دۇنيا ئىقتىسادىنىڭ ئەسلىگە كېلىش يولى جاپالىق ئەگرى-توقاي، ئاساسلىق ئىقتىسادى گەۋدىلەرنىڭ تەرەققىيات يۈزلىنىشى پارچىلاندى، جۇڭگو ئىقتىسادىنىڭ تۆۋەنلەش بېسىمى داۋاملىق زورايماقتا. نۇرغۇن قېيىنچىلىق ۋە خىرىس ئۆز-ئارا باغلىنىشلىق، جۇڭگو ئىقتىسادى يېڭى تۇراقلىق ھالەتكە كىردى. مۇشۇنداق ئارقا-كۆرۈنۈشتە، جۇڭگونىڭ تەرەققىيات يۈزلىنىشى قانداق بولىدۇ؟ جۇڭگونىڭ ئىقتىسادى ئىستىقبالى قانداق؟ مەيلى چەتئەللەردىكى ھەر ساھە زاتلىرى، ياكى ئاساسلىق تاراتقۇلار بولسۇن، ھەممىسى بۇ مەسىلىگە جاۋاب ئىزدەشنى ھەقىقىي ئۈمىد قىلماقتا.

2015-يىلى ئىچكى ئىشلەپچىقىرىش ئومۇمىي قىممىتىنىڭ مۆلچەرى ئېشىشى %7ئەتراپىدا بولىدۇ، گوۋۇيۈەن زۇڭلىسى لى كىچىياڭ بۇ يىل ھۆكۈمەت خىزمىتىدىن دوكلات بەرگەندە، بۇ ساننى تىلغا ئىلىپ، خەلقئارا جەمئىيەتنىڭ يېڭى تۇراقلىق ھالەتتە جۇڭگو ئىقتىسادىنىڭ سۈپەتلىك ئۈنۈملۈك دەرىجىسىنى ئۆستۈرۈش يۈزلىنىشىگە بولغان تونۇشىنى چوڭقۇرلاشتۇرۇپ، مۇقىملىق ئىچىدە ئىلگىرلەۋاتقان تەرەققىيات ئىستراتىگىيەسى جۇڭگو ئىقتىسادىنىڭ ئىمكانىيەتلىك سىجىل تەرەققىي قىلىشىغا ھەققىي كاپالەتلىك قىلىدۇ ھەمدە يەر شارىغا پايدا يەتكۈزىدۇ، دەپ ھېسابلىدى. ئامېرىكا چىكاكو يەر شارى ئىشلىرى كومىتېتىنىڭ يەر شارى ئىقتىسادى ئالى تەتقىقاتچىسى فىلىپ لىۋ مۇنداق دەپ ھېسابلىدى: بىر مەزگىل تېز سۈرئەتتە ئېشىشنى باشتىن كەچۈرگەندىن كېيىن، جۇڭگو ئىقتىسادنىڭ ئېشىش ئەندىزىسىنى تۆۋەن تەننەرخلىق ئىشلەپچىقىرىشتىن يېڭىلىق يارىتىش ئىشلەپچىقىرىشىغا ئۆزگەرتىش، مەبلەغ سېلىش تۈرتكە بولۇش تىپىدىن ئىستىمالغا تۈرتكە بولۇش تىپىغا ئۆزگەرتىش، ھۆكۈمەت يىتەكچىلىك قىلىشنى بازار يىتەكچىلىك قىلىشقا ئۆزگەرتىش كېرەك.

نۆۋەتتە جۇڭگو ئىقتىسادى بۇرۇلۇش مەزگىلىدە تۈرماقتا، شۇنىڭ بىلەن بىر ۋاقىتتا يەنە ئەمگەك يېشىدىكى نوپۇس ئازلاش، ئىشلەپچىقىرىش ئىقتىدارى ئارتىپ كېتىش، يەرلىك ھۆكۈمەت قەرز خېيىم-خەتىرى قاتارلىق خىرسلارغا دۇچ كەلمەكتە. خەلقئارا جەمئىيەت ئومۇميۈزلۈك ئاكتىپ پوزتسىيە بىلەن جۇڭگوغا ئىشەنچ باغلىدى. ئامېرىكا جون خوپكىنىس ئۇنىۋېرستېتىنىڭ خەلقئارا مەسىلىلەر بويىچە ئالى دەرىجىلىك تەتقىقاتچىسى، پىروففىسور بوتتىلىېر مۇنداق دېدى: ھۆكۈمەت خىزمىتىدىن بېرىلگەن دوكلات مېنىڭ جۇڭگونىڭ تەرەققىيات ئىستىقبالىغا بولغان ئىشەنچىمنى ئاشۇردى، چۈنكى جۇڭگونىڭ رەھبەرلىك قاتلىمى جاپالىق ئىقتىسادى بۇرۇلۇشقا قەتئىي بۇشاشماستىن تۈرتكە بولماقتا.

ئىككى يىغىن ئارقىلىق، خەلقئارا جەمئىيەتتىكى ئەربابلار شۇنى تونۇپ يەتتىكى، دۇنياغا نىسپەتەن ئېيتقاندا، كەلگۈسىدىكى جۇڭگو ئىقتىسادى قاتارلىقلار يەنىلا ناھايىتى ئىجابى ئامىلكەن. سىنگاپورلىق مۇتەخەسسلەر مۇنداق دەپ ھېسابلىدى: جۇڭگو يىپەك يولى ئىقتىساد بەلبېغى ۋە 21-ئەسىر دېڭىز يىپەك يولى قۇرۇلۇشىغا زور كۈچ بىلەن تۈرتكە بولۇپ، لىنىيە بويىدىكى دۆلەتلەرنىڭ ئۇل ئەسلىھەسى ۋە ئالاقىنى راۋانلاندۇرۇش سەۋىيەسىنى ئۆستۈرىدۇ، بۇ لىنىيە بويىدىكى دۆلەتلەرنىڭ خەلقئارا رىقابەت كۈچى ۋە شۇ يەردىكى ئاھالىلەرنىڭ تۇرمۇش سەۋىيەسىنى ئۆستۈرۈشكە پايدىلىق.