خەلق پۇلى 2007-يىلىدىن بۇيانقى ئەڭ ئۇزۇن ئۇدا قىممىتى چۈشۈش رېكورتى ياراتتى

    خەلق پۇلى پېرۋوت نىسبىتىنىڭ ئۇدا ئونىنچى كۈنى چۈشۈپ كېتىشى ئۆتكەن سەككىز يىلدىن بۇيان تۇنجى قېتىم كۆرۈلدى، بازار جۇڭگو-ئامېرىكا ئىككى دۆلەت پۇل سىياسىتى ئارقا كۆرۈنىشىنىڭ ئايرىلىشىغا ئەگىشىپ كاپىتالنىڭ جۇڭگودىن چىقىپ كېتىشى، خەلق پۇلىنىڭ قىممىتىنىڭ چۈشۈشىنىڭ كەسكىنلىشىدىن ئەنسىرىدى.

    جۇڭگو مەركىزى بانكىسى خەلق پۇلىنى دوللارغا ئالماشتۇرۇش ئارىلىق باھاسىنى 2011-يىلى 6-ئايدىن بۇيانقى ئەڭ تۆۋەن سەۋىيەگىچە تەڭشىدى، توققۇز كۈنلۈك جۇغلانما چۈشۈش نىسبىتى %1.4 كە يەتتى. ئامېرىكا فېدېراتسىيە زاپاس پۇل كومېتىتى يېقىنقى ئون يىلدىن بۇيان تۇنجى قېتىم ئۆسۈم ئۆستۈرگەندىن كېيىن، دوللار كۈچەيدى. جۇڭگو مەركىزى بانكىسىنى ئۆز ئىچىگە ئالغان جۇڭگو پۇل-مۇئامىلە ئورگىنى 11-ئايدا 221 مىلىيارد يۈەن (34 مىلىيارد دوللار) تاشقى پېرۋوت ساتتى، بۇ كاپىتالنىڭ سىرتقى ئېقىش ھادىسىسى.

       شاڭخەي ۋاقتى 11:26 دە، جۇڭگو تاشقى پېرۋوت مەركىزىنىڭ سانلىق مەلۇماتىدىن قارىغاندا، خەلق پۇلىنى دوللارغا ئالماشتۇرۇش نىسبىتى %0.13 چۈشۈپ كېتىپ، 2007-يىلىدىن بۇيانقى ئەڭ ئۇزۇن ئۇدا چۈشۈ رېكورتى ياراتتى. بىلومبېرگنىڭ ئومۇمى سانلىق مەلۇماتىدىن قارىغاندا، قارشى قىرغاق خەلق پۇلىنىڭ قىممىتى %0.12 چۈشۈپ، 6.5467 دە يېپىلدى. جۇڭگو يېزا ئىگىلىك بانكىسىنىڭ شىياڭگاڭدا تۇرۇشلۇق ئورنىنىڭ تەتقىقات باشقۇرغۇچىسى لىن چىياۋجى 2016-يىلى يىل ئاخىرىدا خەلق پۇلى ئەڭ تۆۋەن بولغاندا 6.57 يۈەنلىك نۇقتىغا چۈشۈپ كېتىشى مۇمكىن دەپ پەرەز قىلدى.

قارشى قىرغاق ۋە قىرغاقتىكى خەلق پۇلى باھا پەرقى

    جۇڭگو مەركىزى بانكىسى قارشى قىرغاق بازىرىغا ئارىلىشىشتىن ئىلگىرى، قارشى قىرغاق ۋە قىرغاقتىكى خەلق پۇلىنىڭ پېرۋوت نىسبىتىدىكى باھا پەرقى چارشەنبە كۈنى 800 نۇقتىدىن ئاشتى. پەيشەنبە كۈنى باھا پەرقى 650 نۇقتا بولدى. جۇڭگونىڭ ئالدىنقى يىللىق ئىقتىسادى ئېشىش نىسبىتى %7.3 بولۇپ، بۇ 1990-يىلىدىن بۇيانقى ئەڭ ئاستا ئېشىش سۈرئىتى ھېسابلىنىدۇ.