جاھان ئاگېنتلىقى 17-مارت خەۋىرى؛ لەگلەك تورى تەرجىمىسى: ياۋرۇپا ئىتتىپاقى ئەزالىرى 7 يىل داۋاملاشقان قاراپ چىقىشتىن كېيىن بوسنىيە بىلەن ئىمزالانغان مۇقىملىق ۋە ھەمكارلىق كېلىشىمىنىڭ ئىجرا بولۇشىنى ماقۇللىدى. بۇنڭ ئىچىدە بوسنىيەنىڭ نامزات دۆلەت بولۇپ قاتنىشىش مۇزاكىرىسىنى باشلىشى تىلغا ئېلىنغان.
ياۋرۇپا ئىتتىپاقى تاشقى ئىشلار مىنىستىرلىرى، بوسنىيە-ھېرسىك ھۆكۈمىتى تەرىپىدىن سىياسىي ۋە ئىقتىساد ئىسلاھاتىغا ئالاقىدار ۋەدىلەر ماقۇللانغاندىن كېيىن ، بوسنىىيە بىلەن 2008-يىلى ئىمزالانغان مۇقىملىق ۋە ھەمكارلىق كېلىشىمىنىڭ ئىجرا بولۇشىنى قۇبۇل قىلدى.
قاراردا« يېڭىلانغان ۋە ئىجرا قىلىنىشى كىرەك بولغان ئىسلاھات كۈنتەرتىپى، بىر قىسىم مەسىلىلەر ۋە كىرزىسلار ھەققىدىكى ئىسلاھاتلار، ياۋرۇپا ئىتتىپاقى تەشكىلى مىخانىزىمىدا بىردەكلىككە كەلگەن تېمىلارنىڭ ئىسلاھاتى قاتارلىقلار بار. ئىسلاھات خىزمىتىنىڭ ئىجرا بولۇشىدا كاپالەتلىك ئىلگىرلەش، ئەزالىق ئىلتىماسىنىڭ ياۋرۇپا ئىتتىپاقى تەرىپىدىن ئىجابى قارىلىشى ئۈچۈن زۆرۈردۇر» دېيىلگەن.
بوسنىيە-ھېرسىك ئۈچ تەرەپلىمە پرېزىدېنتلىق كومىتىتى سىرىپ ئەزاسى ملادىن ئىۋانىچ، دۆلىتىنىڭ بىر يېرىم يىل ئىچىدە ياۋرۇپا ئىتتىپاقىغا رەسمى نامزات بولۇش ئۈچۈن ئىلتىماس قىلىدىغانلىقىنى ئېيتتى.
گېرمانىيە ۋە ئەنگىلىيە، بوسنىيەنىڭ ياۋرۇپا ئىتتىپاقى مۇساپىسىدە نەتىجىگە ئېرىشىشى ئۈچۈن ئۆتكەن يىلى بىر پىلان تەييارلىغان ۋە بۇ دائىرىدە بوسنىيەلىك رەھبەرلەردىن ئىدارىۋى، سىياسىي ۋە ئىقتىسادىي ئىسلاھاتلار ئۈچۈن يازما ۋەدىلەر بېرىشىنى ۋە ئىسلاھات پىلانى سۇنۇشىنى تەلەپ قىلغان ئىدى. بۇنىڭ بەدىلىگە ياۋرۇپا ئىتتىپاقىنىڭ بوسنىيە-ھېرسىك ئۈچۈن قاتنىشىشتىن بۇرۇن مالىيە فوندلىرىنى ئەركىن قۇيۇۋېتىشى، مۇقىملىق ۋە بىرلەشمە كېلىشىمنىڭ ماقۇللىنىىشى قارار قىلىنغان.
بوسنىيە-ھېرسىك فېدراتىسيەسىنى تەشكىل قىلغان ئىككى ئاپتونۇم تەرەپتىن بىرى بولغان سىرىپ جۇمھۇرىيتىنىڭ بىر قانچە تۈرلۈك ئىسلاھاتىنىڭ چەكلىنىشى سەۋەبلىك ياۋرۇپا ئىتتىپاقى ئەزالىق مۇساپىسىدە قوشنىلىرىنىڭ كەينىدە قالغان بوسنىيە-ھېرسىك جۇمھۇرىيتى، ئەزالىق ئىلتىماسىنىڭ قۇبۇل قىلىنىشى بىلەن ياۋرۇپا ئىتتىپاقىدىن نامزات دۆلەت بولۇش پۇرسىتىگە ئېرىشىپ قاتنىشىش مۇزاكىرىسىنى باشلىماقتا.