2015–يىللىق جۇڭگو تەكلىماكاننى ئايلىنىش (خەلقئارا) راللى مۇسابىقىسىنىڭ SS3 مۇسابىقە بۆلىكى قۇملۇقتىن بۆسۈپ ئۆتۈش بۆلىكىدىكى خەتەرلىك پەيىتلەر

2015–يىللىق جۇڭگو تەكلىماكاننى ئايلىنىش (خەلقئارا) راللى مۇسابىقىسىنىڭ SS3 مۇسابىقە بۆلىكى مۇسابىقىسى 24 -ئىيۇن قۇمتاغدا ئۆتكۈزۈلدى. مۇسابىقە پىچان ناھىيەسى ئېزىتقۇ مەنزىرە رايونىدىن باشلانغان بولۇپ، پىچان ناھىيەسى قۇمكۆل جامائەت خەۋپسىزلىك تەكشۈرۈش پونكىتىنىڭ غەربىگە تەخمىنەن 2 كىلومېتىر كېلىدىغان جايدا ئاخىرلىشىدۇ، بۇ مۇسابىقە بۆلىكىنىڭ ئومۇمىي ئۇزۇنلۇقى 200 كىلومېتىر بولۇپ، ئالدىنقى يېرىم مۇساپە قۇملۇق يول بۆلىكى، كېيىنكى يېرىم مۇساپە چۆللۈك، دەريا قېنى قاتارلىق يول بۆلەكلىرى بولغاچقا، مۇسابىقە يەر شەكلى ئالدىنقى مۇسابىقىلەرگە سېلىشتۇرغاندا بىر قەدەر مۇرەككەپ، قىيىنلىق دەرىجىسى بىر قەدەر يۇقىرى.
ئىگىلىنىشىچە، قۇمتاغدىكى يۇقىرى تېپمېراتۇرا SS3 مۇسابىقە بۆلىكىنىڭ ئاساسلىق مىلودىيەسى بولۇپ قالغان، مېتېئورولوگىيە ئىستانسىسىنىڭ كۆرسىتىشىچە شۇ كۈنى پىچاندا تېمپېراتۇرا ℃40 بولغان، ئەمما چۆللۈك ۋە قۇملۇقتا تېمپېراتۇرا ئۇنىڭدىنمۇ يۇقىرى بولغان، ھەتتا يۇقىرى تېمپېراتۇرا ℃60 قا يېقىنلىشىپ، ماھىرلارغا نۇرغۇن ئاۋارىچىلىق ئېلىپ كەلگەن.