دۇنيا خەۋەرلىرى تورى 16-مارت خەۋىرى؛ لەگلەك تورى تەرجىمىسى: ھىندىستان پايتەختى يېڭى دېھلىدا يەر ئىسلاھاتىغا قارشى چىققان يۈزلىگەن نامايىشچى يولدا يۈرۈش قىلىپ، ساقچىلار تەرىپىدىن يۇقىرى بېسىملىق سۇ بىلەن چەكلەشكە ئۇچرىدى.
ئۆكتىچى پارتىيە قۇرۇلتىيى ئۆتكۈزگەن بۇ ھەرىكەتكە قاتناشقان يۈزلىگەن كىشى، ساقچىلار شەكىللەندۈرگەن چەمبەر سىزىقىدىن ھالقىپ پارلامېنت بىناسىغا قاراپ ماڭماقچى بولغان، ساقچىلار كالتەكلەر بىلەن نامايىشچىلارغا مۇداخىلە قىلىپ، چەمبەر سىزىقىدىن ھالقىپ ئۆتكەن كىشىلەرگە يۇقىرى بېسىملىق سۇ چاچتى، تۇقۇنۇشتا ساقچىلارنىڭ كۈچ ئىشلەتكەنلىكىنى ئاشكارىلاندى.
نامايىشچىلار، باش مىنىستىر نارېندىرا مودى ئوتتۇرغا چىقارغان لايىھەنىڭ دۆلەتتىكى مىليونلىغان دېھقانغا زىيان يەتكۈزىدىغانلىقىنى ئېيتماقتا. قۇرۇلتاي باياناتچىسى ئاناند شارما، دېھقانلارغا قارشى دەپ قارىغان قانۇننىڭ دۆلەتنىڭ يىمەكلىك بىخەتەرلىكىگە تەھدىد سالىدىغانلىقىنى ئېيتتى، ئۇ يەنە «بۇ ھۆكۈمەت دېھقانلارنىڭ يەر-زېمىنلىرىغا قول ئۇزىتىش يولىنى ئاچتى» دېدى.

ماي ئېيىدا ھاكىمىيەت بېشىغا چىققان ئوڭچىل پارتىيە رەھبىرى مودى، سايلامدىكى ۋەدىلىرىنىڭ بىرى بولغان خەتەرلىك ئاساسى خىزمەتلەر ئۈچۈن يەر-زېمىنلارنى ئومۇملاشتۇرۇشنى قولايلاشتۇرىدىغان بىر قانۇننى ئوتتۇرغا قويغان. قانۇن لايىھەسى، مودىنىڭ پارتىيىسى BJP نىڭ كۆپ سانلىق بولغان خەلق مەجلىسىدىن ئۆتكۈزۈلدى. ئاۋاز بېرىش ئەسناسىدا قۇرۇلتاي پارتىيىسى ئەزالىرى قارشىلىق بىلدۈرۈش مەقسىتىدە پارلامېنت زالىدىن ئايرىلدى. لاھىيەنىڭ قانۇنلىىشىشى ئۈچۈن ، BJP نىڭ ئاز سانلىق بولغان ۋىلايەتلەر كومىتىتىدىن ئۆتكۈزۈلۈشى كېرەك. بۇيەردە قۇرۇلتاي پارتىيىسى يېقىنقى ئون يىلدىن بۇيان كۆپ سانلىققا ئىگە.
يۇقارقى قانۇن لايىھەسى، مودىدىن بۇرۇنقى سولچىل ھۆكۈمەت چىقارغان قانۇنلارنى ئۆزگەرتىدۇ، ھۆكۈمەت قوللىغۇچىلىرى قانۇننىڭ كېچىكتۈرۈلۈپ مىليارد دوللارلىق قىممەتتىكى ئاساسى پىلانننىڭ يوق بولغانلىقىنى تىلغا ئالماقتا.
يېڭى قانۇنغا ئاساسلانغاندا، بۇنىڭدىن كېيىن شەخسى شىركەتلەر مۇداپىئە، تۇرالغۇ ۋە ئىنىرگىيە پىلانلىرى ئۈچۈن سېتىۋالىدىغان زېمىنلارنىڭ ئىگىلىرىنىڭ يۈزدە 80% نىڭ ماقۇللىقىنى ئېلىش ياكى شىرىكلەرگە ھەقلىرىنىڭ 4 ھەسسىسىنى تۆلەشكە مەجبۇر ئەمەس.