ئامېرىكا مەخپىي ھۆججىتىدە كۆرسىتىلىشىچە، مەركىزى ئاخپارات ئىدارىسى (CIA) ئىككىنچى دۇنيا ئۇرۇشى ئاخىرلاشقاندىن كىيىن، زور بىر تۈركۈم گېرمانىيە ناتسىست پارتىيىسى ئەزالىرىنى قوبۇل قىلىپ، ئۇلارنى ئىشپىيون ۋە ئىچكى ئاخپارات خادىمى سۈپىتىدە ئىشقا سېلىپ، بۇ ئارقىلىق سوۋېت ئىتتىپاقىنىڭ «تەھدىتى»گە قارشى تۇرغان.
بۇ ھۆججەتلەرنى تەتقىق قىلغۇچى مۇتەخەسسىسلەرنىڭ كۆرسىتىشىچە، ئامېرىكا سوغۇق مۇناسىۋەتلەر ئۇرۇشى مەزگىلىدە ئاز بولغاندىمۇ 1000 نەپەر ناتسىست پارتىيىسى ئەزالىرىنى ئىشلەتكەن بولۇپ، بۇنىڭ ئىچىدە بىر بۆلۈكى يەنە تېخى ئىلگىرى ناتسىست پارتىيىسىنىڭ يۇقىرى دەرىجىلىك ئەمەلدارلىرى ئىكەن.

بۇنىڭدىن ئىلگىرى، ئامېرىكا ئاگېنتلىقىنىڭ بىر تۈرلۈك تەكشۈرۈشىدە ئاشكارىلىنىشچە، ۋاشىنگتون ھۆكۈمىتى نەچچە ئونلىغان، گۇمانلىق دەپ قارالغان ناتسىست پارتىيىسىنىڭ ئۇرۇش جىنايەتچىلىرى ھەتتا يەھۇدىيلارنى يىغىۋېلىش ئورنىنىڭ قوغدىغۇچىسى قاتارلىقلارنى ئۆز ئىچىگە ئالغان كىشىلەرگە نەچچە مىليون دوللار جەمئىيەت پاراۋانلىق پۇلى بەرگەن.
بۇ ئاخپاراتتا كۆرسىتىلىشچە، ۋاشىنگتون قانۇننىڭ يوچۇقلىرىدىن پايدىلىنىپ بۇ پۇللارنى ئۇلارغا بەرگەن بولۇپ ،بىر قىسىم كىشىلەر ھەتتا ھازىرمۇ بۇ پاراۋانلىق پۇلىدىن بەھرلىنىۋاتقان ئىكەن.

مەركىزى ئاخپارات ئىدارىسى ئالدىنقى ناتسىست پارتىيىسىنىڭ ئەزالىرىنى قوبۇل قىلىپ، ئۇلارنى جاسۇس ئورنىدا ئىشلىتىشى ئاساسلىق سوغۇق مۇناسىۋەتلەر ئۇرۇشى مەزگىلىدىكى خەتەرلىك ۋەزىيەت ئاستىدا يۈز بەرگەن، لېكىن ھۆججەتتە كۆرسىتىلىشچە، ۋەزىپە ئۆتىگەن مۇددىتى 37 يىل بولغان مەركىزى ئاخپارات ئىدارىسىنىڭ تۇنجى نۆۋەتلىك باشلىقى يوھان ناتسىستلارنىڭ قوبۇل قىلىشنى تەستىقلاپلا قالماستىن يەنە ناتسىستلارنىڭ زاۋاللىقى توغرىسىدىكى تەسىۋىرلەشلىرىنى «سوۋېت ئىتتىپاقى ئېلىپ بارغان ئىدولوگىيە تەشۋىقاتى» دەپ ئاتىغان.

قوبۇل قىلىپ ئىشلىتىلگەن كىشىلەرنىڭ ئىچىدە يەنە ئىلگىرى يەھۇدىيلارغا تەھدىت سېلىش توغرىسىدىكى سىياسىي ھۆججەتنى يېزىشقا مەسئۇل بولغان ناتسىست پارتىيىسى ئارمىيىسىنىڭ يۇقىرى دەرىجىلىك ئەمەلدارى مەسلىھەتچىسى بورشىۋىننىمۇ بار بولۇپ، مەركىزى ئاخپارات ئىدارىسى 1950-يىلى ئۇنىڭ نيۇيوركقا بېرىپ ئولتۇراقلىشىشىغا ياردەم قىلىپ، بۇ ئارقىلىق ئۇنىڭ ساداقەتمەنلىكىنى مۇكاپاتلىغان.

ئۇنىڭدىن باشقا يەنە، نەچچە ئون مىڭلىغان يەھۇدىيلارنى قىرغىن قىلىشقا مۇناسىۋەتلىك خەۋپسىزلىك ساقچى ئەترىتىنىڭ باشقۇرغۇچىسى لىلېيسىجمۇ مەركىزى ئاخپارات ئىدارىسى تەرىپىدىن شەرقى گېرمانىيەدە جاسۇسلۇق قىلىشقا ئەۋەتىلگەن بولۇپ، ئۇ كىيىن بوستونغا ئولتۇراقلىشىشقا ئورۇنلاشتۇرۇلغان .
بىر قىسىم پاكىتلاردا كۆرسىتىلىشىچە مەركىزى ئاخپارات ئىدارىسى ئىلگىرى مۇناسىۋەتلىك ئورۇنلارنىڭ لىلېيسىجنى ئۇرۇش جىنايەتچىسى قاتارىدا تەكشۈرۈشىگە توسالغۇلۇق قىلغان.

ئامېرىكا ئاگېنتلىقى بىر ھەپتە بۇرۇن ئېلان قىلغان تەكشۈرۈش ئاخباراتى بۇ يېڭىدىن بايقالغان خەۋەر بىلەن ئالاقىسى بولمىسىمۇ، لېكىن بۇ خەۋەردە كۆرسىتىلىشچە، ئامېرىكا ئەينى ۋاقىتتا چېگرادىن قوغلاپ چىقارغان 66 نەپەر گۇمانلىق بولغان ناتسىست ئۇرۇش جىنايەتچىلىرى ئىچىدە، ئاز دېگەندىمۇ 38 نەپىرى يەنىلا ئامېرىكىلىق باج تاپشۇرغۇچىلارنىڭ پاراۋانلىق پۇلىغا ئېرىشكەن.

ئامېرىكا ئەدلىيە مىنىستىرلىقىنىڭ باياناتچىسى كار بىر پارچە باياناتىدا مۇنداق دېگەن: ئامېرىكا دۆلەت پارلامېنتى 1979-يىلى تېزلىكتە چېگرا ئىچىدىكى ناتسىست جىنايەتچىلىرىنى ئۇلارنىڭ جىنايىتىنى شىكايەت قىلالايدىغان دۆلەتلەرگە قوغلاپ چىقىرىش توغرىلىق بۇيرۇق چۈشۈرگەن.
باياناتتا مۇنداق دېيىلگەن: ئامېرىكىنىڭ نۆۋەتتىكى قانۇنىغا ئاساسەن، ھەرقانداق كىشى ئامېرىكا سوت مەھكىمىسى تەرىپىدىن چېگرىدىن قوغلاپ چىقىرىۋېتىلسە، ئۇلارنىڭ بارلىق بەھرلىنىۋاتقان پېنسىيەگە چىقىش پاراۋانلىق پۇلى توختىتىلىدۇ.

لېكىن بىر كىشى ئامېرىكا دۆلەت تەۋەلىكىدىن ۋاز كەچسە، ھەمدە ئۆزلىگىدىن ئامېرىكىدىن ئايرىلسا، ئۇلار بەلكىم داۋاملىق جەمئىيەت پاراۋانلىق پۇلىدىن بەھرلىنەلىشى مۇمكىن ئىكەن.