ئىزچىل تۈردە، پۇتىننىڭ چوڭ قىزى روسىيەدىكى بىر نەچچە چوڭ يېشىلمىگەن سىرلارنىڭ بىرى بولۇپ كەلگەن. بۇ زۇڭتۇڭ قىزىنىڭ سالاھىيىتىنى ناھايىتى قاتتىق قوغدىغان بولۇپ، باشقىلارنىڭ ئۇنىڭ تۇرمۇشىغا دەخلى قىلىشىنى خالىمايدىكەن. لېكىن يېقىندا، بۇ ئىش ئاشكارلانغان. ئەنگىلىيە «كۈندىلىك پوچتا گېزىتى» نىڭ 3-چېسلادىكى دوكلاتىغا قارىغاندا، مەلۇم تاراتقۇ پۇتىننىڭ چوڭ قىزىنىڭ رەسىمىنى تارتىۋالغان، شۇنىڭ بىلەن بۇ قىزنىڭ سالاھىيىتىمۇ تۇنجى قېتىم ئاشكارلانغان.

      پۇتىننىڭ چوڭ قىزىنىڭ ئىسمى مارىيا بولۇپ، بۇ يىل 30 ياشتا ئىكەن. بۇرۇن بىر مېدىتسىنا ئىنىستىتۇتىنىڭ ئوقۇغۇچىسى ئىكەن. مارىيا گۈزەل ھەم دەرسلەردە ئەلاچى قىزلاردىن ئىكەن. 2011-يىلى روسىيەدىكى بارماق بىلەن سانىۋالغۇدەك داڭلىق مەكتەپلەردىن بىرى بولغان موسكىۋا دۆلەت ئىگىلىكى ئۇنىۋېرىستېتىنىڭ دوكتورلۇقىغا قوبۇل قىلىنغان. ئىگىلىنىشىچە، ئۇنىڭ ئاسپىرانتلىق ئوقۇۋاتقاندا ئوقۇش نەتىجىسى ياخشى بولغاچقا ھەم پەتەكلىك كېسىلى توغرىسىدىكى بىر تەجرىبىنى تاماملىغاچقا دوكتورلۇققا ئىمتىھانسىز قوبۇل قىلىنغان.

        تاراتقۇلارنىڭ پۇتىننىڭ چوڭ قىزىنىڭ چىرايىغا بولغان باھاسى بولسا دادىسى بىلەن ئاپىسىنىڭ چىرايىنىڭ بىرىكمىسى ئىكەن. بۇنداق چىرايلىق قىز چوقۇم توي قىلىپ بولغان بولىدۇ-دە. ئۇنىڭ يولدىشى بىر گوللاندىيەلىك سودىگەر بولۇپ، بۇ يىل 36 ياشتا ئىكەن. ئۇلارنىڭ روسىيە ۋە گوللاندىيەدە ئاز بولمىغان بايلىقى بار ئىكەن.

        تاراتقۇلارنىڭ ئېيتىشىچە، بۇ ئەر-ئاياللارنىڭ بىر ئوماق قىزى بار بولۇپ، پۇتىن ئاللىقاچان بوۋا بولۇپ بولدى دېگەن گەپ. ھازىر مارىيا بىر ئائىلە ئۈچ كىشى موسكىۋادىكى ئامېرىكا كونسۇلخانىسىنىڭ ئەتراپىدا تۇرىدىكەن. ئۇلارنىڭ ئۆيىدىن كونسۇلخانىنىڭ پۈتۈن مەنزىرىسىنى كۆرگىلى بولىدىكەن. بۇ چوڭ تۇرالغۇ ئىلگىرى سىتالىننىڭ تۇرالغۇسى بولغان بولۇپ، ھازىرمۇ بۇ تۇرالغۇنى مۇھاپىزەت قىلىش شۇنچە قاتتىق ئىكەن. ئادەتتىكى كىشىلەر بۇ يەرگە يېقىنلىشالمايدىكەن

        ئوقۇغۇچىلىق دەۋرىدە، ئۆگىنىشتىن باشقا، مارىيا ناھايىتى ئويۇنخۇمار ئىكەن. تاراتقۇلار ئۇنىڭ دوستلار چەمبىرىكىدە نۇرغۇنلىغان چەتئەللىك ئوقۇغۇچىلارنىڭ بارلىقىنى ئاشكارلىغان. دادىسىنىڭ ئەنئەنىۋى كۆز قاراشلىرى بىلەن ئوخشىمايدىغان يېرى شۇكى، ئۇنىڭ دوستلىرى ئىچىدە ھەمجىنىسلار كۆپ ئىكەن. ئۇمۇ بۇنداق دوستلىرىغا ھۆرمەت قىلىدىكەن.  

         مارىيا ناھايىتى ئاددىي-ساددا بولۇپ، مەكتەپكە بارغاندا ئىزچىل تۈردە ئۆزگەرتىلگەن ئىسمى ماشانى قوللانغان. ۋاقتى بولسىلا، ئۇ دوستلىرى بىلەن بىللە سىرتلارغا چىقىپ ئوينايدىكەن. مەسىلەن: نىقابلىق ئۇسسۇل كېچىلىكى قاتارلىق. 2008-يىلىدىكى بىر مەيدان نىقابلىق ئۇسسۇل كېچىلىكىدە مارىيا 19-ئەسىردىكى ئىتالىيە ئاقسۆڭەكلىرىدەك ياسىنىۋالغان.

          مارىيامۇ سەيلە كېمىسىدە ئارام كۈنلىرىنى ئۆتكۈزۈشنى ئارزۇ قىلىدىكەن. ئۇ ئىلگىرى-كېيىن بولۇپ فىرانسىيە، ئىتالىيە، ئىسپانىيە قاتارلىق جايلارنى ئايلانغان. ياۋروپادىن باشقا، مارىيا ئاسىيادىكى بىر قىسىم دۆلەتلەرنىڭ شەرق پۇرىقىغا ناھايىتى مەپتۇن بولۇپ قالغان. ئۇ 2009-يىلى ياپونىيەگە بېرىپ ئۇسسۇل ئۆگەنگەن. ئۇ ھەقىقەتەن قابىلىيەتلىك بىر قىز.

       ئاددىي-ساددا بولغان ئاچىسىغا سېلىشتۇرغاندا، پۇتىننىڭ ئىككىنچى قىزى تېخىمۇ داڭلىق. تاراتقۇلار ئىككىنچى قىزىنىڭ سالاھىيىتىنى بۇرۇنلا ئاشكارلىغان. بۇ يىل 29 ياشتا بولغان يىكاتىرىنا تىكونوۋا بىر ئۇتۇق قازانغان ئۇسسۇلچى ۋە سودىگەر. بۇنىڭدىن باشقا، ئۇ يەنە موسكىۋا ئۇنىۋېرىستېتىنىڭ قىممىتى 11 مىليارد يۈەنلىك كېڭەيتىش تۈرىنىڭ مەسئۇلى ئىكەن.

         پۇتىننىڭ ئىككى قىزىنىڭ گېپى بولسا پۇتىن ھەرگىزمۇ ماختاش سۆزلىرىنى ئاياپ ئولتۇرمايدۇ. بۇرۇن پۇتىن تاراتقۇلارغا ناھايىتى پەخىرلەنگەن ھالدا، قىزىنىڭ ئۈچ خىل ياۋروپا تىلىنى پىششىق بىلىدىغانلىقىنى ھەمدە كەسپىي جەھەتتە كۆرۈنەرلىك نەتىجىسى بارلىقىنى ئېيتقان.