6-فېۋرال، ‹‹شىنجاڭنى سۆيۈش، يۇرتنى كېزىش›› شىنجاڭ ساياھەت يىلى كارتىسى مەملىكەت مىقياسىدا رەسمىي تارقىتىلدى، ھەمكارلاشقۇچى تەرەپلەر كېلىشىم ئىمزالىدى

ئۆز خەۋىرىمىز:‹‹شىنجاڭنى سۆيۈش. يۇرتنى كېزىش›› شىنجاڭ ساياھەت يىلى كارتىسى 6-فېۋرال مەملىكەت مىقياسىدا رەسمىي تارقىتىلدى.

ئىگىلىنىشىچە، شىنجاڭ ساياھەت يىلى كارتىسى ‹‹بىر كارتا بىلەن شىنجاڭنى ئايلىنىش›› ئېنىقلىمىسى بويىچە بۇ كارتا ئارقىلىق ھەربىر ئادەم 299 يۈەن بىلەن شىنجاڭ ئىچىدىكى 120 ساياھەت مەنزىرە رايونىغا ھەقسىز كىرەلەيدىكەن. ئۇنىڭدىن باشقا، بىر يىل ئىچىدىكى ھەرقانداق ۋاقىتتا شىنجاڭ ئىچىدىكى 200 گە يېقىن مېھمانساراي، قار تېيلىش مەيدانى، دېھقانلار شاتلىقى ئارامگاھى، ئارشاڭ، ساياھەت بۇيۇملىرىنى سېتىۋېلىش ئورنى قاتارلىق جايلاردا ئېتىبار بېرىشتىن بەھرىمەن بولالايدىكەن.