ئامېرىكا «ۋاشىنگىتون كۈندىلىك پوچتا گېزىتى» نىڭ 30-چېسلا خەۋەر قىلىشىچە، ئامېرىكا دېڭىز ئارمىيىسى قۇرۇقلۇق قىسمىنىڭ سابىق ئەسكىرى، ئىراق ئۇرۇشىدىكى كونا ئەسكەر ۋىنسېنت ئېمانىيۇئېل (Vincent Emanuele) شۇ جاي ۋاقتى 29-چىسلا «بۈگۈنكى روسىيە» نىڭ زىيارىتىنى قوبۇل قىلغاندا، ئامېرىكا دېڭىز ئارمىيىسى قۇرۇقلۇق قىسمىنىڭ ئىراق ئۇرۇشىدا ئىراق پۇقرالىرىغا زوراۋانلىق قىلغانلىقىنى تىلغا ئالدى. ئۇ يەنە ئىراق ئۇرۇشىنىڭ ئامېرىكا باسقۇنچىلىق تارىخىنىڭ بىر قىسمى ئىكەنلىكىگە ئىشىنىدىغانلىقىنى بىلدۈردى.

   ۋىنسېنت ئېمانىيۇئېل يەنە مۇنداق دېدى:«مەن سەپداشلىرىمنىڭ گۇناھسىز كىشىلەرنى ئۆلتۈرگەنلىكىنى، گۇناھسىز پۇقرالارنى قىينىغانلىقىنى كۆرگەن. بىر قىسىم ئەسكەرلەر ھەتتا پۇقرالارنىڭ مال-مۈلكىنى بۇلاپ، ئۆلتۈرۈش، جەسەتلىرىنى كۆيدۈرۈپ، جەسەتنى ھاقارەتلەپ، يەنە تېخى كۈلۈپ تۇرۇپ سۈرەتكە چۈشكەن. كۆپ قىسىم ئامېرىكىلىق ئەسكەرلەر لىق سۈيدۈك قاچىلانغان سۇلياۋ بوتۇلكىلارنى ئىراقلىق بالىلارغا قارىتىپ ئاتقان ئىدى.

    ۋىنسېنت ئېمانىيۇئېل ۋېنسۇئېلا جەنۇب تېلېۋىزىيە ئىستانسىسىغا يېزىپ بەرگەن ماقالىسىدە مۇنداق دەپ يازدى:«مەن ئامېرىكا دېڭىز ئارمىيەسى قۇرۇقلۇق قىسمىدىكى سەپداشلىرىمنىڭ مۇنداق دېگەنلىكىنى ئېنىق يادىمدا تۇتتۇم: بىز ئىراقلىقلارنى ئۇرۇپ-تەپتۇق، ئۇلارنى كاچاتلىدۇق، جەينەكلىدۇق، تىزلىدۇق، ئۈسسىدۇق. بىز ئىراقلىق ئەرلەرنى جىنسىي ئالاقە قىلىشقا قىستىدۇق ۋە بۇ ئارقىلىق ئۇلارنى جىنسىيەت نۇقتىسىدىن قىينىدۇق.»