20-سېنتەبىر مەركىزىي شەھەر ئۈرۈمچىدە ياغقان قاتتىق يامغۇردىن كېيىن ، 21-سېنتەبىر كۈندۈزدە ھاۋا ئوچۇق بولۇپ، چۈش مەزگىلىدە ھاۋا سەل ئىسسىق بولدى . بىر قەدەر كۈچلۈك سوغۇق ھاۋا ئېقىمىنىڭ تەسىرىدە 20-سېنتەبىر سەھەرگىچە ياغقان يامغۇردىن كېيىن ، ئۈرۈمچىنىڭ ئاساسلىق شەھەر رايونلىرىدا تۆۋەن تېمپېراتۇرا ئاران ℃5 بولدى ، كۈندۈزدە يۇقىرى تېمپېراتۇرا پەقەت℃11 ئەتراپىدا بولۇپ ، بۇ يىل كېيىنكى يېرىم يىل بويىچە ئەڭ سوغۇق كۈن بولۇپ قالدى .

سوغۇق ھاۋا ئېقىمىنىڭ داۋاملىق شەرققە سۈرۈلۈشى بىلەن ، سوغۇق ھاۋا ئېقىمىنىڭ ئۈرۈمچىگە كۆرسىتىدىغان تەسىرى ئاجىزلاپ ، مۇشۇ ھەپتىدە ئۈرۈمچىدىكى ئاساسلىق شەھەر رايونلىرىدا ھاۋا ئوچۇق بەزىدە بۇلۇتلۇق بولۇپ ، يۇقىرى تېمپېراتۇرا℃20 ئەتراپىدا ، تۆۋەن تېمپېراتۇرا℃10 ئەتراپىدا بولىدىكەن.

ئۈرۈمچى شەھەرلىك مېتېئورولوگىيە ئىستانسىسىنىڭ خەۋىرىگە قارىغاندا ، بۈگۈن ھاۋا ئوچۇق بولۇپ ، يۇقىرى تېمپېراتۇرا℃17 ، تۆۋەن تېمپېراتۇرا℃7 بولىدىكەن . كەلگۈسى 48 سائەت ئىچىدە ھاۋا ئوچۇق بولۇپ ، يۇقىرى تېمپېراتۇرا℃18 ، تۆۋەن تېمپېراتۇرا℃8 بولىدىكەن .

پۈتۈن شىنجاڭ دائىرىسىدىن قارىغاندا ، بۈگۈن ، ئەتە ئىلى دەريا ۋادىسى ، بورتالا ، تەڭرىتاغنىڭ تاغلىق رايونلىرى قاتارلىق رايونلارنىڭ قىسمەن رايونلىرىدا ئازراق يامغۇر ياغىدىكەن . پۈتۈن شىنجاڭدىكى باشقا جايلاردىمۇ ھاۋا ئوچۇق بەزىدە بۇلۇتلۇق بولىدىكەن.