩﻴﻪﺗﻜﻪ ﺋﯧﺮﯨﺸﺘﯜرﮔﻪن ﮬﻪم ﺋﯧﺮﯨﺸﺘﯜرۈۋاﺗﻘﺎن زۆرۈر ﺷﻪرت. ﺧﻪﻧﺰۇ ﻣﯩﻠﻠﯩﺘﯩﺪە ﮬﻪر ﻳﯩﻠﺪﯨﻜﻰ ﭼﺎﻏﺎﻧﺪا ﺋﺎﺋﯩﻠﻪ ﻳﯩﻐﯩﻠﯩﺸﻰ ﺋﯚﺗﻜﯜزۈپ، ﺋﺎﺗﺎ - ﺑﻮۋﯨﻠﯩﺮى ﮬﻪﻗﻘﯩﺪە ﺗﻪزﻛﯩﺮە ﺋﯧﻴﺘﯩﺸﯩﺪﯨﻐﺎن ﻳﺎﺧﺸﻰ ﺋﺎدەت ﺑﺎر. ﺋﯘﻳﻐﯘر ﻣﯩﻠﻠﯩﺘﯩﻨﯩﯔ ﮬﯧﻴﺖ - ﺑﺎﻳﺮاﻣﻠﯩﺮﯨﺪا ﺋﺎدەﺗﺘﻪ ﺋﺎﺋﯩﻠﻪ ﺗﻪزﻛﯩﺮﯨﺴﻰ ﺋﻮﻗﯘﻟﻤﺎﻳﺪۇ. ﻣﯩﻠﻠﯩﻲ ﻗﻪﮬﺮﯨﻤﺎﻧلارﻏﺎ، ﺋﺎﺗﺎﻗﻠﯩﻖ ﺷﻪﺧﺴﻠﻪرﮔﻪ ﺳﯧﻐﯩﻨﯩﺶ ﻳﻮق دﯦﻴﻪرﻟﯩﻚ. ﺋﯚﺗﻤﯜﺷﺘﯩﻜﻰ ۋاﺋﯩﺰﻟﯩﻖ (داﺳﺘﺎﻧﭽﯩﻠﯩﻖ) ﺋﺎدﯨﺘﯩﻤﯘ ﺑﺎرﻏﺎﻧﺴﯧﺮى ﻳﻮﻗﺎپ ﻛﻪﺗﺘﻰ. ﺗﺎرﯨﺨﯩﻲ ﻣﯘزﯦﻲ، ﻛﯚرﮔﻪزﻣﯩﺨﺎﻧﯩلارﻏﺎ ﺑﺎرﯨﺪﯨﻐﺎﻧلار، ﻗﻪدﯨﻤﻜﻰ ﺷﻪﮬﻪر - ﻗﻪﻟﺌﻪﻟﻪرﻧﻰ، ﻣﯘﮬﯩﻢ ﻣﻪدەﻧﯩﻴﻪت ﻳﺎدﯨﻜﺎرﻟﯩﻘﻠﯩﺮى ﺋﻮرۇﻧﻠﯩﺮﯨﻨﻰ ﺋﺎرﯨلاﻳﺪﯨﻐﺎﻧلار ﺋﯩﻨﺘﺎﻳﯩﻦ ﺋﺎز. ﺋﯚزى ﺋﻮﻗﯘﻣﯩﺴﯩﻤﯘ، ﭘﻪرزەﻧﺘﻠﯩﺮﯨﻨﻰ ﻳﯧﺘﯩﻠﻪپ، ﻛﯩﺘﺎﺑﺨﺎﻧﯩﻐﺎ ﺑﺎرﯨﺪﯨﻐﺎﻧلار، ﻣﯘﺋﻪﻟﻠﯩﭗ ﺗﻪﻛﯩﺘﻠﻪۋاﺗﻘﺎن ﺗﺎرﯨﺦ، ﭘﻪﻟﺴﻪﭘﻪ ﭘﻪﻧﻠﯩﺮﯨﮕﻪ ﺋﺎﺋﯩﺖ ﻛﯩﺘﺎب ﺳﯧﺘﯩﯟاﻟﯩﺪﯨﻐﺎﻧلار ﺋﺎﺳﺎﺳﻪن ﻳﻮق. ﺑﯘﻧﻰ ﺋﯚزﻟﯜﻛﻨﻰ ﻳﻮﻗﯩﺘﯩﺸﻘﺎ ﺗﺎﺷلاﻧﻐﺎن ﺗﯘﻧﺠﻰ ﻗﻪدەم دﯦﻤﻪﺳﻠﯩﻜﻜﻪ ﺑﻮلارﻣﯘ؟
ﺗﺎرﯨﺦ - ﺑﯩﺮ ﻣﯘﻗﻪددەس ﻗﺎﻣﯘس، ﻛﯩﻤﻠﯩﻚ ۋە ﺋﯚزﻟﯜك ﺋﯘﻧﯩﯔ ﻳﺎدروﺳﻰ. ﺋﯚزﯨﻨﻰ ﺑﯩﻠﻤﻪي ﺗﯘرۇپ، ﺋﯚزﻟﯜﻛﻨﻰ ﻛﯜﭼﻪﻳﺘﯩﺶ ﻣﯘﻣﻜﯩﻦ ﺋﻪﻣﻪس، ﺋﯚزﻟﯜﻛﻨﻰ ﺑﯩﻠﻤﻪي، ﻳﺎﺷﺎش ﮬﻮﻗﯘﻗﯩﻐﺎ ﺋﯧﺮﯨﺸﯩﺸﻤﯘ ﻣﯘﻣﻜﯩﻦ ﺋﻪﻣﻪس. ﺑﯘﻧﺪاق ﮬﻪﻗﯩﻘﻪت ﺟﻪﻣﺌﯩﻴﯩﺘﯩﻤﯩﺰﻧﯩﯔ ﮬﻪر ﺳﺎﮬﻪ، ﮬﻪر ﻛﻪﺳﯩﭙﻠﯩﺮى، ﻳﯘﻗﯩﺮى - ﺗﯚۋەن ﻗﺎﺗلاﻣﻠﯩﺮﯨﻐﺎ ﻏﺎﻳﻪت زور ﺗﻪﺳﯩﺮ ﻛﯚرﺳﯩﺘﯩﺪۇ. ﺋﯘﻳﻐﯘر ﻓﻮﻟﻜﻠﻮرى ﺑﯩﻠﻪن ﺋﯘﻧﯩﯔ ﻳﺎزﻣﺎ، ﻗﺎزﻣﺎ ﻳﺎدﯨﻜﺎرﻟﯩﻘﻠﯩﺮى ﺋﯘﻳﻐﯘر ﻣﯩﻠﻠﯩﺘﯩﻨﯩﯔ ﻣﯩﻠﻠﯩﻲ ﺋﯩﭙﺘﯩﺨﺎرى ﺑﻮﻟﯘﭘلا ﻗﺎﻟﻤﺎﺳﺘﯩﻦ، ﻳﻪﻧﻪ ﺋﯘﻧﯩﯔ ﻛﯩﻤﻠﯩﻜﯩﻨﻰ ﺋﯩﺴﭙﺎﺗلاپ ﺗﯘرﯨﺪﯨﻐﺎن ﺋﻪﯕﮕﯜﺷﺘﻪرى. ﺋﻪﮔﻪر ﺑﯘ ﺧﯩﻞ ﺋﻪﯕﮕﯜﺷﺘﻪر ﻳﻪﯕﮕﯩﻠﺘﻪﻛﻠﯩﻚ ﺑﯩﻠﻪن ﭼﯚرۈۋﯦﺘﯩﻠﺴﻪ ﻳﺎﻛﻰ ﻧﺎداﻧلارﭼﻪ ﺋﯘﻧﺘﯘﻟﺪۇرۇﻟﺴﺎ، ﺋﯘﻳﻐﯘر ﻣﯩﻠﻠﯩﺘﯩﻨﯩﯔ ﻛﻪﻟﮕﯜﺳﻰ ﺋﯜﭼﯜن ﻏﺎﻳﻪت زور ﻳﻮﻗﯩﺘﯩﺶ ﺑﻮﻟﯩﺪۇ. ﺑﯩﭽﺎرﯨﻠﯩﻚ، ﭼﯜﺷﻜﯜﻧﻠﯜك، ﮬﯘرۇﻧﻠﯘق دﯦﮕﻪﻧﻠﻪر ﮬﺎﻣﺎن ﺋﯚزﻟﯜﻛﻨﻰ ﮬﯧﺲ ﻗﯩﻠﻤﺎﺳﻠﯩﻘﺘﯩﻦ ﻛﯧﻠﯩﺪۇ. ﺋﯩﻠﻐﺎرﻟﯩﻖ ﻳﺎﺧﺸﻰ ﺋﯩﺶ، ﺋﻪﻣﻤﺎ ﺋﯚزﻟﯜﻛﻨﻰ ﺳﺎﻗﻠﯩﻴﺎﻟﻤﯩﻐﺎن ﮬﻪرﻗﺎﻧﺪاق ﺑﯩﺮ ﺋﯩﻠﻐﺎرﻟﯩﻘﻨﯩﯔ ﺋﯚﻣﺮى ﻛﯚﺗﻪ ﺑﻮﻟﯩﺪۇ. ﻣﯩﺴﺎل ﺋﯜﭼﯜن ﺋﻮﺧﺸﺎش ﺋﯩﻤﺘﯩﻴﺎز، ﺋﻮﺧﺸﺎش ﺋﻮﻗﯘش ۋە ﺋﯚرﻟﻪش ﺗﺎرﯨﺨﻰ ﺑﻮﻟﻐﺎن ﺧﻪﻧﺰۇ، ﺋﯘﻳﻐﯘر ﻛﺎدﯨﺮدﯨﻦ ﺋﺎﺗﺎ - ﺑﻮۋﯨﻠﯩﺮﯨﻨﯩﯔ ﺋﯩﺴﯩﻢ - ﻓﺎﻣﯩﻠﯩﺴﯩﻨﻰ ﻧﻪﭼﭽﻪ ﺋﻪۋلادﻗﯩﭽﻪ دەپ ﺑﯧﺮەﻟﻪﻳﺪﯨﻐﺎﻧﻠﯩﻘﯩﻨﻰ ﺳﻮراپ ﻛﯚرﺳﻪك ﺑﻮﻟﯩﺪۇ. ﺷﯜﺑﮭﯩﺴﯩﺰﻛﻰ، ﺋﺎﻟﺪﯨﻨﻘﯩﺴﻰ ﺋﺎﺗﺎ - ﺑﻮۋﯨﻠﯩﺮﯨﻨﯩﯔ ﺗﻪزﻛﯩﺮﯨﺴﯩﻨﻰ ﻧﻪﭼﭽﻪ ﻣﯩﯔ ﻳﯩﻠلار ﺋﺎﻟﺪﯨﻐﺎ ﺳﯜرۈپ، ﮬﻪﺗﺘﺎ ﺧﯘاﯕﺪى، ﻳﻪﻧﺪى … لارﻏﺎ ﺑﺎﻏلاپ ﺳﯚزﻟﯩﻴﻪﻟﻪﻳﺪۇ. ﻛﯧﻴﯩﻨﻜﯩﺴﻰ ﺗﯚﺗﯩﻨﭽﻰ، ﺑﻪﺷﯩﻨﭽﻰ ﺋﻪﺟﺪادﯨﻐﺎ ﺑﯧﺮﯨﭗ، ﻧﺎﺋﯩلاج دۇدۇﻗلاﻳﺪۇ. ﻣﻪﻛﺘﻪﭘﺘﻪ ﺋﯚﮔﻪﻧﮕﻪن دەرﺳﻠﯩﻜﻠﻪر ﺋﻮﺧﺸﺎش ﺑﻮﻟﺴﯩﻤﯘ، ﺋﺎﻟﺪﯨﻨﻘﯩﺴﻰ ﺋﯚزﯨﻨﻰ ﺋﯜزﻟﯜﻛﺴﯩﺰ ﺗﻮﻟﯘﻗلاپ ﻣﺎﯕﻐﺎن، ﻛﯧﻴﯩﻨﻜﯩﺴﻰ ﺋﯘﻧﺪاق ﻗﯩلاﻟﻤﯩﻐﺎن ﺑﻮﻟﯘپ ﭼﯩﻘﯩﺪۇ. ﺋﯘﻳﻐﯘر ﺗﯩﻠﯩﺪا ﭼﯩﻘﯩﯟاﺗﻘﺎن ﺋﯩﺠﺘﯩﻤﺎﺋﯩﻲ ﭘﻪﻧﻠﻪرﮔﻪ، ﺑﻮﻟﯘﭘﻤﯘ ﺗﺎرﯨﺦ، ﭘﻪﻟﺴﻪﭘﻪ، ﺟﯘﻏﺮاﭘﯩﻴﻪ ﭘﻪﻧﻠﯩﺮﯨﮕﻪ ﺋﺎﺋﯩﺖ ﮔﯧﺰﯨﺖ - ژۇرﻧﺎﻟلارﻧﯩﯔ ﺋﻮﻗﯘﻟﯘش ۋە ﺳﺎﻗﻠﯩﻨﯩﺶ ﮬﺎﻟﯩﺘﻰ ﻣﯘﺋﻪﻟﻠﯩﭙﻨﯩﯔ ﺳﯧﻠﯩﺸﺘﯘرﻣﯩﺴﯩﺪﯨﻜﻰ ﺋﻪڭ ﺋﺎددﯨﻲ ﺋﻪﻳﻨﻪك. ﻛﯚﻣﻪچ ﻧﺎﻧﻨﻰ ﺋﯘزۇن ﺋﯚﻣﯜر ﻛﯚرۈش، ﻛﯚپ ﭘﻪرزەﻧﺘﻠﯩﻚ ﺑﻮﻟﯘﺷﺘﯩﻜﻰ ﺋﻪﻧﺌﻪﻧﯩﯟى ﺋﻮزۇﻗﻠﯘق ﺳﯜﭘﯩﺘﯩﺪە ﺋﻪﻣﻪس، ﺋﯩﭙﺘﯩﺪاﺋﯩﻲ - ﻗﺎلاق ﺗﯘرﻣﯘش ﺋﺎدﯨﺘﻰ ﺳﯜﭘﯩﺘﯩﺪە ﭼﯜﺷﯩﻨﯩﯟاﻟﻐﺎن ﮬﯧﻠﯩﻘﻰ ﺑﺎﺷﻘﺎرﻣﺎ ﺑﺎﺷﻠﯩﻘﯩﻤﯘ ﺑﯩﺮ ﺧﯩﻞ ﺋﻪﻳﻨﻪك.
