جاھان ئاگېنتلىقى 6-ماي خەۋىرى؛ لەگلەك تورى تەرجىمىسى: ئىسرائىلىيە باش مىنىستىرى بۇنيامىن نىتانىياخۇ، يېڭى ھۆكۈمەت قۇرۇش ئۈچۈن بەلگىلەنگەن مۇددەت توشۇشتىن بىر قانچە سائەت ئىلگىرى، «يەھۇدى ئۆيى پارتىيسى» نى قايىل قىلىپ بىرلەشمە ھۆكۈمەت قۇردى. ئىسرائىلىيەدە مارت ئېيىدىكى سايلامدا نىتانياخۇنىڭ پارتىيىسى بىرىنجىلىككە ئېرىشكەن بولۇپ، يېڭى ھۆكۈمەت قۇرۇش ئۈچۈن بەلگىلەنگەن ۋاقىت توشۇشقا بىر قانچە سائەت قالغاندا ھۆكۈمەت قۇرۇش ئۈچۈن پارلامېنتتىكى 61 ئورۇنغا ئېرىشتى. نىتانىياخۇ 42 كۈندىن بېرى داۋاملىشىۋاتقان بىرلەشمە ھۆكۈمەت قۇرۇش ئۇچرىشىشىدا پارلامېنتتا 8 ئورۇنغا ئىگە بولغان «يەھۇدى ئۆيى پارتىيسى» بىلەن كېلىشتى. نىتانىياخۇ ھازىر 5 پارتىيەدىن تەشكىللەنگەن بىرلەشمە ھۆكۈمەت قۇرىدۇ. بۇنىڭدىن بۇرۇن «كۇلانۇ پارتىيسى»، «بىرلەشمە تورا يەھۇدىيلىقى ۋە شاس پارتىيسى» يېڭى ھۆكۈمەتكە قاتنىشىش ئۈچۈن نىتانىياخۇ بىلەن كېلىشىپ بولغان ئىدى. نىتانىياخۇنىڭ مىنىستىرلار تىزىملىكىدە ئورۇن ئالدىغان ئىسىملارنى بېكىتىش ۋە بۇنى ئىسرائىلىيە پارلامېنتىغا سۇنۇش ئۈچۈن بىر ھەپتە ۋاقىت كېتىدۇ.
ئىسرائىليەدە بىرلەشمە ھۆكۈمەت قۇرۇش خىزمىتى داۋاملىشىۋاتقان ۋاقىتتا، يەھۇدى ئۆيى پارتىيسى رەھبىرى نافتالى بەننەت باش مىنىستىرى بۇنيامىن نىتانىياخۇغا ئەۋەتكەن ئۇچۇرىدا، «بىزگە ئەدلىيە مىنىستىرلىكى ۋەزىپىسى بېرىلىدۇ ياكى بىز ئۆكتىچى بۇلۇپ داۋاملاشتۇرىمىز» دېگەن.
ئىسرائىلىيە تاشقى ئىشلار مىنىستىرى ئاۋىگدور لىبېرماننىڭ «ئىسرائىلىيە ئۆيىمىز پارتىيسى» بولسا يېڭى بىرلەشمە ھۆكۈمەتتە ئورۇن ئالمايدۇ. لىبېرمان ئالدىنقى كۈنى ئېلان قىلغان ئاخبارات يىغىنىدا، ۋەزىپىسىدىن ئىستىپا بەرگەنلىكىنى ۋە قۇرۇلماقچى بولغان يېڭى بىرلەشمە ھۆكۈمەتكە قاتناشمايدىغانلىقىنى ئېيتقان ئىدى.
مارت ئېيىدا ئۆتكۈزۈلگەن سايلامدا پارلامېنتتىكى 120 ئورۇندىن نىتانىياخۇنىڭ لىكۇد پارتىيىسى 30 ئورۇنغا، يەھۇدى قىساسچىلىرى بىرلىك پارتىيسى 24 ئورۇنغا ئېرىشكەن. 2013-يىلىدىكى سايلامدا لىكۇد پارتىيىسىنىڭ پارلامېنتتا 31 ئورنى بار ئىدى.