يۈننەنلىك 65 ياشلىق ئايال مياۋ X مېيىپ بولغانلىقتىن تىلەمچىلىك قىلىپ جېنىنى باقىدىغان بولۇپ، قارىماققا بىچارە كۆرۈنگىنى بىلەن، بىراق يېنىدا ئېلىپ يۈرىدىغان سومكىسىدا 10 مىڭ يۈەن نەق پۇل بىلەن 100 مىڭ يۈەن ساقلانغان ئامانەت كارتىسى بار ئىكەن. يېقىندا،  مياۋ X جىنجياڭ زىماۋ بازىرىدىكى دېھقانچىلىق بازىرىدا تىلەمچىلىك قىلىۋېتىپ يېنىغا ئېلىپ يۈرگەن سومكىسىنى چۈشۈرۈپ قويۇپ، تىت-تىت بولغىنىدىن نەق مەيدانغا يىغا-زار قىلىپ كەتكەن.

      ۋەقە يۈز بەرگەندىن كېيىن ياخشى نىيەتلىك ئامما ساقچىغا مەلۇم قىلغان، زىماۋ ساقچىخانىسى خادىملىرى نەق مەيدانغا يېتىپ بارغاندىن كېيىن، ھاياجانلانغان  مياۋ X تىت-تىت بولغىنىدىن ئۆكسۈپ گەپمۇ قىلالمىغان بولۇپ، ساقچى خادىملارنىڭ نەسىھەت قىلىشى بىلەن كەيپىياتى جايىغا چۈشكەن.

      مياۋ X «سومكىدا كىملىكىم بىلەن بانكا كارتام بار ئىدى، يەنە تېخى 10 مىڭ يۈەندىن ئارتۇق نەق پۇلۇم بار ئىدى ! ئامانەت كارتامدىمۇ 100 مىڭ يۈەندىن ئارتۇق تىلەمچىلىك قىلىپ يىغقان ئامانىتىم بار ئىدى» دېگىنىچە يىغلاپ كەتتى. ئۇنىڭ دېيىشىچە، شۇ كۈنى چۈشتىن بۇرۇن سائەت 6 لەردە ئۇ زىماۋ بازىرىدىكى دېھقانچىلىق بازىرىغا كېلىپ تىلەمچىلىك قىلىپ، چۈش سائەت 12 لەردە ئايرىلىدىغان ۋاقىتتا يېنىغا ئېلىپ يۈرىدىغان سومكىسىنىڭ يوقلىقىنى بايقىغان ئىكەن.

    ساقچى خادىملار ئەھۋالنى ئىگىلىگەندىن كېيىن كۆزىتىش ئاپاراتىنى تەكشۈرۈش ئارقىلىق ھېچقانداق بىراۋنىڭ  مياۋ X نىڭ سومكىسىنى ئېلىپ بازاردىن چىققان كۆرۈنۈشى بايقالمىغان بولۇپ، ساقچىلار سومكىنىڭ ھازىرمۇ بازار ئىچىدە ئىكەنلىكىنى جەزملەشتۈرگەن.

خەلق ساقچىلىرى نەچچە يولغا بۆلۈنۈپ ئىزدەش نەتىجىسىدە، ئاخىرى  مياۋ X نىڭ سومكىسىنى يول بويىدىكى ئەخلەت دۆۋىسىدىن ئىزدەپ تېپىۋالغان.

     مياۋ X نىڭ نەق مەيداندا جەزملەشتۈرۈش نەتىجىسىدە سومكا ئىچىدىكى نەرسىلەردە ھېچقانداق ئۆزگىرىش بولمىغان بولۇپ، ساقچى خادىملار  مياۋ X نىڭ قىزىنى ساقچىخانىغا كېلىپ ئۇنى ئېلىپ كېتىشكە خەۋەر قىلغان.