ﻛﯚزﯨﻤﯩﺰﻧﻰ ﺗﺎرﯨﺦ ﺋﺎﭼﯩﺪۇ، ﺋﻪﻗﻠﯩﻤﯩﺰﻧﻰ ﺋﯩﻠﻤﯩﻲ ﺗﻪﭘﻪﻛﻜﯘر! ﺑﯘ ﺑﯩﺮ ﺗﻪرەﻗﻘﯩﻴﺎت زۆرۈرﯨﻴﯩﺘﻰ. ﺋﯘﭼﯘرﻟﯩﺸﯩﯟاﺗﻘﺎن دۇﻧﻴﺎ ﺗﺎرﯨﺨﻨﯩﯔ ﺋﺎﺷﻜﺎرﯨﻠﯩﻖ دەرﯨﺠﯩﺴﯩﻨﻰ ﺑﺎرﻏﺎﻧﺴﯧﺮى ﻳﯘﻗﯩﺮى ﻛﯚﺗﯜرﻣﻪﻛﺘﻪ. ﺗﺎرﯨﺨﻨﻰ ﻳﻮﺷﯘرۇش ﻣﯘﻣﻜﯩﻦ ﺋﻪﻣﻪس، ﺋﯘﻧﻰ دەﺳﺘﻪك ﻗﯩﻠﯩﯟﯦﻠﯩﺸﻘﺎ ﺑﻮﻟﻤﯩﻐﺎﻧﺪەك، ﺋﯘﻧﯩﯖﺪﯨﻦ ﻧﻮﻣﯘس ﻗﯩﻠﯩﺸﻘﯩﻤﯘ ﺑﻮﻟﻤﺎﻳﺪۇ. ﺋﯚﺗﻤﯜش - ﻳﯧﺰﯨﻠﯩﭗ ﺑﻮﻟﻐﺎن ﺗﺎرﯨﺦ. رﯦﺌﺎﻟﻠﯩﻖ - ﻳﯧﺰﯨﻠﯩﯟاﺗﻘﺎن ﺗﺎرﯨﺦ. ﺗﺎرﯨﺦ ﺑﻪﺗﻠﯩﺮﯨﻨﯩﯔ ﮬﻪرﺑﯩﺮ ﺑﯧﺘﯩﺪە ﺋﯩﻨﺴﺎﻧﯩﻴﻪت ﺋﻪﻗﯩﻞ - ﭘﺎراﺳﯩﺘﯩﻨﯩﯔ ﺟﯘﻏلاﻧﻤﯩﺴﻰ ﻳﺎﻛﻰ ﺳﺎۋاﻗﻠﯩﺮى ﺧﺎﺗﯩﺮﯨﻠﻪﻧﮕﻪن. ﺋﯘﻧﯩﯔ ﺋﯜﺳﺘﯩﮕﻪ ﻛﻮﻧﺎ ﺗﺎرﯨﺦ ﺋﯜﺳﺘﯩﺪﯨﻜﻰ ﻳﯧﯖﻰ ﺗﻪﺗﻘﯩﻘﺎﺗلار ﻳﯧﯖﯩﭽﻪ ﺑﺎﻳﻘﺎﺷﻨﻰ ﺋﯚز ﺋﯩﭽﯩﮕﻪ ﺋﺎﻟﻐﺎن. ﻳﯧﯖﯩﺪﯨﻦ ﻗﯧﺰﯨﭗ ﭼﯩﻘﯩﺮﯨﻠﻐﺎن ﺋﺎرﺧﯧﺌﻮﻟﻮﮔﯩﻴﯩﻠﯩﻚ ﺗﯧﭙﯩﻠﻤﯩلار ﺗﯚﻣﯜر ﺗﺎﻣﻐﺎ ﺑﯧﺴﯩﻠﯩﭗ ﻛﻪﺗﻜﻪن ﺑﻪزﯨﺒﯩﺮ ﻳﻪﻛﯜﻧﻠﻪرﻧﻰ ﺋﺎﻏﺪۇرۇﺷﻘﺎ ﻗﺎدﯨﺮ. ﺋﯘ ﺧﯘددى ﻗﺎﺗﺘﯩﻖ ﻣﯧﯖﯩﻨﯩﯔ ﭘﺎرﺗﻠﯩﺸﯩﻐﺎ ﺋﻮﺧﺸﺎﻳﺪۇ. ﺋﺎﻟﻠﯩﻘﺎﭼﺎن ﻗﯧﻠﯩﭙﻠﯩﺸﯩﭗ ﻗﺎﻟﻐﺎن ﺑﻪزى ﻳﯧﺰﯨﻠﻤﯩلار ﻣﯘﺷﯘ ﺳﻪۋەﺑﺘﯩﻦ ﺋﯚزﮔﯩﺮﯨﺶ ﮬﺎﺳﯩﻞ ﻗﯩﻠﯩﺸﻘﺎ ﻣﻪﺟﺒﯘر. ﺗﺎرﯨﺨﻨﯩﯔ ﺋﯩﺪﯨﻴﻪ، ﻧﻪزەرﯨﻴﻪ ۋە ﮬﻪرﯨﻜﻪﺗﻨﻰ ﻳﯧﯖﯩلاﻳﺪﯨﻐﺎن ﺑﯘ ﻗﯘدرﯨﺘﻰ ﭼﻪﻛﺴﯩﺰ ﮬﻪم ﻳﯩﻤﯩﺮﯨﻠﻤﻪﺳﺘﯘر. ﺗﺎرﯨﺦ ﮬﻪﻗﻘﯩﺪﯨﻜﻰ ﻣﯘلاﮬﯩﺰﯨﻠﻪر ﺋﻪﺳﻠﯩﺪﯨﻨلا ﻗﺎراﯕﻐﯘ ﺑﻮﻟﻐﺎن ﻳﺎﻛﻰ ﻛﯧﻴﯩﻦ ﺧﯩﺮەﻟﯩﺸﯩﭗ ﻛﯧﺘﯩﯟاﺗﻘﺎن دﯨﻠلارﻧﻰ ﻳﻮرۇﺗﯘپ، ﺋﯩﻠﮕﯩﺮﯨﻠﻪش ﻳﻮﻟﯩﻨﻰ ﻛﯚرﺳﯩﺘﯩﭗ ﺑﯧﺮﯨﺪۇ. ﻛﯩﺸﯩﻠﻪرﻧﻰ ﻳﻪﯕﮕﯩﻠﻠﯩﻚ - ﮔﯘﻣﺮاﮬﻠﯩﻘﺘﯩﻦ ﺳﺎﻗلاﻳﺪۇ. ﺋﯚزﻟﯜك ﺗﯘﻳﻐﯘﺳﯩﻨﻰ ﻛﯜﭼﻪﻳﺘﯩﭗ، رﯦﺌﺎﻟﻠﯩﻘﻘﺎ ﻣﺎﺳﻠﯩﺸﯩﺶ ﺋﯩﻘﺘﯩﺪارﯨﻨﻰ ﺋﺎﺷﯘرﯨﺪۇ. ﺋﯘ ﺋﺎددﯨﻲ ﺑﯩﻠﯩﻢ ﺋﯧﻠﯩﺶ ﺟﻪرﻳﺎﻧﻰ ﺋﻪﻣﻪس، ﺑﻪﻟﻜﻰ ﺋﯩﺪﯨﻴﻪ - ﺋﻪﺧلاق، ﭘﺴﯩﺨﯩﻜﺎ ﺟﻪﮬﻪﺗﺘﯩﻜﻰ ﺋﻪڭ ﭼﻮڭ ﺗﻪرﺑﯩﻴﯩﻠﯩﻨﯩﺶ ﺟﻪرﻳﺎﻧﯩﺪۇر.
«ﺟﯘﯕﮕﻮ ﻣﯩﻠﻠﻪﺗﻠﯩﺮﻯ» ﮊﯗﺭﻧﯩﻠﻰ 2004 - ﻳﯩﻠﻠﯩﻖ 5 - سانىدىن ئىلىندى.
[admin تەستىقلىدى . 2010-9-23 0:24:55]
ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.