ئاكۇرا يېقىندا شىمالى ئامېرىكا خەلقئارا كۆرگەزمىسىدە Precision ئۇقۇم ئاپتوموبىلىنى رەسمى ئېلان قىلدى. ئىگەللىنىشىچە، بۇ ئۇقۇم ئاپتوموبىلى ئاكۇرا ماركىسىنىڭ «Precision Crafted Performance» بۇ يادرولۇق DNA گە قارىتا مۇكەممەل ئىپادىلىنىشى ئىكەن.

Precision ئۇقۇم ئاپتوموبىلىنى ئاكۇرانىڭ كالفورنىيەدىكى لاھىيە گۇرۇپپىسى تەتقىق قىلىپ، بۇ ماركىنىڭ كەلگۈسى مەھسۇلاتىنىڭ لاھىيە يۆنىلىشىنى كۆرسىتىپ بەرگەن. بۇ ئۇقۇم ئاپتوموبىلىنىڭ سىرتقى كۆرۈنۈش لاھىيەسىدىكى ئەڭ مۇھىم ئالاھىدىلىك بولسا «كۆپ يۇلتۇزلۇق بەش تەرەپلىك» ئالدى ھاۋا كىرىش سالاسۇنى. ئۇ ئاكۇرانىڭ يېڭى يۈز لاھىيە ئۇسلۇبىغا ۋەكىللىك قىلىدۇ.

يېڭى ئۇقۇم ئاپتوموبىلىنىڭ ئالدى يۈزىگە يەنە «بىر قاتار ياقۇت» قا ئوخشاش LED ئالدى چوڭ چىراق سەپلەنگەن، ئەكىسچە قۇيرۇققا لەيلىمە شەكىللىك LED قۇيرۇق چىراق لاھىيەسى قوللانغان. يان تەرەپنىڭ قاتلاملىق لاھىيەسى تېخىمۇ يۇمىلاق بولغان ماشىنا گەۋدىسىنىڭ ئومۇمى قىياپىتى بىلەن ئىنتايىن ماسلاشقان. بۇندىن سىرت، ئاكۇرا يەنە بۇ نۇسخا ئۇقۇم ئاپتوموبىلى ئۈچۈن چوڭ رازمىردىكى 22 دىيۇملۇق چاق بۇلى سەپلىگەن، ھەمدە مىچىلىننىڭ Pilot Super Sport بالونىنى ماسلاشتۇرغان.

ئىچكى بېزەك تەرەپتە، بۇ نۇسخا Precision ئۇقۇم ئاپتوموبىلىنىڭ يارقىن نۇقتا لاھىيەسى قوش قەۋەتلىك ئۆلچەش ئەسۋابى تاختىسى، قولدا ياسالغان رىئال ياغاچلىق ياڭراتقۇ سالوسۇنى ۋە «لەيلىمە» شەكىللىك ئارقا رەت ئورۇندۇقنى ئۆز ئىچىگە ئالىدۇ. قىياپىتى ئۆزگىچە بولغان رولغا خوت ۋە Integrated Dynamics سېستىمىسىنىڭ مەشغۇلات كۇنۇپكىسى ئورنىتىلغان. ماشىنا ئىچىگە يەنە بىر لەيلىمە شەكىللىك ئۆلچەش ئەسۋابى تاختىسى، ئۇدۇل قارايدىغان ئېكران ۋە چوڭ رازمىردىكى ئەگمە شەكىللىك مەركىزى كونترول سۇپىسى سۇيۇق كرىستاللىق ئېكران سەپلەنگەن، شوپۇر بىر لەيلىمە شەكىللىك سېزىمچان تاختا ئارقىلىق مەركىزى كونترول سۇپىسى سۇيۇق كرىستاللىق ئېكراننى كونترول قىلىدۇ.

Precision ئۇقۇم ئاپتوموبىلىنىڭ ماشىنا گەۋدىسى ئۇزۇنلۇقى 204 دىيۇم (5181 مىللىمېتىر)، پەقەت ئاۋدى A8 ۋە ب م ۋ 7 قاتارىدىن بىر قانچە دىيۇم قىسقا. ئوق ئارىلىقى 3098 مىللىمېتىر، تولۇق رازمىرلىق ماشىنا تىپىغا تەۋە، ماشىنا گەۋدىسى كەڭلىكى 2133 مىللىمېتىر، تولۇق رازمىرلىق پىكاپتىن كەڭرى. بىراق ماشىنا گەۋدىسى ئېگىزلىكى ئاران 1320 مىللىمېتىر، نىسسا 370Z نىڭ ئېگىزلىكى بىلەن تەڭ.