جۇڭگو ئاخبارات تورى 21- مارت خەۋىرى: باغداش تورىدىن: ئابلىمىت تەرجىمىسى

ئىراننىڭ ئەڭ ئالىي رەھبىرى ھامىنەيى 21- مارت ئامېرىكىنىڭ ئىرانغا قارىتىلغان جازالاشنى بېكار قىلىشقا مۇناسىۋەتلىك كېلىشىم مەزمۇنىغا ئەمەل قىلمىغانلىقىنى ئەيىبلىگەن.

ھامىنەيى مۇنۇلارنى كۆرسەتكەن: ئىلگىرى ئالتە دۆلەت ئىمزالىغان كېلىشىمىگە ئاساسەن، ئىران ئاللىقاچان قەغەز يۈزىدە ئىرانغا قاراتقان جازالاش تەدبىرلىرىنى ئەمەلدىن قالدۇردى، ئەمما ئامېرىكا ئەگىپ ئۆتۈپ كېتىش ئۇسۇلىنى ئىشلىتىپ، نەيرەڭۋازلىق قىلىپ، ئىراننىڭ ئۆز نىشانىغا يېتىشىنى توسماقتا.

ھامىنەيى يەنە مۇنۇلارنى تەكىتلىگەن: ئامېرىكىنىڭ غەربتىكى ئىتتىپاقداشلىرى يەنىلا ئىران بىلەن باردى-كەلدى قىلىشتىن قورقىدۇ. ئىران بەزى غەرب ئەللىرىنىڭ بانكىلىرى بىلەن سودا قىلغاندا مەسىلىگە يولۇقتى، تەكشۈرۈش ئارقىلىق ئۇلارنىڭ ئەسلىدە ئامېرىكىدىن قورقىدىغان كىشىلەر ئىكەنلىكىنى بايقىدۇ.

1- ئاينىڭ 16- كۈنى ئامېرىكا ئىرانغا قارىتىلغان يادرو كېلىشىمىگە مۇناسىۋەتلىك جازالاش تەدبىرىنى ئەمەلدىن قالدۇرغانلىقىنى جاكارلىغان. ئەمما بىر كۈن ئۆتە-ئۆتمەيلا ئامېرىكا ئىرانغا يەنە يېڭى جازالاش تەدبىرى قوللىنىدىغانلىقىنى جاكارلاپ، ئىراننىڭ باللىستىك باشقۇرۇلىدىغان بومبا پىلانىنى قوللىغان 11 كارخانا ۋە نۇرغۇن كىشىلەرنى ئامېرىكىنىڭ جازلاش قارا تىزملىكىگە كىرگۈزدى.