پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 1-ئاينىڭ 9-كۈنى چۈشتىن كېيىن 17:00 ئۆتكەندە ئاسىيا لوڭقىسىنى تالىشىش پۇتبول مۇسابىقىسىنىڭ ئېچىلش مۇراسىمىدىن كېيىنكى تۇنجى مەيدان مۇسابىقىسى ئاۋستىرالىيەنىڭ مىلبۇرىندىكى تىك تۆت بۇلۇڭ شەكىللىك توپ مەيداندا ئۆتكۈزۈلدى. مۇسابىقە ئوينىغان ئىككى تەرەپ بولسا بۇ نۆۋەتلىك ئاسىيا لوڭقىسىنى تالىشىش پۇتبول مۇسابىقىسىنىڭ ساھىبخانى ئاۋستىرالىيە دۆلەت كوماندىسى بىلەن غەربى ئاسىيادىكى كۈچلۈك كوماندا كۈۋەيت دۆلەت كوماندىسى. كۈۋەيتنىڭ بېكى ھۈسەين فادخال بۇلۇڭ توپتىن پايدىلىنىپ بۇ نۆۋەتلىك ئاسىيا لوڭقىسىنى تالىشىش پۇتبول مۇسابىقىسىدىكى تۇنجى توپنى كىرگۈزدى. ئالدىنقى يېرىم مەيدان مۇسابىقىنىڭ كېيىنكى قىسمىدا ئاۋستىرالىيە كوماندىسىنىڭ ھۇجۇمچىسى كاسىل ۋە لورىنگو بىردىن توپ كىرگۈزۈپ كۈۋەيت كوماندىسىدىن ئېشىپ كەتتى. كېيىنكى يېرىم مەيدان مۇسابىقىدە ئاۋستىرالىيە دۆلەت كوماندىسىنىڭ كاپىتانى نۇقتا توپنى كىرگۈزدى. تىرويىس قۇشۇپ بېرىلگەن ۋاقىتتا يەنە بىر توپ كىرگۈزدى. ئاخىرىدا ئاۋستىرالىيە كوماندىسى 4-1 نەتىجە بىلەن كۈۋەيت كوماندىسىنى مەغلۇپ قىلىپ تۇنجى مەيدان مۇسابىقىسىنى غەلبە بىلەن ئاخىرلاشتۇردى.

مۇسابىقە باشلىنىپ 8 مىنۇت بولغاندا كۈۋەيت كوماندىسى ئۈستۈنلۈككە ئېرىشتى. كۈۋەيت كوماندىسى سول تەرەپتىن بۇلۇڭ  توپ باشلىدى. كۈۋەيتنىڭ 4-نومۇرلۇق توپچىسى فادخال توپنى كىرگۈزدى. نەتىجە 1-0 بولۇپ كۈۋەيت كوماندىسى ئۈستۈنلۈككە ئېرىشتى.

33 مىنۇت بولغاندا ئاۋستىرالىيە كوماندىسى نومۇرنى تەڭلەشتۈرۈۋالدى. لورىنگو سولدىن بۈسۈپ ئۇلاپ ئۈچ مۇداپىئەچى توپچىدىن ئۆتۈپ كەتكەندىن كېيىن توپنى ۋاراتار ئالدىغا تاشلىدى. كاسىل توپنى ۋاراتارغا كىرگۈزدى. نەتىجە 1-1 بولدى. 45 مىنۇت بولغاندا ئاۋستىرالىيە كوماندىسى ئۈستۈنلۈككە ئېرىشتى. فىرانگىچ سولدىن پاس تاشلىدى. لورىنگو توپنى ئۈسۈپ ۋاراتارغا كىرگۈزدى. نەتىجە 2-1 بولدى. ئالدىنقى يېرىم مەيدان مۇسابىقە ئاخىرلاشتى.

يېرىم مەيدان مۇسابىقىدىن ھەر ئىككى تەرەپ سەپ شەكلىدە تەڭشەش ئېلىپ باردى. 61 مىنۇت بولغاندا ئاۋستىرالىيە كوماندىسى نومۇر پەرقىنى چوڭايتتى. كىرۇس چەكلەنگەن رايۇن ئىچىدە قارشى تەرەپ توپچىسى تەرىپىدىن يېقىتىلدى. رېپىر ئاۋستىرالىيە كوماندىسىغا نۇقتا توپ بۇيرۇپ بەردى. كاپىتان ئىدناك نۇقتا توپنى كىرگۈزدى. نەتىجە 3-1 بولدى.

90 مىنۇتلۇق مۇسابىقىدىن كېيىن ئىككى مىنۇت قۇشۇپ بېرىلگەن ۋاقىتتا ئاۋستىرالىيە كوماندىسى يەنە بىر توپ كىرگۈزدى. نەتىجە 4-1 بىلەن مۇسابىقە ئاخىرلاشتى.

ئاۋستىراليە كوماندىسىدىن ئاساسلىق سۈپىتىدە مەيدانغا چىققان توپچىلار: 1-نومۇر رايىن. 3-نومۇر بېسسىك. 2-نومۇر فىرانگىچ. 6-نومۇر سىبىرانوۋىچ. 20-نومۇر سىنسبول. 7-نومۇر لارگى. 15-نومۇر ئىدناك. 21-نومۇر لورىنگو. 14-نومۇر تىروۇىس. 4-نومۇر كاسىل. 10-نومۇر كىرۇس.

كۈۋەيت كوماندىسىدىن ئاساسلىق ئەزا سۈپىتىدە مەيدانغا چىققان توپچىلار: 23-نومۇر ھەمىد يۈسۈف. 4-نومۇر ھۈسەين فادخال. 12-نومۇر سۇلتان ئەنزى. 13-نومۇر مۇسائىد ئىنازى. 21-نومۇر ئەلى مەقسىد. 5-نومۇر فاخاد خەجەرى. 6-نومۇر قالەد قاھدانى. 8-نومۇر سالىھ شەيق. 10-نومۇر ئابدۇلئەزىز ئىنازى. 11-نومۇر فاخاد ئەنسارى. 16-نومۇر فايسال ھارابى.