مەملىكىتىمىز بويىچە بۇ يىللىق شىنجاڭغا ماڭغان پاختا تەرگۈچى ئىشلەمچىلەر مەخسۇس پويىزى شاڭچيۇدىن قوزغالدى

25-ئاۋغۇست، خېنەن شاڭچيۇدىن شىنجاڭ كۇيتۇنگە قاراپ ماڭغان L29 -قېتىملىق پاختا تەرگۈچى ئىشلەمچىلەر مەخسۇس پويىزىنىڭ شاڭچيۇ ۋوگزالىدىن قوزغىلىشى بىلەن، 2014-يىللىق خېنەن - شىنجاڭ پاختا تەرگۈچى ئىشلەمچىلەر تۆمۈر يول تىرانسىپورتى رەسمىي باشلاندى، بۇ، بۇ يىل ئىچىدىكى مەملىكەت بويىچە شىنجاڭغا پاختا تەرگۈچى ئىشلەمچىلەرنى ئېلىپ ماڭغان تۇنجى نۆۋەتلىك پويىز ھېسابلىنىدۇ.

ئىگىلىنىشىچە، جېنجۇ تۆمۈر يول ئىدارىسى بۇ كۈندىن باشلاپ جېنجۇ، شاڭچيۇ، نىڭلىڭ، شۈچاڭ ۋە شىنشياڭ قاتارلىق شەھەرلەر پاختا تەرگۈچى ئىشلەمچىلەر مەخسۇس پويىزىدىن 20نى كۆپەيتىپ، پاختا تەرگۈچى ئىشلەمچىلەرنىڭ سەپىرىگە قولايلىق ياراتقان ھەمدە جېنجۇ ۋوگزالى، شاڭچيۇ ۋوگزالى قاتارلىق پاختا تەرگۈچى ئىشلەمچىلەر بىر قەدەر كۆپرەك توپلاشقان بېكەتلەردە ئۇلار ئۈچۈن مەخسۇس بېلەت سېتىش كۆزنىكى تەسىس قىلىپ ۋە 24 سائەت بېلەت سېتىش مۇلازىمىتىنى يولغا قويۇپ، پاختا تەرگۈچى ئىشلەمچىلەرنىڭ بېلەت سېتىۋېلىش ئېھتىياجىنى قاندۇرغان.