بەيدۇ تورىنىڭ 4-ئاينىڭ 1-كۈنىدىكى خەۋىرىدە مۇنداق بىر  ئېچىنىشلىق  ئىش ھېكايە قىلىندى:

ۋۇچىننىڭ غەربىي شىمالىدىكى تۇرالغۇ بىناسىدىكى بىر ئائىلىنىڭ بالكونىدا ، بىر ئوتتۇرا ياش ئەر ، ئوغۇل بالىنى يەرگە يىقىتىپ چېچىنى تارتتى ۋە بالكوننىڭ بىر بېشىدىن يەنە بىر بېشىغا سۆرەپ ئەكىلىپ ، بالىنى بالكونغا ئۈستۈردى....بۇنداق ئىش ئۆتكەن يىلدا داۋاملىق يۈز بېرىپ تۇرغان ئىدى. شەھەر ئاھالىسىنىڭ ئىنكاسىنى قۇبۇل قىلغاندىن كېيىن، 3-ئاينىڭ 30-كۈنى چۈش سائەت 12:00دىن كەچ سائەت 8:00كىچە، مۇخبىر ئۇدۇلدىكى ئۆينىڭ دېرىزىسىدىن بۇ ئۆينى كۆزەتتى بۇ سەككىز سائەت ئىچىدە ، بۇ ئوتتۇرا ياش ئەر بالىنى بالكوندا ئالدى-كەينى بۇلۇپ 17 قېتىم قاتتىق ئۇرغان. سۈرەتتىكى بۇ كۆرىنىشتىمۇ دادا ئوغلىنى كارىدوردا ئۇرىۋاتقان ئىدى.

‹ مەن ئەزەلدىن بىر دادىنىڭ ئوغلىنى بۇنداق ،شاپىلاق ، مۇشت، تېپىش ، ئىتتىرىشلەر بىلەن ئۇرغىنىنى كۆرۈپ باقمىغان، ›. شۈ ئەپەندى ياڭ ياڭنىڭ ئۆيىنىڭ ئۇدۇلىدا ئولتۇرىدىغان بۇلۇپ ، ئۇ مۇنداق دېدى:‹ مەن داۋاملىق بۇ بالىنىڭ دادىسى تەرىپىدىن ئۇرۇلىۋاتقانلىقىنى كۆرىمەن، بەزىدە بىركۈندە نەچچە قېتىم ئۇرىدۇ . ئىشتاننىڭ كەمىرى بىلەن، كالتەك بىلەن ، كىيىم ئاسقۇچ بىلەن، ئىشقىلىپ قولىغا نېما چىقسا شۇنىڭ بىلەن ئۇرىدۇ، بىر قېتىم كىيىم ئاسقۇچ بىلەن ئۇرۇپ ، كىيىم ئاسقۇچنىمۇ سۇندۇرىۋەتكەن. › دېدى.

دەسلىپىدە، بالا دادىسى تەرىپىدىن ئۇرۇلغان چاغدا ، ئۇ ئۈنلۈك ئاۋازدا يىغلاپ كېتەتتى ، بىراق ھازىر مەيلى قانچىلىك تاياق يېسۇن يىغلىمايدىغان بولدى، ئۇزۇن مەزگىل ئۇدۇلىدا ئۆي ئىجارە ئېلىپ ئولتۇرىۋاتقان، خەن ئەپەندىمۇ گۇۋاھلىق بېرىپ :‹ بىر ھەپتىدە ئەڭ ئاز بۇلۇپ قالغاندا بالىنى ئۈچ قېتىم ئۇرىدۇ ، بۇ دادا ئۇرغاندا قولى بەك قاتتىق،ئىشلەتكەن ئۇسۇللىرىمۇ بەك ناچار › دېدى.30-چىسىلا چۈشتە، مۇخبىر ياڭ ياڭنىڭ ئۆيىنىڭ ئۇدۇلىدىكى مېھمانخانىغا كېلىپ كۆزەتتى ، 8 سائەتتە ، ياڭ ياڭ دادىسى تەرىپىدىن 17 قېتىم ئۇرۇلدى.

