مۇخبىرنىڭ 23-ئىيۇن شىنجاڭ ئۇيغۇر ئاپتونوم رايونلۇق ئوقۇغۇچى قوبۇل قىلىش ئىشخانىسىدىن ئىگىلىشىچە، ئادەتتىكى ئالىي مەكتەپ ئىمتىھانى بەرگەن ئوقۇغۇچىلار ۋە ئاتا-ئانىلار 24-ئىيۇن سائەت 18:00 دە تور ۋە ئۈندىدار ئارقىلىق نەتىجىسىنى سۈرۈشتۈرسە بولىدىكەن. ھەر قايسى تۈركۈملەرنىڭ ئوقۇغۇچى قوبۇل قىلىشتىكى ئەڭ تۆۋەن نومۇر چېكى 26-ئىيۇن ئېلان قىلىنىدىكەن.
ئىمتىھان بەرگۈچىلەر ۋە ئاتا-ئانىلار ئىمتىھانغا قاتنىشىش كىنىشكىسى نومۇرى ۋە مەخپىي نومۇرى ئارقىلىق تۆۋەندىكى يەتتە تور بەت ۋە ئىككى ئۈندىدار ئارقىلىق نەتىجىسىنى سۈرۈشتۈرسە بولىدىكەن:

شىنجاڭ ئوقۇغۇچى قوبۇل قىلىش ئىشخانىسى تورى (http：//www.xjzk.gov.cn)؛

شىنجاڭ ئۇيغۇر ئاپتونوم رايونلۇق مائارىپ نازارىتى تورى (http：//www.xjedu.gov.cn)؛

شىنجاڭ ئۇيغۇر ئاپتونوم رايونلۇق خەلق ھۆكۈمىتى تورى (http：//www.xinjiang.gov.cn)؛

تەڭرىتاغ تورى (http：//www.ts.cn)؛

شىنجاڭ ئۇيغۇر ئاپتونوم رايونلۇق مائارىپ نازارىتى ئاپتاپ ئوقۇغۇچى قوبۇل قىلىش لىنىيەسى(http：//xjgk.xjedu.gov.cn/)؛

شىنجاڭ رەقەملىك مەكتەپ تورى( http：//xj.cmccedu.net)؛

شىنجاڭ كۆچمە خەۋەرلىشىشىنىڭ «ئىناق تۇرمۇش» تورى (http：//www.wxcs.cn)

ۋە «شىنجاڭ ئوقۇغۇچى قوبۇل قىلىش» ئۈندىدارى(xjzs140304 ) ۋە «شىنجاڭ مائارىپ نازارىتىنىڭ ھۆكۈمەت ئىشلىرى تورى

(新疆教育厅政务网站) قاتارلىقلار.

ئالىي مەكتەپ ئىمتىھان نەتىجىسى ئېلان قىلىنغاندىن كېيىن ئىمتىھان بەرگۈچىلەر نەتىجىسىدىن گۇمانلانسا 25-ئىيۇندىن 30-ئىيۇنغىچە ئۆزلىرى تۇرۇشلۇق ۋىلايەت، ئوبلاست، شەھەرلىك ئوقۇغۇچى قوبۇل قىلىش ئىشخانىسىغا بېرىپ، «2015-يىللىق ئاپتونوم رايونلۇق ئادەتتىكى ئالىي مەكتەپ ئىمتىھانى كارتىسى(قەغىزى)دىكى نەتىجىنى قايتا سېلىشتۇرۇش ئىلتىماس قەغىزى» نى ئېلىپ، بەلگىلىمىدىكى تەلەپ بويىچە نەتىجىسىنى قايتا سېلىشتۇرۇشنى ئىلتىماس قىلسا بولىدىكەن، ئاپتونوم رايونلۇق ئوقۇغۇچى قوبۇل قىلىش ئىشخانىسى ئالاقىدار تارماقلار بىلەن بىرلىكتە شۇ ئوقۇغۇچىنىڭ جاۋاب كارتىسىدىكى ھەر قايسى كىچىك سوئاللاردا باھالاش چۈشۈپ قالغان-قالمىغانلىقىنى ياكى نومۇر جەمئىيلەشنىڭ توغرا بولغان-بولمىغانلىقىنى قايتا تەكشۈرىدىكەن.