سۇمرۇغ تەنتەربىيەسى21- مارت خەۋىرى؛ باغداش تورىدىن لوقمان تەرجىمىسى

171- قېتىملىق مانچېستېر دېربىسىدىكى چوڭ جەڭ ئاخىرى مانچېستېر بىرلەشمىسىنىڭ مېھمان مەيداندا 1-0 نەتىجە بىلەن مانچېستېر شەھىرىنى يېڭىشىدەك نەتىجە بىلەن ئاخىرلاشتى. 31-ئايلانما مۇسابىقىدىن كېيىن، مانچېستېر شەھىرى بىلەن كوماندىسى ئەڭ ئالدىدىكى لېيسېستېر شەھىرى كوماندىسىدىن 15 نومۇر پەرق بىلەن كېيىن قالدى، ئېشىپ قالغان سەككىز مەيدان مۇسابىقىدە يېتىشىۋېلىش ئۈمىدىدىن ئىشەنچ قالمىدى. ئەمەلىيەتتە، مەزكۇر مۇسابىقە پەسىللىك ئېنگلاند دەرىجىدىن تاشقىرى لوڭقىسىنىڭ چېمپيونلۇقىنى تالىشىش جېڭىدىن چېكىنىپ چىقتى. ئەمما ھايات-ماماتى قىل ئۈستىدە تۇرغان ۋانجال يەنە بىر قېتىم غەلبە قىلدى، مانچېستېر بىرلەشمىسى بىلەن تەييارلىق توختامى تۈزگەن مورىنھو يەنە داۋاملىق ساقلايدىغان بولدى.

مەزكۇر دېربى جېڭىدە ھەر ئىككىلا تەرەپ ھەل مۇھىم ئورۇندا تۇرۇۋاتىدۇ. مانچېستېر شەھىرى كوماندىسى ئۈچ نۇمۇر ئالالىسا،ئېنگلاند دەرىجىدىن تاشقىرى لوڭقىسىنى تالىشىش ئۈمىدى تۇغۇلىدۇ، ئەمما مەزكۇر مۇسابىقە پەسلىدىكى تۆت مەيدان ھېچقانداق نەتىجىنى قولغا كەلتۈرەلمەسلىكتەك ئاقىۋەتتە قالغان مانچېستېر بىرلەشمىسى كوماندىسى تېخىمۇ شۇنداق، ئۇتتۇرۇش _ مەزكۇر مۇسابىقە پەسلىدە ھېچ بولمىغاندا تۆتىنچىلىكنى تالىشىش ئۈمىدىنىڭمۇ بەربات بولۇشىغا ئاز قالغانلىقىدىن دېرەك بېرىدۇ. مۇسابىقىدىن بۇرۇنلا مەلۇم خەۋەردە مورىنھونىڭ مانچېستېر بىرلەشمىسى بىلەن تەييارلىق توختامى تۈزگەنلىكى ئېيتىلغان، ئۇ ھەر ۋاقىت ۋانجال ئەپەندىنىڭ ئورنىغا ئالمىشىشقا تەييارلانغان بولۇپ، ۋانجالنىڭ بېسىمىنى بىر قەدەر ئېغىر دېيىشكىمۇ بولىدۇ.

ئاخىرىدا، مانچېستېر بىرلەشمىسى راشفوردنىڭ توپ كىرگۈزۈشى بىلەن كۈلكىگە مۇيەسسەر بولغان. مانچېستېر شەھىرى مەزكۇر مۇسابىقە پەسلىدە بەشىنچى قېتىم ئۆز مەيدانىدا مەغلۇب بولغاندىن كېيىن، ئەڭ ئالدىدا مېڭىۋاتقان لېيسېستېر شەھىرى كوماندىسى بىلەن بولغان پەرق 15كە يەتكەن بولۇپ، مەزكۇر مۇسابىقە پەسىللىك ئېنگلاند دەرىجدىن تاشقىرى لوڭقىسى چېمپيونلۇقىنى تالىشىش كۈرىشىدىن چېكىنىپ چىقتى. مەزكۇر مۇسابىقە پەسلىدە، مانچېستېر شەھىرى كوماندىسى بىرلەشمە مۇسابقىدىكى ئالدىنقى ئالتە كوماندا بىلەن بولغان جەڭدە بىر مەيدانمۇ يېڭىپ باقمىغان.بۇنىڭ ئىچىدە ئەڭ ئالدىدىكى لېيسېستېر شەھىرى كوماندىسى بىلەن مۇسابىقىلىشىپ بىر مەيدان تەڭلىشىپ،بىر مەيدان يېڭىلگەن، توتتېنھام كوماندىسى بىلەن ئىككى قېتىملىق ئۇچرىشىشتا ئېچىنىشلىق مەغلۇب بولغان، تۇنجى قېتىملىق ئۇچرىشىشتا ئارسېنالغا 1-2 نەتىجە بىلەن يېڭىلگەن،مانچېستېر بىرلەشمىسى ۋە غەربى ھام كوماندىلىرى بىلەن ئوينىغان مۇسابىقىلەردە بىر مەيداندىن تەڭلىشىپ، بىر مەيداندىن مەغلۇب بولغان. ئۇنىڭدىن باشقا، مانچېستېر شەھىرى مەزكۇر مۇسابىقە پەسلىدە يەنە لىۋېرپول كوماندىسى تەرىپىدىن قوش بوغۇزلانغان. كۈچلۈك كوماندىغا يولۇقسىمۇ يېڭىلگەن، ئاجىز كوماندىغا يولۇقسىمۇ يېڭىلگەن.

ۋانجال يەنە بىر قېتىم غەلبە قىلدى. مەزكۇر مۇسابىقە پەسلىدە ۋانجال كۆپ قېتىم ئورنىنى بوشىتىش خەۋپىگە دۇچ كەلگەن، ئەمما نەچچە قېتىم غەلبە قىلالىغان. جەن جەن بۇنى ئوخشىتىپ مۇنداق دېگەن:« ۋانجال ھەمىشە ئادەمنى ئۈمىدسىزلەندۈرىدۇ، ئەمما يەنىلا ئۈمىدنى ئۈزمەيدۇ. ئۇ ھەمىشە ئىككى پۇتى گۆرگە ساڭگىلاپ، ئاندىن يەنە ئالغا ئىلگىرىلەيدۇ. قارىغاندا گۈللەر خازان بولغۇچە مورىنھو يەنە ساقلايدىغان ئوخشايدۇ.»