ئامېرىكىدا قوراللىق ھۇجۇم يۈز بېرىپ 8 كىشى ئۆلدى
جاھان ئاگېنتلىقى 28-فېۋرال خەۋىرى؛ لەگلەك تورى تەرجىمىسى: ئامېرىكا مىسسورى شىتاتىدا 4 ئۆيگە قوراللىق ھۇجۇم قىلغان 36 ياشلىق بىر كىشى 7 كىشىنى ئۆلتۈرۈرگەندىن كېيىن ئۆزىنى ئۆلتۈرىۋالدى.
مىسسورى شىتاتى ساقچىسى ۋەقەگە ئالاقىدار ئېلان قىلغان باياناتىدا، تيرون بازىرىدا يۈز بەرگەن قۇراللىق ھۇجۇمدا 7 كىشىنىڭ ئوق ئېتىلىپ ئۆلتۈرۈلگەنلىكى، 36 ياشلىق قاتىلنىڭ ئۆزىنى ئۆلتۈرىۋالغانلىقىنى ئېيتتى. باياناتقا قارىغاندا، قاتىللىق ۋەقەسى پاش قىلىنغاندىن كېيىن ئۆلگەن كىشىلەر 4 ئورۇندا بايقالدى. كىچىك بىر قىز ئۆيىدە قۇرال ئاۋازىنى ئاڭلاپ قوشنىسىنىڭ ئۆيىگە كىرىپ دىلونى مەلۇم قىلغان. دىلونى تاپشۇرۋالغان ساقچى تۇنجى قېتىم بارغان ئۆيدە 2 جەسەت، كېيىنكى 3 ئۆيدە 5 جەسەت ۋە بىر يارىدار بارلىقىنى ئېيتتى. قاتىللىق سادىر قىلغۇچىنىڭ جەسىتى مىسسۇرىغا قاراشلىق تىكساس رايۇنىنىڭ شەرقىدىكى شانون بازىرىدا بايقالغانلىقى تىلغا ئېلىندى. تىكساس رايۇنى ساقچىلىرى ۋە مىسسۇرى شىتاتى ئەتكەسچىلىك ۋە جىنايى ئىشلار كونترول بۆلۈمى بۇ ۋەقەگە ئالاقىدار تەپسىلاتلارنى تەكشۈرمەكتە.