چۈش سەئەت 12:17 ئۆتكەندە، ياڭ ياڭنىڭ دادىسى بىر ئاق رەڭلىك كوپتا كيىۋېلىپ بالكوندا پەيدا بولدى. ئۇنىڭ كەيپىياتى بەكلا جىددىي ئىدى، ئۇ بالكونغا چىقىشتىن بۇرۇنلا ياڭ ياڭنى بىر شاپىلاق ئۇرغان ئىكەن. 12:19 ئۆتكەندە، ئۇ ياڭ ياڭنىڭ بېشىدىن تۇتىۋېلىپ تامغا ئۈستۈردى، 12:49 ئۆتكەندە ، ئۇ تاماكىنى چىشلىۋالغان ھالەتتە يەنە بالكوندا پەيدا بولدى، ئۇ يەنە ياڭ ياڭنى بىر شاپىلاق ئۇردى، ئۇ ئۇرۇپ بۇلۇپ ئۆيگە كىرىپ كېتىپ بىر مىنوتتىن كېيىنلا يەنەچىقىپ ، ياڭياڭنىڭ يۈزىنى تۇتىۋېلىپ سۆرەپ بالكوننى بىر ئايلاندۇرۇپ چىقتى، چۈشتىنكېيىن بىر بولغاندا ، ئەر بالكوندىكى خۇرم ئايىقىنى ئېلىپ ، كاستىيومىنى كىيىپ ، ئولتۇراق رايوندىكى بىر شاھماتخانىغا كىرىپ شاھمات ئوينىدى ، چۈشتىن كېيىن سائەت6:00 ياڭ ياڭنىڭ دادىسى بىر ئايالنى ئۆيگە باشلاپ كېلىپ ، تاماق ئېتىشكە باشلىدى. 6:08 ئۆتكەندە ئەر قولىدىكى پىچاقنى كۆتۈرگىنىچە بالكونغا چىقىپ ، ياڭ ياڭنى تىللىدى ۋە ئۇنى تېپىپ يەرگە يىقىتىۋەتتى، كەينىدىنلا بىللە كىرگەن ئايال چىقىپ ، ياڭ ياڭنى قاتتىق قىلىپ تۆت شاپىلاق ئۇردى، ياڭ ياڭ تاياق زەربىسىدىن يىقىلىپ كەتكەندەك قىلاتتى، كەچ سائەت7:17 ئۆتكەندە ، ئەر يەنە بالكوندا ياڭ ياڭنى توققۇز قېتىم شاپىلاق بىلەن ئۇردى، ۋە ئۇنى ئۆي ئىچىگە ئېلىپ كىردى، ئۆي ئىچىدە بۇ دادا بىر مېتىرچە ئۇزۇنلۇقتىكى بىر كالتەكنى تېپىۋېلىپ، ياڭ ياڭنى يەنە ئۇردى ۋە:‹ ھېچكىم ساڭا ھېسداشلىق قىلمايدۇ ، سەن تېزراق ئۆل› دەپ ۋاقىرىدى.

