زۇكام بولۇپ قىزىپ كەتكەندە تۇخۇم يېيىش خاتا. چۈنكى قىزىغان ئادەملەر تۇخۇم يېگەندە، بەدەننىڭ ئىچكى قىسمىدىكى ئىسسىقلىق مىقدارى ئارتىپ كېتىدۇ ھەم ئۇ ۋاقتىدا تارقىلالماي بەدەن تېخىمۇ قىزىپ كېتىدۇ.
تۇخۇم تەركىبىدە ھەقىقەتەن ئوزۇقلۇق ماددىلار بىر قەدەر كۆپ، لېكىن قىزىغان ۋاقىتتا ئۇنى كۆپ يېيىشكە بولمايدۇ. تۇخۇم تەركىبىدىكى ئاقسىلنىڭ %99 تىن كۆپرەكى بەدەنگە سىڭىدۇ، شۇڭا ئۇنى يېگەندە بەدەن نورمىدىن تاشقىرى ئىسسىقلىققا ئىگە بولىدۇ. نەتىجىدە بەدەندىكى قىزىتما ئاسانلىقچە يانمايدۇ. قىزىغان ئادەملەر ئوڭاي ھەزىم بولىدىغان، تۇزسىزراق، تەركىبىدە ۋىتامىن كۆپرەك بولغان ئوزۇقلۇقلاردىن شوۋىگۈرۈچ، سۇيۇقئاش قاتارلىقلارنى، ئۇلارغا قوشۇپ ئازراق مېۋە يېيىش كېرەك. قىزىتما يانغاندىن كېيىن تۇخۇمنىڭ ئېقى قوشۇلغان شورپا، كۆكتات شورپىسى، قارا گۆش، بېلىق، پۇرچاق بوتقىسى قاتارلىق تەركىبىدە ئاقسىل كۆپرەك بولغان ئوزۇقلۇقلارنى ئىستېمال قىلىش لازىم.