ئىلگىرىكى دۇنيا بويىچە بىرىنچى بىرلەشمە مۇسابىقىسى، ھەتتا « كىچىك دۇنيا لوڭقىسىنى تالىشىش مۇسابىقىسى» دەپ نام ئالغان ئىتالىيە A دەرىجىلىكلەر بىرلەشمە مۇسابىقىسىنىڭ ھازىر بۇرۇنقىدەك نامى قالمىدى. بىراق بەزى ئاخبارات ۋاستىلىرىنىڭ ئېيتقىنىدەك « ئىتالىيە بىرلەشمىسى پات يېقىندا ناھايىتى كۈچلۈك يۆلەكچىنى كۈتىۋالىدۇ.» پەقەت بۇ كۈچلۈك يۆلەك ھەرگىزمۇ مەلۇم داڭلىق توپچى بولۇپ قالماستىن بەلكى كىشىلەرنىڭ دىققىتىنى تارتقان ساھىبجامال رېپىر.

«رىم تەنتەربىيە گېزىتى» ئاللىقاچان « ئىتالىيە ئەڭ گۈزەل رېپىر» دېگەن نامنى بۇ ئايال رېپىر ئېلىننا تامبىنغا بەردى.

25 ياشلىق تامبىننىڭ پۇتبول رېپىرىدىن باشقا يەنە بىر سالاھىيىتى بولسا مودىل. شۇنداق بولۇشىغا قارىماي ھازىر تامبىن تېخىچە ئىتالىيەنىڭ تۆۋەن دەرىجىلىك بىرلەشمە مۇسابىقىلەرگە رېپىرلىق قىلىدۇ. بىراق ئىتالىيە ئاخبارات ۋاستىلىرىنىڭ بىلدۈرۈشىچە تامبىن ناھايىتى تېزلا ئىتالىيە A دەرىجىلىكلەر بىرلەشمىسى ۋە ئىتالىيە B دەرىجىلىكلەر مۇسابىقىسىنىڭ رېپىرلىقىنى قىلىدىكەن. ھەتتا دۆلەت كوماندىسىنىڭ رېپىرلىقىنىمۇ قىلىش مۇمكىن ئىكەن.

دۇنيا پۇتبول ساھەسىگە قارايدىغان بولساق ئايال رېپىرلار ئىزچىل كىشىلەرنىڭ نەزىرىدىكى قىزىق نۇقتا. ئەڭ يۇقىرى دەرىجىلىك بىرلەشمە مۇسابىقىلەرگە رېپىرلىق قىلىدىغان ئايال رېپىرلار كۆپ ئۇچرىمايدۇ. ئىنگىلاند دەرىجىدىن تاشقىرى بىرلەشمە مۇسابىقىسى مەيدانىدىكى ياردەمچى رېپىر سېن مارسىي بۇنىڭدىن ئىلگىرى قىزىق نۇقتىلىق شەخسكە ئايلانغانىدى. بۇ قېتىم بۇ ساھىبجامال مودىل مەيداندا مۇسابىقىگە رېپىرلىق قىلسا مەيداندا توپ تېپىدىغان توپچىلار دىققىتىنى يېغىپ مۇسابىقە ئوينىيالامدۇ يوق بۇنىسى تېخى نامەلۇم.

ھازىر تامبىن ئاللىبۇرۇن پۈتۈن ياۋروپا نەزىرىنى ئاغدۇرۇۋاتقان قىزىق نۇقتىلىق شەخسكە ئايلاندى. ياۋروپانىڭ ھەرقايسى ئاخبارات ۋاستىلىرىدا بۇ ساھىبجامال رېپىرنىڭ گۈزەل سۈرەتلىرىنى كۆرگىلى بولىدۇ. خۇددى «رىم تەنتەربىيە گېزىتى» نىڭ ئېيتقىنىغا ئوخشاش :« ئۇ ھازىر پۈتۈن ياۋروپانى ئۆزىگە مەھلىيا قىلىۋالدى.»ھەتتا بەزى ئاخبارات ۋاستىلىرى تامبىننى ئىتالىيە پۇتبولىنى قۇتقۇزىدىغان كىشى قاتارىدا كۆرمەكتە.

ئەنگىلىيەنىڭ « كۈندىلىك پوچتا گېزىتى» بۇ ئەھۋالنى مەسخىرە قىلىپ مۇنداق دېگەن: « ئۇ كىشىلەرنىڭ ئىتالىيە پۇتبولىغا بولغان قىزغىنلىقىنى قايتىدىن يالقۇنجىتىدۇ.»

سىنا تورى تەنتەربىيىسى خەۋىرى لەگلەك تورى تەرجىمىسى

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK