ئەنگىلىيە ‹‹ كۈندىلىك پوچتا گېزىتى ›› نىڭ 14-ئىيۇل خەۋەر قىلىشىچە ، ئافرىقىدىكى بەزى سودىگەرلەر بىر خىل يېڭىچە بېيىش ئۇسۇلىنى تاپقان . ئۇلار ئەنگىلىيەدىكى خەير-ساخاۋەت دۇكانلىرىدىن تۈركۈم–تۈركۈم كونا كىيىملەرنى سېتىۋېلىپ، ئاندىن ئۇنى ئۆز دۆلىتىگە يۆتكەپ كېلىپ ، يەرلىكتىكى ئاممىغا سېتىپ بەرگەن . ئىگىلىنىشىچە ، ئۇلار كونا كىيىملەرنى سېتىش ئارقىلىق ، كۈنىگە 25 مىڭ فوندستېرلىڭ ( تەخمىنەن 265 مىڭ يۈەن خەلق پۇلىغا تەڭ ) كىرىم قىلغان .

بۇ كونا كىيىملەر ئافرىقا شەھەرلىرىدە بولۇپمۇ گانادا ناھايىتى زور ئالقىشقا ئېرىشكەن ، چۈنكى بۇ كىيىملەرنىڭ باھاسى ئەرزان بولۇپ ، ئادەتتىكى پۇقرالارمۇ سېتىۋالالايدىكەن . بىر كونا كىيىم دۇكىنىنىڭ خوجايىنىArthur • Adu چۈشەندۈرۈپ مۇنداق دېگەن : ئەنگىلىيە كىيىملىرىنىڭ رازمېرى ۋە سۈپىتى يەرلىكتىكى ئاممىنى ياقتۇرۇپ سېتىۋېلىشىدىكى مۇھىم سەۋەبلەرنىڭ بىرى . ئۇلارنىڭ ھەممىسى كىچىك رازمېلىق كىيىملەرنى ياخشى كۆرىدۇ ، سۈپىتىمۇ ناھايىتى ياخشى. ئىگىلىنىشىچە ، بۇ كونا كىيىملەرنىڭ باھاسى كىيىمنىڭ ئۇپراش ئەھۋالىغا ئاساسەن بېكىتىلىدىكەن ، بەك كونىلىرى يەرلىكتىكى ئەڭ نامرات كىشىلەرگە سېتىپ بېرىلىدىغان بولۇپ ، ئادەتتە پەقەت 25 پېننى ( تەخمىنەن 3.5 يۈەن خەلق پۇلىغا تەڭ ) غا سېتىلىدىكەن .

كونا كىيىم سودىسى يەرلىكنىڭ توقۇمىچىلىق كەسپىگە ئېغىر تەسىر كۆرسەتكەن . يەرلىكتىكى بىر توقۇمىچىلىق زاۋۇتىنىڭ ئىشچىسى مۇنداق دېگەن : 2009-يىلى بىز بىر ئايدا 2 مىليون مېتىر ئۇزۇنلۇقتىكى رەختنى ئىشلەپ چىقىراتتۇق ، لېكىن ھازىر بىزنىڭ ئىشلەپچىقىرىش مىقدارىمىز % 75 تۆۋەنلەپ ، زاۋۇت تاقىلىشقا مەجبۇر بولدى .