مۇتەخەسسىسلەرنىڭ قارىشىچە، ئادەم بەدىنىنىڭ ئەڭ ياخشى ھالەتتە ئەسلىگە كېلىشى ئۈچۈن، مۇۋاپىق ئۇيقۇ تېمپېراتۇرىسى بولۇش زۆرۈر ئىكەن.

ئادەتتە كىشىلەر يوتقان يېپىنماي ياكى ئۇخلاش كىيىمى كىيمەي ئۇخلىغاندا، ئۇيقۇ تېمپېراتۇرىسى ℃30 ～ ℃32، ئۇخلاش كىيىمى كىيىپ ئۇخلىغاندا، ئۆي تېمپېراتۇرىسى ℃16 ～ ℃19، پار بىلەن تەمىنلىنىدىغان پەسىللەردە، ئۆينىڭ ئوتتۇرىچە تېمپېراتۇرىسى ℃22 ～ ℃24 بولسا مۇۋاپىق بولىدىكەن.

تېببىي تەتقىقات نەتىجىسىدىن مەلۇم بولۇشىچە، ئۆينىڭ تېمپېراتۇرىسى ئادەتتە نىسبەتەن تۆۋەنرەك بولغاندا، بەدەندىكى ھورمۇنلارنىڭ ئاجرىلىپ چىقىرىلىشى ئەڭ ياخشى ھالەتكە يېتىدىكەن. بۇنداق ھورمۇنلار ئادەتتە، ئۇيقۇ ھورمۇنلىرى دەپ ئاتىلىدىكەن، ئۇلار بەدەندىكى ئىچكى ئاجرىتىپ چىقىرىش سىستېمىسىنىڭ خىزمىتىنى تەڭشەپ، بەدەننىڭ كېسەلگە قارشى تۇرۇش كۈچىنى ئاشۇرىدىكەن.