مىسىر ھۆكۈمەت تەرەپ ئاگېنتىلىقى بولغان ئوتتۇرا شەرق ئاگېنتىلىقىنىڭ 7-سىنتەبىر ئەدلىيە تارمىقىنىڭ بىر ئەمەلدارىنىڭ سۆزىنى نەقىل كەلتۈرۈپ خەۋەر قىلىشىچە: مىسىرنىڭ سابىق پىرېزىدېنتى مورسى قاتارغا دۆلەتنىڭ بىخەتەرلىك مەخپىيەتلىكىنى ئاشكارىلىغانلىقى ئۈچۈن ئۆلۈمگە ھۆكۈم قىلىنىشى مۇمكىنكەن.

مىسىر تەپتىش تەرەپ 6-سىنتەبىر مورسى ئۈستىدە شىكايەت قىلىپ، ئۇنى پىرېزىدېنت بولغان مەزگىلدە، مۇسۇلمان قېرىنداشلار ئۇيۇشمىسىنىڭ كۆرسەتمىسى ئارقىسىدا، دۆلەتنىڭ بىخەتەرلىك ئۇچۇرى بولغان ھۆججەتنى قاتار ئاخبارات تارمىقىغا ۋە باش ئورگىنى قاتارنىڭ پايتەختى دەۋھەدە تەسىس قىلىنغان يېرىم ئارال تېلېۋىزىيە ئىستانسىسىغا ئاشكارلىغان، بۇ ھۆججەتلەرنىڭ مەزمۇنى مىسىر ئارمىيەسىنىڭ ئورۇنلاشتۇرۇلۇش ئەھۋالى، قۇرال جابدۇق ئەھۋالى، دۆلەتنىڭ ئاخبارات ئورگىنى، دۆلەت بىخەتەرلىك ئورگىنى قاتارلىق تارماقلار ئېلان قىلغان مەخپىي دوكلاتلارنى ئۆز ئىچىگە ئالىدىكەن.