پۈتۈن بىر چۈشتىن كېيىن ياڭ ياڭ بالكوندىن بىر قەدەممۇ ئايرىلمىدى، كۆپىنچە ۋاقىتتا بۇلسا ئۇ بالكوندا كەينىنى قىلىپ ، ناھايتى تۈ ھالەتتە تۇردى، بەزىدە سىرىتقا بۇيۇنداپ قاراپمۇ قۇياتتى، ياڭ ياڭنىڭ دادىسى ھېلىق ئايال بىلەن تاماق ئېتىپمۇ ئۇنى چاقىرمىدى، ئۇلار تاماق يەۋاتقاندا ، ياڭ ياڭ يەنىلا كارىدوردا ئۆرە تۇرىۋاتقان ئىدى، ياڭ ياڭ ئاشخانىدىن بىر نەرسە ئىزدىمەكچى بۇلىۋېدى ، ئىشخانا ئىشىكى يېپىلدى ، بىراق بىز ئۇنىڭ ئۆيگە كىرىپ يەيدىغان يېمەكلىك تاپقان تاپمىغانلىقىنى بىلمەيمىز ، كەچ سائەت 8:20 ئۆتكەندە ياڭ ياڭ يەنە بالكونغا چىقتى دە ، سوغۇق يەر يۈزىگە مەيدىسىنى يېقىپ يېتىپ ، ئۇخلاشقا باشلىدى. ياڭ ياڭنىڭ ئۆيى بىر ئورتاق ئىجارىگە ئالغان ئۆي بۇلۇپ ، دادىسى بىلەن ‹ ھەدىسى› ئارىسىدىكى بىر ھۇجرىدا تۇراتتى، بۇ ئۆينىڭ بالونى بار بۇلۇپ ،ئۈستى ئۇچۇق ئىدى، بالكونغا بىر ئەسكى كارىۋات قۇيۇلغان ، ئەسكى تۈسكىلەر ئەتراپىغا دۆۋىلەنگەن، ئەگەر ياڭ ياڭ مۇشۇ كارىۋاتنىڭ بىر بۇلىڭىدا ئولتۇرالىغان بولسا ئىدى ، بۇ ئۇنىڭ ئۈچۈن بەخىت ئىدى. ئۇنىڭ يۈزى ئىشىغان ، قان ئىزلىرى قېتىپ قالغان ھالەتتىلا تۇراتتى،ئۇنىڭ پۇتى ، بىلىكى ، دۈمىسى ، پاقالچىكى ...ئىشقىلىپ ھەممىلا يېرىدە يارا ئىزى بار .

ساقچىلار ئەھۋالنى تەكشۈرگەندىن كېيىن سورىدى:‹ بۇ ئىزلار قانداق پەيدا بولدى ، نېمە بىلەن ئۇردى؟›. ياڭ ياڭ‹ كىيىم جاھازىسى بىلەن› دېدى. ئۇ 2011-يىلى چېڭدۇغا كەلگەن بۇلۇپ ، دادىسىنىڭ ئىجارىگە ئالغان ئۆيى كىچىك بولغاچقا، بالكوندا تۇرۇشقا مەجبۇر بولغان، ئۇ بىر يىل ئالدىدا ئۇقۇشتىن چېكىنگەندىن كېيىن، ئۆيدىن ئاساسەن چىقىپ باقمىغان. ھەر كۈنى ئىككى ۋاق تاماق بېرىلگەن، يەنى ئەتىگەنلىك ۋە كەچلىك تاماق، ساقچىلار ياڭ ياڭدىن :-داداڭ سېنى دائىم ئۇرامدۇ ؟ دەپ سورىغاندا، ياڭ ياڭ ، ‹ ياق ، مەنىاتالىق ئۆتكۈزسەم ئۇرىدۇ ، دېگەن. بىر قېتىم ئۆزىنىڭ چۆپ پۇشۇرۇپ ، ئۆيدىكى خام كۆكتاتنى يەۋەتكەنلىكى شۇ سەۋەپتىن دادىسى ئۇنى ئۇرغانلىقىنى دېگەن.

بۇ قېتىم تەكشۈرۈپ ئېنىقلىنىشىچە، ئۇنىڭ بىر كۈندىكى 8 سائەتتە 17 قېتىم ئۇرۇلىشىنىڭ سەۋەبى ، ئورتاق ئىقارىەە ئېلىنغان ئۆيدىكى قوشنىسىنىڭ 6 دانە كولىباساسىنى ئوغۇرلىغانلىقى ئۈچۈن ئىكەن. ئۇنى نېمىشقا ئوغۇرلۇق قىلدىڭ دەپ سورالغاندا‹ چۈنكى مېنىڭ قورسىقىم بەك ئاچتى› دېگەن.

بۇ دىلونىڭ كەينىگە قانداق ھېكايە يۇشۇرۇنغان؟ نۆۋەتتە بۇ دىلو داۋاملىق تەكشۈرلىۋاتىدۇ، يەكشۈرۈش نەتىجىسى چىققاندىن كېيىن داۋاملىق خەۋەر بېرىلىدۇ. 

 لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK