msnساغلاملىق تورى خەۋىرى لەگلەك تورى تەرجىمىسى . قەھۋە مەركىزىي نېرۋا سىستېمىسىنى قوزغىتىش، يۈرەكنى كۈچلەندۈرۈش تەسىرىگە ئىگە بولغاچقا، ناركوز دورىلىرى، ئۇخلاتقۇچى دورىلاردىن زەھەرلەنگەنلەرگە كۈندە بەش ئىستاكانغىچە ئىچىملىك ئورنىدا بەرسە ياخشى ئۈنۈم بېرىدۇ .ياشلار قەھۋەنى ئۇزۇن مۇددەت مۇۋاپىق مىقداردا ئىچىپ بەرسە كۆڭۈلنى ئازادە قىلىپ تېتىكلەشتۈرىدۇ . ئامېرىكىنىڭ يېقىنقى تەتقىقاتىدا، دائىم مۇۋاپىق مىقداردا قەھۋە ئىچىپ بەرسە ئاشقازان، جىگەر خىزمىتىگە پايدىلىق بولىدىغانلىقى ھەمدە راكنىڭ ئالدىنى ئالدىغانلىقىنى بايقىغان .

ئۈچ گرام قەھۋە تالقىنىنى 30 گرام سۇيۇق ھەسەل بىلەن قوشۇپ دورا تەييارلاپ، كۈندە ئۈچ قېتىم، ھەر قېتىمدا 11گرامدىن يەپ بەرسە، ھۆل سوغۇقتىن بولغان يۆتەلگە شىپا بولىدۇ. يېرىم ياكى بىر گرام ساپ قەھۋە تالقىنىدىن ئىككى- ئۈچ قېتىم ئىچىپ بەرسە ھۆل سوغۇقتىن بولغان ئىچ سۈرۈشكە شىپا بولىدۇ.يازغۇچى، تەتقىقاتچىلار مۇۋاپىق مىقداردا قەھۋا ئىچىپ بەرسە خىزمەت ئۈنۈمىنى زور دەرىجىدە يۇقىرى كۆتۈرىدۇ. كېچىلىك ئىسمېنىدا ئىشلىگۈچىلەر، شوپۇرلار قەھۋە ئىچىپ مەشغۇلات قىلسا، ھەر خىل ھادىسىلەرنىڭ كېلىپ چىقىشىنىڭ ئالدىنى ئالىدۇ. ساياھەتكە چىققانلار، ئېغىر جىسمانىي ئەمگەك قىلغۇچىلار بىر ئىستاكان قەھۋە ئىچىۋالسا ھارغىنلىقنى يەڭگىللىتىدۇ.قەھۋەنىڭ يۇقىرىقىدەك نۇرغۇن ياخشى شىپالىق تەسىرلىرى بولسىمۇ تۆۋەندىكىلەرگە دېققەت قىلىش لازىم: ئۇيقۇسى ئازلار قەھۋە ئىچمەسلىكى، بولۇپمۇ كەچلىكى ئىچمەسلىكى لازىم. ھامىلدارلار قەھۋە ئىچمەسلىكى لازىم. بەزى ماتېرىياللاردا كۆرسىتىلىشىچە، قەھۋە ھامىلىنىڭ غەيرىلىكىنى كەلتۈرۈپ چىقىدىكەن. قان بېسىمى زىيادە يۇقىرى كىشىلەر قەھۋە ئىچمەسلىكى كېرەك. قەھۋە ئىچكەندە ھاراق ئىچمەسلىك، تاماكا چەكمەسلىك كېرەك.قەھۋەنى كۈندە بىر- ئىككى ئىستاكان ئىچىش، ئۇزۇن مۇددەت كۆپ مىقداردا ئىچمەسلىك لازىم. كۈندە بەش ئىستاكاندىن كۆپ ئىچسە خۇمار پەيدا قىلىدۇ. ناشتىدىن بۇرۇن قەھۋە ئىچمەسلىك لازىم.ئانتىبىئوتىك دورىلار ۋە ئاشقازان يارىسىنى داۋالايدىغان دورىلارنى ئىچكەندىن كېيىن قەھۋە ئىچمەسلىك لازىم. بولمىسا ئاشقازاننى غىدىقلاپ بىئارام قىلىدۇ.

قەھۋە تەركىبىدە بەلگىلىك مىقداردا ۋىتامىنE، نكوتىن كىسلاتاسى قاتارلىقلار بار.
توسالغۇلارنى ئېچىش، ئاغرىق پەسەيتىش، قويۇق خىلىتلارنى تازىلاش، ئاشقازان ۋە يۈرەكنى قۇۋۋەتلەش، سۈيدۈك ھەيدەش، ئىچ سۈرۈشنى توختىتىش قاتارلىق رولى بار.
