12-ئاينىڭ 18-كۈنى كەچتە، گېرمانىيە زەردارى بايرىن مىيۇنخىن ئورگان تورىدا بوئاتېڭ، خاۋى مارتىنېز، مۇللېر ۋە خاۋى ئالۇنسۇ قاتارلىق توپچىلار بىلەن توختام ئۇزارتقانلىقىنى ئېلان قىلدى. بۇلارنىڭ ئارىسىدا پەقەت خاۋى ئالۇنسۇلا 2017-يىلىغىچە، باشقا توپچىلار 2021-يىلىغىچە توختام ئۇزارتقان. ئاخبارات ۋاستىلىرىنىڭ خەۋەر قىلىشىچە، مۇللېر توختام ئۇزارتقاندىن كېيىن يىللىق مائاشى 13 مىليون 500 مىڭ ياۋرو قىلىپ بېكىتىلگەن، شۇنداقلا كوماندىدىكى ئەڭ يۇقىرى مائاش ئالىدىغان توپچىلارنىڭ بىرى بولۇپ قالغان.

   بايرىن مىيۇنخىن رەئىسى رۇمنىگ بۇ توپچىلارنىڭ كۇلۇب بىلەن توختام ئۇزارتقانلىقىدىن ناھايىتى خۇشال ئىكەنلىكىنى، بۇ توپچىلارنىڭ كوماندىغا داۋاملىق تۆھپە قوشۇشىنى ئۈمىد قىلىدىغانلىقىنى بىلدۈرگەن. بۇ توپچىلاردىن مۇللېر 2000-يىلىلا بايرىن ياشلار تەربىيەلەش مەركىزىگە قوشۇلغان، بوئاتېڭ 2011-يىلى مانچېستىر بىرلەشمىسىدىن ئايرىلىپ بايرىن مىيۇنخىنغا قوشۇلغان، مارتىنېز 2012-يىلى بېلباۋ رىقابەت كۇلۇبىدىن بايرىن مىيۇنخىنغا قوشۇلغان، ئالۇنسۇ 2014-يىلى خانلىق مادرىدتىن ئايرىلىپ بايرىن مىيۇنخىنغا قوشۇلغان.