پۇتبول تورى خەۋىرى لەگلەك تورى تەرجىمىسى

بېيجىڭ ۋاقتى 3-ئاينىڭ 11-كۈنى ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ سەككىز كۈچلۈككە كىرىش ھەل قىلغۇچ مۇسابىقىسى ئىككىنچى قېتىملىق ئۇچرىشىشىدىكى خان مادرىد كۇلۇبى بىلەن شالكى 04 كۇلۇبى ئوتتۇرسىدىكى مۇسابىقە خان مادرىد كۇلۇبىنىڭ بېرناۋۇ توپ مەيدانىدا ئېلىپ بېرىلدى. ئىككى تەرەپنىڭ تۇنجى قېتىملىق ئۇچرىشىشدا خان مادرىد كۇلۇبى 2-0 نەتىجە بىلەن مېھمان مەيداندا غەلبە قىلغانىدى. ئالدىنقى يېرىم مەيداندا شالكې 04 كۇلۇبىدىن خوۋدىس بىلەن خۇنتىلار بىردىن توپ كىرگۈزدى. كىرىستىيانو رونالدو ئىككى كاللا توپ كىرگۈزدى. بۇ ئىككى توپ ئارقىلىق كىرىستىيانو رونالدونىڭ ياۋروپا ئۇزغۇنلۇقىنى تالىشىش پۇتبول مۇسابىقىسىدە كىرگۈزگەن توپ سانى 78 گە يىتىپ ياۋروپا ئۇزغۇنلۇقى تارىخىدىكى بىرىنچى مەرگەنگە ئايلاندى.  كېيىنكى يېرىم مەيداندا بېنزىما بىر توپ كىرگۈزدى. شالكې 04 كۇلۇبىدىن ساين ۋە خۇنتىلار بىردىن توپ كىرگۈزدى. ئاخىرىدا خان مادرىد كۇلۇبى ئۆز مەيدانىدا 3-4 نەتىجە بىلەن ئۇتتۇرۇپ قويدى. بىراق ئومۇمىي نومۇردا 5-4 بولۇپ شالكې 04 كۇلۇبىنى مەغلۇپ قىلىپ ياۋروپا ئۇزغۇنلۇقىنى تالىشىش پۇتبول مۇسابىقىسىنىڭ سەككىز كۈچلۈككە كىردى.

مۇسابىقە باشلىنىپ 20-مىنۇتتا شالكې 04 كۇلۇبىدىن مور توپ ئېلىپ ئوڭ تەرەپتىكى خوۋدىسقا پاس تاشلىدى. خوۋدىس توپنى ۋاراتارغا تەپتى، گەرچە كاسىللاس توپنى يۆنىلىشىنى ئۆزگەرتكەن بولسىمۇ بىراق توپ يەنىلا ۋاراتارغا كىردى. نەتىجە خان مادرىد كۇلۇبى 0-1 شالكې 04 كۇلۇبى.

25-مىنۇتتا خان مادرىد كۇلۇبى بۇلۇڭ توپ پۇرسىتىگە ئېرىشتى. تونى كىروس بۇلۇڭ توپ باشلىدى، كىرىستىيانو رونالدو كاللا توپ كىرگۈزۈپ نەتىجىنى تەڭلەشتۈردى. نەتىجە خان مادرىد كۇلۇبى 1-1 شالكې 04 كۇلۇبى.

39-مىنۇتتا شالكې 04 كۇلۇبىدىن مور ۋاراتارغا توپ ئۇردى، بىراق كاسىللاس بۇ توپنى توسۇۋالدى، ئارقىدىنلا ئەگىشىپ كەلگەن خۇنتېلار بۇ توپنى كىرگۈزۈپ نەتىجىدە يەنە ئېشىپ كەتتى. نەتىجە خان مادرىد كۇلۇبى 1-2 شالكې 04 كۇلۇبى.

ئالدىنقى يېرىم مەيدان مۇسابىقە ئاخىرلىشىشقا ئازلا قالغاندا يەنى 45 مىنۇت بولغاندا كونتېرىۋا سولدىن ئوتتۇرىغا پاس تاشلىدى. كىرىستىيانو رونالدو يەنە كاللا توپ كىرگۈزدى. خان مادرىد كۇلۇبى 2-2 شالكې 04 كۇلۇبى.

كېيىنكى يېرىم مەيدان باشلىنىپ 53-مىنۇتتا خان مادرىد كۇلۇبىدىن بېنزېما بىلەن قېدىرا ماسلىشىپ توپنى چەكلەنگەن رايۇن ئىچىگە ئېلىپ كىردى. بېنزىما توپنى كىرگۈزدى. نەتىجە خان مادرىد كۇلۇبى 3-2 شالكې 04 كۇلۇبى. 

57-مىنۇتتا شالكې 04 كۇلۇبىدىن زاپاس ئەزا سۈپىتىدە مەيدانغا چىققان 1996-يىلى تۇغۇلغان توپچى ساين بىر توپ كىرگۈزدى. نەتىجە خان مادرىد كۇلۇبى 3-3 شالكې 04 كۇلۇبى.

84-مىنۇتتا شالكې 04 كۇلۇبىدىن ساين ياردەمچى پاس بەردى. خۇنتېلار توپ كىرگۈزدى. نەتىجە خان مادرىد كۇلۇبى 3-4 شالكې 04 كۇلۇبى.

ئاخىرىدا خان مادرىد كۇلۇبى ئۆز مەيدانىدا 3-4 نەتىجە بىلەن ئۇتتۇردى. بىراق ئىككى قېتىملىق ئومۇمىي نەتىجە 5-4 بولۇپ خان مادرىد كۇلۇبى شالكې 04 كۇلۇبىنى مەغلۇپ قىلىپ ياۋروپا ئۇزغۇنلۇقى سەككىز كۈچلۈككە كىردى. 

خان مادردى كۇلۇبىدىن ئاساسلىق ئەزا سۈپىتىدە مەيدانغا چىقان توپچىلار:

1-كاسىللاس

2-ۋارانى

3-پې پې

5-كونتېرىۋا

17-ئاربېلوئا

6-قېدىرا

8-تونى كىرۇس

23-ئىسكو

11-بېل

9-بېنزىما

7-كىرىستىيانو رونالدو.

شالكې 04 كۇلۇبىدىن ئاساسلىق ئەزا سۈپىتىدە مەيدانغا چىققان توپچىلار:

40-ۋىرون روئىت

32-ماتىپ

31-ناستاسىچ

23-فۇكس

4-خوۋدىس

7-مور

33-نوئىستات

12-ھېلگىر

27-بارنېتتا

30-ساين

25-خۇنتىلار