سانائەت ۋە ئۇچۇرلاشتۇرۇش مىنىستىرلىقىنىڭ ئاخبارات باياناتچىسى، ھەرىكەتنى تەكشۈرۈش ماسلاشتۇرۇش ئىدارىسىنىڭ باشلىقى جېڭ لىشىن تۈنۈگۈن 2014-يىلى ئالدىنقى ئۈچ پەسىلدە سانائەت ۋە خەۋەرلىشىش كەسپىنىڭ تەرەققىيات ئەھۋالىنى ئۇقتۇرۇش يىىغنىدا مۇنۇلارنى بىلدۈردى: مەملىكەت بويىچە سانائەت ۋە خەۋەرلىشىش كەسپى ئومۇمەن مۇقىم تەكشى ئاشتى،كەسىپ قۇرۇلمىسىنى تەڭشەشتە ئىجابىي ئۆزگىرىش بولدى، ئۇچۇر ئىستېمالىنىڭ تۈرۈتكۈلۈك رولى يەنىمۇ چوڭ بولدى، ئالدىنقى ئۈچ پەسىلدە ئۇچۇر ئىستېمال كۆلىمى بىر تىرىليون 900 مىليارد يۈەنگە يەتتى، داۋاملىق ناچارلاۋاتقان دۇنيا ئىقتىسادى ۋەزىيىتى ئالدىدا جۇڭگونىڭ بۇ يىلنىڭ ئالدىنقى توققۇز ئېيىدىكى سانائەت ئېشىش سۈرئىتى ئالدىنقى يېرىم يىلدىكىدىن ئازراق تۆۋەنلىدى، ئەمما جېڭ لىشىن مۇنداق دەپ كۆرسەتتى: سانائەت ھەرىكىتىنىڭ سۈپىتى ۋە ئۈنۈمى ئازراق ئاشتى، ھەرىكەت ھالىتى ئاساسەن ياخشى بولدى، كەسىپ قۇرۇلمىسىدا ئىجابىي ئۆزگىرىش بولدى، يېڭى ئېنېرگىيەلىك ئاپتوموبىل تەرەققىياتى گەۋدىلىك بولدى، سانائەت تەرەققىياتىنى قوللايدىغان تۈرلۈك سىياسەتنىڭ ئۈنۈمى يەنىمۇ كۆرۈنەرلىك بولدى، بولۇپمۇ ھەرقايسى تارماقلارنىڭ كىچىك، مىكرو كارخانىلارنىڭ تەرەققىياتىنى قوللاش كۈچى ئاشىتى، كارخانىلارنىڭ يۈكىنى يېنىكلىتىش توغرىسىدىكى سىياسەتلەر تەدرىجىي چوڭقۇرلاشتى، مەملىكەت بويىچە كارخانىلارغا مۇناسىۋەتلىك مەمۇرىي ئىشلار خاراكتېرلىك ھەقلەر ۋە ھۆكۈمەت خاراكتېرلىك فوند تۈرلىرىنى ئېنىقلاش نەتىجىسى يېقىندا ئېلان قىلىنىدۇ، جايلارنىڭ ئېنىقلاش نەتىجىسى يىل ئاخىرىدىن بۇرۇن ئېلان قىلىنىدۇ، نۆۋەتتە جېجياڭ ئۆلكىسى، فۇجيەن ئۆلكىسى، سەنشى ئۆلكىسى قاتارلىق ئۆلكە، شەھەرلەر كارخانىلاردىن ھەق ئېلىشقا مۇناسىۋەتلىك مۇندەرىجىنى ئېلان قىلدى، ئۇنىڭدىن باشقا ئۇچۇر ئۇل ئەسلىھەسىنى ئۆزگەرتىپ دەرىجىسىنى ئاشۇرۇش تېزلىتىلىپ، ئۇچۇر ئىستېمالىنىڭ تۈرتكۈلۈك ئۈنۈمى كۆرۈنەرلىك بولدى، ئالدىنقى ئۈچ پەسىلدە ئۇچۇر ئىستېمال كۆلىمى بىر تىرىليون 900 مىليارد يۈەنگە يېتىپ، ئوخشاش مەزگىلدىكىدىن %18 ئاشتى، ئېلېكتىرونلۇق سودا ، يۇمشاق دېتال كەسپى ئوخشاش مەزگىلدىكىدىن %20 دىن ئارتۇق ئاشتى، بۇنىڭ ئىچىدە توردا پارچە سېتىلىش سوممىسى ئوخشاش مەزگىلدىكىدىن %40 گە يېقىن ئاشتى، جېڭ لىشىن مۇنۇلارنى بىلدۈردى: ئومۇمىي جەھەتتىن قارىغاندا، سانائەت تەرەققىياتىنىڭ تۆتىنچى پەسىلدە داۋاملىق ھازىرقىدەك تەكشى مۇقىم ئېشىشىدىن ئۈمىد بار، ئەمما ئىقتىسادنىڭ بىر قەدەر زور دەرىجىدە تۆۋەنلەش بېسىمىدا كەسىپ قۇرۇلمىسى مۇۋاپىق بولماسلىق، يېڭىلىق يارىتىش ئىقتىدارى ئاجىز بولۇش، تەرەققىياتى مۇھىت ناچار بولۇش قاتارلىق مەسىلىلەر مەۋجۇد.