ئەنگلىيەدىكى نۇرغۇن مەكتەپ كۆپ قېتىم كېچىكىپ قالغانلارنىڭ ئاتا-ئانىسىدىن 60 فوندىستېرلىڭ جەرىمانە ئالغان
ئەنگلىيەنىڭ ھەر قايسى جايلىرىدىكى يەرلىك پارلامېنتلار ئاتا-ئانىلارغا بالىلىرى دەرىسكە كېچىكىپ قالسا جەرىمانە تۆلەيدىغانلىقىنى ئاگاھلاندۇرغان، 21 كۈن ئىچىدە جەرىمانىنى تۆلىمىسە، جەرىمانە سوممىسى بىر ھەسسە قاتلىنىدىكەن، ئاتا -ئانىلار جەرىمانە تۆلەشنى رەت قىلسا تۈرمىدە يېتىشىمۇ مۇمكىن ئىكەن. بىر يەرلىك پارلامېنت كېچىككەنلەرنى چارلاش ئەترىتى تەسىس قىلغان، بۇ ئەترەت بالىلارنى مەكتەپكە ۋاقتىدا ئېلىپ كەلمىگەن ئاتا-ئانىلارنىڭ ئالدىنى توسۇپ، ئۇلارنى سوراق قىلىدىكەن.
ئەنگىليەدىكى 500گە يېقىن ئوتتۇرا، باشلانغۇچ مەكتەپ ئاتا-ئانىلارغا خەت يېزىپ، مۇناسىۋەتلىك سىياسەتلەرنى ئۇقتۇرۇپ، ئوقۇغۇچىلار بىر مەۋسۇمدە ئون قېتىمدىن ئارتۇق كېچىكسە، ئاتا-ئانىسىغا 60 فۇندىستېرلىڭ جەرىمانە قويۇلىدىغانلىقىنى ئۇقتۇرغان.
لوندون ئىسلىنگتون رايونى ئۆتكەن ئايدا مەكتەپلەرگە تارقاتقان قوللانمىدا ئوقۇغۇچىلار ئالتە ھەپتىدە 12 قېتىمدىن ئارتۇق كېچىككەن بولسا، ئاتا-ئانىلارغا جەرىمانە قويۇلىدۇ، دېيىلگەن. قوللانمىدا يەنە، كېچىكىش باشقىلارنىڭ ئۆگىنىشىگە تەسىر يەتكۈزىدۇ، شۇنداقلا قالايمىقانچىلىق كەلتۈرۈپ چىقىرىدۇ، دېيىلگەن.