ياۋروپا ئۇزغۇنلۇقىنى تالىشىش تۆت كۈچلۈككە كىرىش مۇسابىقىسىنىڭ ھەممە مۇسابىقىلىرى ئۆتكۈزۈلۈپ بولدى. ھەمدە ياۋروپا ئۇزغۇنلۇقىدىكى تۆت كۈچلۈك كوماندا مەيدانغا كەلدى. قېنى بىز بۇ تۆت كوماندىنىڭ قايسىلار ئىكەنلىكىنى كۆرۈپ باقايلى.

1. ئىسپانىيە ئا دەرىجىلىكلەر بىرلەشمىسىدىن خان مادرىد كۇلۇبى ( ئومۇمىي نومۇر 3-2 نەتىجە بىلەن گېرمانىيە ئا دەرىجىلىكلەر بىرلەشمىسىدىن دورتمۇند كۇلۇبىنى مەغلۇپ قىلىپ تۆت كۈچلۈككە كىرگەن.)

2. ئېنگىلاند دەرىجىدىن تاشقىرى بىرلەشمىسىدىن چېلسىي كۇلۇبى (ئومۇمىي نومۇر 3-3 ، بىراق مېھمان كوماندىدا كىرگۈزگەن توپ كۆپ بولۇش ئارتۇقچىلىقى بىلەن فىرانسىيە ئا دەرىجىلىكلەر بىرلەشمىسىدىن پارىژ سانت گېرمان كۇلۇبىنى مەغلۇپ قىلىپ تۆت كۈچلۈككە كىرگەن.-- ئەسكەرتمە: مېھمان مەيداندا كۆپ توپ كىرگۈزۈش ئارتۇقچىلىقى دېگىنىمىز بولسا مەسىلەن خان مادرىد كۇلۇبى ئۆز مەيدانىدا 0-1 نەتىجە بىلەن بايرىن مىيۇنخېن كۇلۇبىغا ئۇتتۇرۇپ قويغان بولسا، بىراق ئىككىنچى قېتىملىق ئۇچرىشىشتا بايرىن مىيۇنخېن كۇلۇبىنىڭ مەيدانىدا 2-1 نەتىجە بىلەن ئۇتۇۋالسا ئومۇمىي نەتىجە 2-2 بولىدۇ. بىراق خان مادرىد كۇلۇبى قارشى تەرەپ مەيدانىدا ئىككى توپ كىرگۈزدى. بايرىن مىيۇنخېن كۇلۇبى قارشى تەرەپ مەيدانىدا بىر توپ ئۆز مەيدانىدا بىر توپ كىرگۈزدى. دېمەك خان مادرىدنىڭ مېھمان مەيداندا كىرگۈزگەن توپى كۆپ، شۇڭا بۇ مۇسابىقىدە خان مادرىد ئۇتقات بولىدۇ. خۇددى ئۆتكەن پەسىللىك گۇاڭجۇ خېڭدا كۇلۇبىنىڭ ئاسىيا ئۇزغۇنلۇقىنى تالىشىش مۇسابىقىسىدە تەڭلىشىپ قېلىپمۇ چېمپىيۇنلۇققا ئېرىشكىنىگە ئوخشاش ئىش.)

3. ئىسپانىيە ئا دەرىجىلىكلەر بىرلەشمىسىدىن مادرىد رىقابەت كۇلۇبى( ئومۇمىي نومۇر 2-1 نەتىجە بىلەن ئىسپانىيە ئا دەرىجىلىكلەر بىرلەشمىسىدىن بارسېلونا كۇلۇبىنى مەغلۇپ قىلىپ تۆت كۈچلۈككە كىرگەن.)

4. گېرمانىيە ئا دەرىجىلىكلەر بىرلەشمىسىدىن بايرىن مىيۇنخېن كۇلۇبى ( ئومۇمىي نومۇر 4-2 نەتىجە بىلەن ئېنگىلاند دەرىجىدىن تاشقىرى بىرلەشمىسىدىن مانچىستىر بىرلەشمە كۇلۇبىنى مەغلۇپ قىلىپ تۆت كۈچلۈككە كىرگەن.

بېيجىڭ ۋاقتى 4-ئاينىڭ 11-كۈنى جۈمە كەچ سائەت 18:00 دە ياۋروپا پۇتبولچىلار جەمئىيىتى شىۋىتسارىيەدە ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ يېرىم ھەل قىلغۇچ مۇسابىقىسىنىڭ چەك تارتىش مۇراسىمى ئۆتكۈزىدۇ.

يېرىم ھەل قىلغۇچ مۇسابىقىنىڭ تۇنجى مەيدان ئۇچرىشىشى 4-ئاينىڭ 23-كۈنى ۋە 24-كۈنى سەھەردە ئېلىپ بېرىلىدۇ. ئىككىنچى قېتىملىق ئۇچرىشىشى 4-ئاينىڭ 30-كۈنى ۋە 5-ئاينىڭ 1-كۈنى سەھەردە ئېىپ بېرىلىدۇ.

پۇتبول تورى خەۋىرى، لەگلەك تورى تەرجىمىسى

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK