ۋىنسۇئېلا زۇڭتۇڭى مادۇرو بىلەن ئامېرىكا زۇڭتۇڭى ئوباما 11-ئاپرىل ئامېرىكا قىتئەسى باشلىقلار يىغىنى مەزگىلىدە يېپىق سۆزلەشتى. بۇ سىرتتىكىلەرنىڭ ئىككى دۆلەت مۇناسىۋىتىنى ياخىشلاشقا ئۈمىد تۇغدۇردى. ئەمما تەھلىلچىلەر مۇنداق دەپ كۆرسەتتى: ۋىنسۇئېلا بىلەن ئامېرىكىنىڭ ئېختىلاپىنى بىر مەزگىل ئىچىدە ئەسلىگە كەلتۈرۈش تەس، ئىككى تەرەپلىك مۇناسىۋەتنى قىسقا ۋاقىت ئىچىدە ياخشىلاش قېيىن. مادۇرۇ ئوباما سۆھبىتى نەچچە مىنۇتلا داۋاملاشتى. ئىككى تەرەپ بەك كۆپ مەزمۇنلارنى ئاشكارلىمىدى. ۋىنسۇئېلا: «سۆھبەت بىر-بىرىنى ھۆرمەت قىلغان، دوستانە، سەمىمىي كەيپىيات ئىچىدە ئېلىپ بېرىلدى»، دېدى. ئاق ساراي مۇنداق دېدى: ئوباما ئۇچرىشىشتا ئامېرىكىنىڭ ۋىنسۇئېلانىڭ ئىچكى قىسمىدىكى تىنچلىق سۆزلىشىشنى قەتئىي قوللايدىغانلىقىنى بىلدۈردى، ئامېرىكىنىڭ ۋىنسۇئېلاغا تەھدىد پەيدا قىلىش مەقسىتىنىڭ يوقلىقىنى، «باشتىن-ئاخىر ۋىنسۇئېلانىڭ دىموكراتىك، مۇقىم، گۈللىنىشى»نى قوللايدىغانلىقىنى قايتا تەكىتلىدى.
يۈزەكى جەھەتتىن قارىغاندا، ۋىنسۇئېلا ئامېرىكىنىڭ مۇناسىۋىتى جىددى ئەھۋالدا «مارودۇ ئوباما سۆھبىتى» ئېلىپ بېرىشنىڭ ئۆزىلا ئىجابى ئەھمىيەتكە ئىگە، سۆھبەتمۇ بىر قەدەر ئىناق بولدى. ئەمما ئەمەلىيەتتە ۋىنسۇئېلا ئامېرىكا ئوتتۇرىسىدىكى «ئىناقسىزلىق ئامىل»نى ئاسانلىقچە يوشۇرغىلى بولمايدۇ.
ئۆتكەن يىلى 12-ئايدا ئوباما قانۇن لايىھەسى ئېمزالاپ، ۋىنسۇئېلانىڭ 50كە يېقىن ئەمەلدارىنى جازالاپ، ئۇلار ئۆتكەن يىلى يۈز بەرگەن ھۆكۈمەتكە قارشى نامايىشنى پەسەيتىش ھەرىكىتىدە «كىشىلىك ھوقۇققا دەخلى-تەرۈز» يەتكۈزۈش قىلمىشى ساقلانغان، دەپ ئەيىبلىدى. ئالدىنقى ئايدا ئوباما مەمۇرى بۇيرۇق ئىمزالاپ، ۋىنسۇئېلانىڭ ئۇنىڭدىن باشقا يەتتە ئەمەلدارىنى جازالىدى، بۇنىڭ سەۋەبى بولسا «كىشىلىك ھوقۇققا دەخلى-تەرۈز يەتكۈزۈش ۋە چېرىكلىشىش مەسىلىسى». بۇ مەمۇرى بۇيرۇقتا ۋىنسۇئېلانىڭ نۆۋەتتىكى ۋەزىيىتى ئامېرىكىغا ئالاھىدە تەھدىد پەيدا قىلىدۇ، دەپ قارىلىپ، ۋىنسۇئېلاغا جىددى ھالەت يۈرگۈزگەن.
ئامېرىكىنىڭ قېلمىشى ۋىنسۇئېلانىڭ قارشى تەدبىر قوللىنىشىنى كەلتۈرۈپ چىقاردى. مادورو بۇ يىلنىڭ بېشىدا ئامېرىكىنىڭ ۋىنسۇئېلادا تۇرۇشلۇق دىپلوماتىنىڭ سانىنى 100دىن 17گە ئازايتتى. ئامېرىكىنىڭ ۋىنسۇئېلانى تەھدىد دەپ قارىشىغا قارىتا، مادورو مۇنداق دېدى: ئامېرىكا ھەربىي ئىشلار جەھەتتە ۋىنسۇئېلاغا تاجاۋۇز قىلماقچى ھەمدە ھاكىمىيەتنى ئاغدۇرماقچى. مەملىكەت بويىچە ھەربىي مانېۋىر تەشكىللەپ، تاجاۋۇز قىلىشنىڭ ئالدىنى ئالىمىز. بۇ نۆۋەتلىك ئامېرىكا قىتئەسى باشلىقلار يىغىنى ئېچىلىشتىن بۇرۇن، مادورۇ مەملىكەت بويىچە يەنە 10مىليوندىن ئارتۇق كىشىنىڭ ئىمزاسىنى يىغىپ، ئوبامادىن مەمۇرى بۇيرۇقنى ئەمەلدىن قالدۇرۇشنى تەلەپ قىلدى.

ئامېرىكا قىتئەسى باشلىقلار يىغىنىدا سۆز قىلغاندىكى ئىپادىسىدىن ئىككى دۆلەتنىڭ ئېختىلاپىنى ئېنىق كۆرگىلى بولىدۇ. مادرو ئامېرىكىدىن ۋىنسۇئېلانى ئىقتىسادى ئۇرۇش، پىسخىكا ئۇرۇشى، سىياسى ئۆزگىرىش سۇيقەستى قوزغاشنى توختىشىشنى ھەمدە ۋىنسۇئېلانى تەھدىد دەپ قارايدىغان مەمۇرى بۇيرۇقنى ئەمەلدىن قالدۇرۇشنى تەلەپ قىلىپ، پەقەت مۇشۇ ئالدىنقى شەرت ئاسىتىدا، ئامېرىكا بىلەن سۆزلىشىمىز، دېدى. ئامېرىكا قىتئەسى باشلىقلار يىغىنى مادورونىڭ ئامېرىكىغا زەربە بېرىش، ئىتتىپاقداشلىرىنى قولغا كەلتۈرۈش ئۇرۇش مەيدانى بولدى. ئەمما ئوباما ئۆزىنى دالدىغا ئېلىپ، سۆز قىلغاندا ۋىنسۇئېلانى تىلغا ئالمىدى، مادورو سۆز قىلغاندا ئۇ يىغىن مەيدانىدىن ئايرىلدى.
11-ئاپرىل كەچتە ئامېرىكىنىڭ غەربىي يېرىم شارى ئىشلىرىغا مەسئۇل ياردەمچى دۆلەت ئىشلىرى كاتىپى ياكۇبىسىن: ئامېرىكا ھۆكۈمىتىنىڭ ۋىنسۇئېلانى تەھدىد دەپ قارايدىغان مەمۇرى بۇيرۇقنى بىكار قىلمايدىغانلىقىنى قايتا تەكىتلىدى.
بۇنىڭدىن شۇنى كۆرۈۋېلىشقا بولدۇكى، «مادورو ئوباما سۆھبىتى»نىڭ قائىدە يوسۇنلىقى ۋە سىمۇۋۇللىقى ئۇنىڭ ئەمەلىي ئەھمىيىتىدىن چوڭ، ۋىنسۇئېلا بىلەن ئامېرىكىنىڭ نورمال سۆھبەتنى ئەسلىگە كەلتۈرۈشتىكى ئىختىلاپى ۋە تۇسالغۇ ئۇزاققىچە يۇقىمايدۇ.
ئەمەلىيەتتە ئامېرىكا ۋىنسۇئېلانىڭ دىموكراتىك، كىشىلىك ھوقۇقنىڭ ھازىرقى ئەھۋالى مەسلىسىنى خالىغانچە ئەيىبلەۋاتىدۇ. بۇ يېقىنقى مەزگىلدىكى ئىككى دۆلەت مۇناسىۋىتىنى كەسكىنلەشتۈرۋېتىشتىكى سەۋەب.
باشقا دۆلەتلەرنىڭ ئىچكى ئىشلىرىغا ئارىلىشىش– ئىزچىل ئامېرىكىنىڭ لاتىن ئامېرىكىسىدىكى دۆلەتلەرنىڭ ئەيىبلىشىگە ئۇچراۋاتقان ناچار ئادىتى ھەمدە «ئاساسسز جازالاشنى يولغا قويۇشى» ئامېرىكىنىڭ ئارىلىشىشنى يولغا قويۇشتىكى يېڭى ئۇسۇلى دەپ قارالدى. بولىۋىيە زۇڭتۇڭى مۇرالىس بۇ نۆۋەتلىك ئامېرىكا قېتئەسى باشلىقلار يىغىنى مەزگىلىدە «2008-يىلى ئامېرىكىنىڭ بولىۋىيەدە تۇرۇشلۇق باش ئەلچىسى قوغلاپ چىقىرىلغاندىن كېيىن، بولىۋىيەنىڭ سىياسى ۋە دىموكراتىك مۇھىتى ئىلگىرىكىگە قارىغاندا ناھايىتى كۆپ ياخشلاندى»، دەپ كۆرسەتتى.
شۇنى كۆرۈۋېلىشقا بولدۇكى، ئامېرىكىنىڭ داۋاملىق كىشىلىك ھوقۇق مەسىلىسىدىن پايدىلىنىپ، ۋىنسۇئېلانىڭ ئىچكى ئىشلىرىغا ئارىلىشىشى ئۆزگەرمەيدۇ، ۋىنسۇئېلامۇ مۇناسىپ قارشى تەدبىر قوللىنىدۇ، ۋىنسۇئېلا ئامېرىكا مۇناسىۋىتىنىڭ قىسقا ۋاقىت ئىچىدە ياخشىلىنىشى تەس.