ئۈرۈمچى شەھەرلىك خۇمدانلىق ئۇزۇن يوللۇق يولۇچىلار بېكىتىدىن يولغا چىقىدىغان يولۇچىلار 12-ئىيۇندىن باشلاپ مەزكۇر بېكەتنىڭ تېلېفون ئارقىلىق بېلەت سېتىۋېلىشتەك يېڭى مۇلازىمىتىدىن بەھرىمان بولالايدىكەن. نۆۋەتتە، تېلېفون ئارقىلىق بېلەت سېتىۋېلىش سىسىتېمىسى سىناق تەرىقىسىدە يۈرگۈزۈلۈۋاتقان بولۇپ، ئاز بىر قىسىم لىنىيەلەرنىڭ بېلىتىنى سېتىۋالغىلى بولىدىكەن، 2~1 ئايدىن كېيىن بۇ سىستېما نورمال ئىشلىتىلىدىكەن.
11-ئىيۇن مۇخبىرنىڭ ئۈرۈمچى خۇمدانلىق ئۇزۇن يوللۇق يولۇچىلار بېكىتىدىن ئىگىلىشىچە، يولۇچىلار نۆۋەتتە غۇلجا، بورتالا، كورلا قاتارلىق ئۈچ جاينىڭ ئەتە، ئۆگۈندىكى بېلەتلىرىنى سېتىۋالالايدىكەن، سىناق تەرىقىسىدە يولغا قويۇش ئاياغلاشقاندىن كېيىن يولۇچىلار ئۇندىدار تېرمىنالى ئارقىلىق شىنجاڭ ئىچىدە قاتنايدىغان 42 لىنىيەنىڭ، شىنجاڭدىن سىرتقا قاتنايدىغان 5 لىنيەنىڭ 15 كۈن ئىچىدىكى بېلىتىنى سېتىۋالالايدىكەن.