گوۋۇيۈەننىڭ زۇڭلىسى لى كېچياڭ شۇ يەر ۋاقتى 21-ماي چۈشتىن كېيىن بوگوتادىكى زۇڭتۇڭى مەھكىمىسىدە كولومبىيە زۇڭتۇڭ سانتوس بىلەن سۆھبەتلەشتى.
شىنخۇا تورى، بوگوتا، 21-ماي تېلېگراممىسى: گوۋۇيۈەننىڭ زۇڭلىسى لى كېچياڭ شۇ يەر ۋاقتى 21-ماي چۈشتىن كېيىن بوگوتادىكى زۇڭتۇڭى مەھكىمىسىدە كولومبىيە زۇڭتۇڭ سانتوس بىلەن سۆھبەتلەشتى.
لى كېچياڭ مۇنداق دېدى: جۇڭگو بىلەن كولومبىيەنىڭ ئەنئەنىۋى دوستلۇقى چوڭقۇر، ئىككى دۆلەت خەلقىنىڭ رىشتى تۇتاش. بىز كولومبىيە تەرەپنىڭ ئۇزاق مۇددەت بىر جۇڭگو سىياسىتىدە چىڭ تۇرغانلىقىغا ئاپىرىن ئېيتىمىز، شۇنداقلا يەنە كولومبىيەنىڭ دۆلەت ئىچى تىنچلىق مۇساپىسىنى قەتئىي قوللايمىز. جۇڭگو تەرەپ كولومبىيە تەرەپ بىلەن ئىككى دۆلەت دىپلوماتىك مۇناسىۋەت ئورناتقانلىقىنىڭ 35 يىللىقىنى يېڭى باشلىنىش نۇقتىسى دەپ بىلىپ، سىياسىي جەھەتتىكى ئۆزئارا ئىشىنىشنى ئىلگىرى سۈرۈپ، ئەمەلىي ھەمكارلىقنى كۈچەيتىپ، ئادىمىيەت ئالماشتۇرۇشىنى كېڭەيتىپ، خەلقئارا ۋە رايون ئىشلىرىدىكى ماسلىشىش ۋە چۈشىنىشنى قويۇقلاشتۇرۇپ، جۇڭگو-كولومبىيە دوستلۇقىنىڭ يېڭى سەھىپىسىنى بىرلىكتە يېزىپ، ئىككى دۆلەت خەلقىگە بەخت ئاتا قىلىشنى خالايدۇ.
سۆھبەتتىن كېيىن، ئىككى دۆلەت رەھبەرلىرى ئىككى تەرەپنىڭ ئىقتىساد-سودا، ئىشلەپچىقىرىش ئىقتىدارى، ئۇل ئەسلىھەلەر قۇرۇلۇشى، مەدەنىيەت، ماارىپ، پەن-تېخنىكا، دېھقانچىلىق، پۇل مۇئامىلە قاتارلىق ساھەلەردىكى ھەمكارلىق ھۆججەتلىرىنىڭ ئىمزالىنىشىغا شاھىت بولدى. ئىككى تەرە يەنە جۇڭگو-كولومبىيە ھۆكۈمەتلىرىنىڭ بىرلەشمە باياناتىنى ئېلان قىلدى.