ئومۇمىي ئۇزۇنلۇقى 8.45 كىلومېتىر كېلىدىغان تۆشۈكتام يولى پۈتۈن لىنىيەسىدە 15–ئۆكتەبىر ۋاقىتىلىق قاتناش باشلاندى . تاشيول قۇرۇلۇشى پۈتۈنلەي تاماملانمىغاچقا ، شەھەر مەمۇرىيىتى قۇرۇلۇش ئىدارىسى شوپۇر دوستلار يول يۈرگەندە سۈرئەتكە ئالاھىدە دىققەت قىلىشنى تەۋسىيە قىلدى .

14–ئۆكتەبىر تۆشۈكتام يولى 12–ئوتتۇرا مەكتەپ دەرۋازىسى ئالدىدىكى يېڭىدىن ياسالغان يولغا بەلگە كۆرسەتكۈچ سىزىقلىرى سىزىلغان بولۇپ، ئاپتوموبىللار قاتناشقا باشلىغان .

نۆۋەتتە، قۇرۇلۇشنى ئۈستىگە ئالغۇچى ئورۇن داۋاملىق تۈردە ئاممىۋى قاتناش بېكەتلىرىنى بېكىتىش ، پىيادىلەر يولى بىخەتەرلىك رىشاتكىسىنى ئورنىتىش ، بەلگە كۆرسەتكۈچ سىزىقلىرى سىزىش ۋە يول چىراغلىرىنى ئورنىتىش قاتارلىق تاشيول قوشۇمچە قۇرۇلۇشلىرىنى ئېلىپ بارماقتا.

تۆشۈكتام يولىدا قۇرۇلۇش تاماملانغاندىن كېيىن قوش يۆنىلىشتە ئالتە ئاپتوموبىل قاتنىيالايدىكەن . قۇرۇلۇش ئېلىپ بېرىش پىلانلانغان يەنە بىر قىسىم يول بۆلەكلىرىدە كېلەر يىلى ئىش باشلىنىدىكەن.