ئۇيغۇر تېبابىتىمىزدە قەھۋەنى پۈتۈن بەدەن ئاغرىقى، باش ئاغرىقى، غەيرى تەبئىي خىلىتلەردىن بولغان قىزتما، جىگەر، ئۆت كېسەللىكلىرى، ئىچى سۈرۈش، ئاشقازان ئاجىزلىقى، روھىي ھالىتى نۇرمال بولماسلىق، سۈيدۈك تۇتۇلۇش، ئىشتىھاسىزلىق قاتارلىقلارغا ئىشلىتىلىدۇ.
قەھۋە يەنە ھەرخىل رادىئاتسىيىنىڭ زىينىنى يەڭگىللىتىدۇ، سۇس قەھۋە جىگەرنى قۇۋۋەتلەپ جىگەر راكىنى تورمۇزلايدۇ.
كومپيۇتېر ئالدىدا ئۇزۇن ئولتۇردىغانلار ئانچە -مۇنچە دەملەپ ئىچىپ بەرسە رادىئاتسىينىڭ زىيىنى يەڭگىللىتىدۇ ھەم چارچاشنى ئالىدۇ.
قەھۋەنىڭ مەركىزى نېرۋىنى غىدىقلاپ، جىگەرگلىكوگېنىنىڭ پارچىلىنىشىنى ئىلگىرى سۈرۈپ، قان شېكىرىنىڭ مىقدارىنى ئۆرلىتىش رولى بار بولۇپ، ۋاقىتلىق ھالدا ئادەمنىڭ زېھنىنى ئۇرغۇتۇپ، تەپەككۇرىنى ئۆتكۈر قىلىدۇ، ھارغىنلىقىنى تۈگىتىش بەدەن كۈچىنى ئەسلىگە كەلتۈرۈش ئۈنۈمى بولىدۇ.
قەھۋە مېڭە قان تومۇرلىرىنىڭ ۋە كاناي سىلىق مۇسكۇلىنىڭ تارتىشىپ قېلىشىنى پەسەيتىدۇ، يورۇقلۇق دولقۇنى ئېلېكتىر ماگنىت دولقۇنى قاتارلىق رادىئاتسىيىلەرنىڭ زىينىنى يەڭگللىتىدۇ.
ئىستېمال قىلىشتا بىلۋېلىشقا تېگىشلىك ئىشلار:
قەھۋەنى كۈنىگە1~2 ئىستاكان ئىچىپ بەرسە مۇۋاپىق بولىدۇ، ئەڭ كۆپ بولغاندىمۇ بەش ئىستاكاندىن ئېشىپ كەتمەسلىكى، قۇيۇقلۇقى مۇۋاپىق بولۇشى، چەكتىن ئاشۇرۇپ ئىچمەسلىك لازىم.قەھۋە ئىچكەچ تاماكا چىكىشتىن ساقلىنىش لازىم، بولمىسا كوففېئىن ۋە تاماكا تەركىبىدىكى نىكوتىن قاتارلىقلار ئاسانلا ئادەم بەدىنىدىكى بەزى توقۇلمىلاردا ئۆزگىرىش پەيدا قىلىدۇ، ھەتتا راك ھۈجەيرىلىرىنىڭ پەيدا بولۇشىغا سەۋەبچى بولىدۇ. زىيادە قېنىق قەھۋە يۈرەك سوقۇشىنى تىزلەشتۇرۇپ، قان بېسىمىنى ئېنىق ھالدا ئۆرلىتىۋېتىدۇ ھەمدە جىددىيلىشىش، خاتىرجەمسىزلىنىش، تىت-تىت بولۇش، قۇلاق غۇڭۇلداش قاتارلىق ئالامەتلەرنى كەلتۈرۈپ چىقىرىدۇ.
يۈرەك قان تومۇرلىرى كېسىلىگە گىرىپتار بولغانلار قەھۋەنى ئاز ئىچىشى لازىم. ياشانغان ئاياللار دائىم قەھۋە ئىچسە، سۆڭەك شالاڭلىشىشقا سەۋەبچى بولۇپ، سۆڭىكى ئاسان سۇنۇپ كېتىدىغان بولۇپ قالىدۇ. دائىم قەھۋە ئىچىدىغانلار كالتىسىي تولۇقلاشقا دىققەت قىلىشى لازىم.
ئاشقازان كېسىلى بارلار ۋە ۋىتامىنB1 يېتشمەسلىك كېسىلىگە گىرپتار بولغانلار ئىمكانقەدەر قەھۋە ئىچمەسلىكى لازىم. ھامىلدار ئاياللار قەھۋەنى زىيادە كۆپ ئىچسە، ھامىلىدە غەيرىلىك پەيدا بولىدۇ ياكى بويىدىن ئاجراپ كېتىدۇ.