جاھان ئاگېنتلىقى 16-مارت خەۋىرى؛ لەگلەك تورى تەرجىمىسى: ئىراننىڭ سابىق پرېزىدېنتى ئەلى ئەكبەر ھاشىمى رافسانجانىنىڭ ئوغلى، مەھدى ھاشىمى يولسۇزلۇق جىنايىتى سەۋەبلىك تۈرمە ۋە ئىقتىسادى جازاغا ئۇچرىدى.
ئىران سوت خەۋەر ئاگېنتلىقىنىڭ دەلىللىشىچە، ئىران سوتى باياناتچىسى غۇلام ھۈسەيىن مۇھىسىنى، مەھدى ھاشىمىنىڭ يولسۇزلۇق جىنايىتى سەۋەبلىك قاراپ چىقىلغان داۋادا، تۈرمە جازاسى، پۇل ۋە خىزمەت قىلىشتىن چەكلىنىش جازالىرىغا ئۇچرىغانلىقىنى ئېيتتى.
مۇھسىنى، چەكلەنگەنلىكى ئۈچۈن تەپسىلاتلارنىڭ ئاشكارىلانمىغانلىقىنى بىلدۈرۈپ، ھاشىمىغا جىنايەتلەرنىڭ بىر قىسمى بولغان «پارىخورلۇق، ئۆز ئالدىغا پۇل توپلاش، ئالدامچىلىق» قانۇنىنىڭ 2. 3 ۋە 5. ماددىلىرىغا ئاساسەن، يۇقارقى جازاغا مەھكۇم قىلىنغانلىقىنى، مەھكىمە قارارىنىڭ نەتىجىسى چىققاندىن كېيىن تەپسىلاتىنىڭ ئاشكارىلىنىدىغانلىقىنى تىلغا ئالدى.
مۇھسىنى، ھاشىمى ھەققىدە بېرىلگەن بۇ قارارغا قارىتا ئاقلاش يولىنىڭ ئوچۇق ئىكەنلىكىنى ئېيتىپ، گۇماندار ۋە ئادۇۋكاتلىرىنىڭ قارار يەتكۈزۈلگەندىن كېيىن ئەڭ كېچىككەندە 20 كۈن ئىچىدە ئىتىراز بىلدۈرۈش ھۇقۇقىنىڭ بارلىقىنى، ئىتىراز بىلدۈرمىگەن ئەھۋالدا قارارنىڭ كەسكىن بولىدىغانلىقىنى بىلدۈردى.

مەھدى ھاشىمى ھەققىدىكى داۋا
ئىرانلىق خەلق ۋەكىلى ئەھمەد تەۋەككۇلى، مەجلىستە سۆز قلىپ 2-فېۋرالدا، «نورۋىگىيەلىك نىفىت شىركىتىنىڭ 2002-2003 يىللىرىدا جەنۇبى پارىس گاز مەيدانىنىڭ ھاۋالىسىنى ئۆتكۈزۈپ ئېلىش ئۈچۈن شۇ ۋاقىتتىكى ئىران مىللىي نىفىت شىركىتىنىڭ يۇقىرى دەرىجىلىك خادىملىرىدىن مەھدى ھاشىمىگە 5.2 مىليون دوللار پارا بەرگەنلىكىنى» ئېيتقان.
نورۋىگىيە نىفىت شىركىتى ستاتويىل تەرىپىدىن 2006-يىلى ئېلان قىلىغان باياناتتا، 2002-2003 يىللىرىدا ئىرانلىق بىر خادىمغا جەنۇبى پارىس گاز مەيدانىنى ئىشلىتىش ئۈچۈن ئېچىلغان ھاۋالىدە قولايلىق يارىتىلىىشى ئۈچۈن تۆلەم بەرگەنلىكى قۇبۇل قىلىنغان ئىدى.
شىركەت، مەھدى ھاشىمىغا 10 يىلدىن بۇيان جەمئىي 15.2 مىليون دوللار تۆلەم بەرگەنلىكىنى بىلدۈرگەن. رافسانجانىنىڭ ئوغلى ھاشىمى بولسا بۇ داۋالارنىڭ «دادىسىنىڭ سىياسەتتىكى تەسىرىنى خۇنۇكلەشتۈرمەكچى بولغانلار تەرىپىدىن ئوتتۇرغا چىققانلىقىنى» ئىلگىرى سۈردى.
αβ