شىنخۇا تورى ، بېيجىڭ ، 4-دېكابىر تېلېگراممىسى : گوۋۇيۈەن زۇڭلىسى لى كېچياڭ 4-دېكابىر چۈشتىن بۇرۇن ‹‹خەلق›› سارىيىدا جەنۇبىي ئافرىقا زۇڭتۇڭى زۇما بىلەن كۆرۈشتى .

لى كېچياڭ مۇنۇلارنى بىلدۈردى : جۇڭگو بىلەن جەنۇبىي ئافرىقا يېڭىدىن گۈللەنگەن بازار دۆلىتى ، ئىككى دۆلەت تەرەققىياتتا بىر-بىرىنى ئۆزئارا پۇرسەت بىلەن تەمىنلەيدۇ .رەئىس شى جىنپىڭنىڭ سىز بىلەن بولغان مۇۋەپپەقىيەتلىك سۆھبىتى ئىككى تەرەپ مۇناسىۋىتىنىڭ تەرەققىياتىنى كۈچلۈك ئىلگىرى سۈرىدۇ . جۇڭگو تەرەپ جەنۇبىي ئافرىقا تەرەپ بىلەن سىياسىي جەھەتتىكى ئۆزئارا ئىشىنىشنى مۇستەھكەملەپ ، ئۆزئارا تولۇقلاشچانلىققا ئىگە ئەۋزەللىكلەرنى جارى قىلدۇرۇپ ، ئۆزئارا نەپ يەتكۈزۈش تىپىدىكى ھەمكارلىقنى قانات يايدۇرۇپ ، جۇڭگو-جەنۇبىي ئافرىقا مۇناسىۋىتىنى ئوبدان تەرەققىي قىلدۇرۇپ ، ئىككى دۆلەت خەلقىگە بەخت يارىتىشنى خالايدۇ .