دۇنيا كۇلۇبلار لوڭقىسىنىڭ يىرىم ھەل قىلغۇچ مۇسابىقىسىدە خېڭدا كوماندىسى  بارسېلونا كوماندىسىغا ئۇتتۇرۇپ قويدى. گەرچە ئۇتتۇرغان بولسىمۇ ھۆرمەتكە سازاۋەر  بولدى. گۇاڭدۇڭ ئۆلكىسىنىڭ چىڭ يۈەندىكى خېڭدا پۇتبول مەكتىپىدىكى بارلىق  ئوقۇغۇچىلارمۇ بۇ مۇسابىقىنى كۆردى.

     ئىسپانىيەنىڭ «ماكا گىزىتى» خېڭدا  پۇتبول تەربىيلەش مەكتىپىگە بېرىپ ئوقۇغۇچىلارنى زىيارەت قىلدى. سۇئارىز ئۈچ توپ  ئۇرۇپ، خېڭدا كوماندىسى ئۇتتۇرغاندىن كېيىن بۇ كىچىك پۇتبۇل مايسىلىرى قاتتىق  ئۈمىدىسزلەندى لېكىن ئۇلار زىيارەتنى قوبۇل قىلغان چاغدا ئۆزلىرىنىڭ كەلگۈسىدە  بارسېلونادىن ئىنتىقام ئىلىشتەك ئارزۇسىنى بىلدۈردى.

    ماكا گېزىتى بىر  ئوقۇغۇچىنى زىيارەت قىلغاندا ئۇ «يەنە بىر نەچچە يىلدىن كېيىن مەن خېڭدا بىلەن  بارسېلونانىڭ مۇسابىقە ئوينىشىنى ئۈمىد قىلىمەن ھەمدە مۇشۇ مۇسابىقىگە قاتنىشىپ  بارسېلونا كوماندىسىدىن ئىنتىقام ئىلىشنى ئويلايمەن» دېدى ھەمدە ئارقىدىن ئۇلاپلا  «مەن ھازىر ئۇخلايمەن، ئويغانغاندىن كېيىن تېخىمۇ تىرىشىپ مەشىق قىلىمەن، كەلگۈسىدە  چوقۇم كەسپىي پۇتبولچى بولىمەن ھەمدە خېڭدا كوماندىسى ئۈچۈن ئىنتىقام ئالىمەن» دەپ  ئىرادە بىلدۈردى.

   قىزىقارلىق يىرى شۇ يەردىكى خېڭدا پۇتبول تەربىلەش مەكتىپىنى  خان جەمەتى مادرىد كوماندىسى ھەمكارلىشىپ قۇرغان بولۇپ، بۇ يەردىكى كۆپ ساندىكى  ئوقۇغۇچىلار مادرىد كوماندىسىنىڭ مەستانىسى، ئاز ساندىكى ئوقۇغۇچىلار بارسېلونا  كوماندىسىنىڭ مەستانىسى ئىكەن. قارىغاندا بۇلار خېڭدا بىلەن مادرىدنىڭ ئۆچىنى  بىراقلا ئالىدىغان ئوخشايدۇ.