قاش چىراي ئىلمىدا قېرىنداش, كەسىپ تەرەققىياتى, كىشىلىك مۇناسىۋەت ۋاھاكازالارغا ۋەكىللىك قىلىدۇ.
تۆۋەندە ھەر خىل قاشلارنىڭ ئالاھىدىلىكىنى تونۇشتۇرىمىز.
1.قېشى كەمتۈك,كۆز نۇرى سوغۇق كىشىلەر.
بۇنداقلارنىڭ قېشى بۆلۈنۈپ كەتكەن بولىدۇ. خاراكتېرى غەلىتە, ئىچ مىجەز, باشقىلارغا ساختا ھېسسىياتتا مۇئامىلە قىلىدۇ. ئەگەر كۆز نۇرى بەك ئۆتكۈر بولسا بۇ خىل ئەھۋاللار تېخىمۇ گەۋدىلىك بولىدۇ. پۇل-مال, مەنپەئەتنى دائىم ئالدىنقى ئورۇنغا قويىدۇ.
2.ئالدى ئېگىز ئارقىسى تۆۋەن تۈز قاش.
بۇنداق قېشى بارلار ئادەتتە چىقىشقاق,باشقىلارغا قىزغىن مۇئامىلە قىلىدۇ, خۇشخۇي, مۇلايىم كېلىدۇ. خاراكتېرى ئوچۇق-يورۇق بولىدۇ. بايلىق تەلىيى ئادەتتىكىچە, كەسىپى بىر قەدەر مۇقىم بولىدۇ. مۇھەببەتتە ئانچە قايناق ھېسسياتتا بولمىسىمۇ, ئەمما ھەمراھىغا سادىق ,ۋاپادار كېلىدۇ. مۇھەببىتى ئۇزاققىچە داۋاملىشىدۇ. بۇنداق قاش شەكلىگە ئىگە ئەرلەر ئىچىدە خوتۇنىدىن قورقىدىغانلار كۆپ بولىدۇ.
3. سۆگەت يوپۇرماقىسىمان قاش.
بۇنداق قاش شەكلىدىكىلەر ئىش قىلسا بەك مۇنتىزىم ,ئېھتىياتچانلىق بىلەن قىلىدۇ.بىلىملىك ,كەسىپتە ئۈزلۈكسىز ئىنتىلىشچان كېلىدۇ. ئىقتىسادىي جەھەتتە بارا-بارا ياخشىلىنىپ ماڭىدۇ, مۇھەببىتى ئوڭۇشلۇق بولىدۇ. مىجەزى مۇلايىم كېلىدۇ. بۇنداق قېشى بار ئاياللار كۆپىنچە مۇلايىم,ئېغىر بېسىق كېلىدۇ,مۇھەببەت جەھەتتە قارشى تەرەپكە كۆيۈمچان كېلىدۇ.
4.توغرىسىغا تۈز قاش.
بۇ خەنزۇچە بىر خېتى شەكىللىك قاشلارنى كۆرسىتىدۇ, بۇنداق كىشلەرنىڭ ئىش ئۈنۈمى يۇقىرى بولىدۇ, خاراكتېرى تۈز, كەسكىن كېلىدۇ. ھېلە-مىكىر ئىشلەتمەيدۇ. ئىرادىسى مۇستەھكەم بولۇپ, كۆڭلىگە پۈككەن ئىشلارنى ئاخىرىغىچە قىلىدۇ, بىر قەدەر جاھىل كېلىدۇ. ھېسسىياتقا ئەستايىدىل مۇئامىلە قىلىدۇ, بەزىدە ئاچچىقى يامان بولسىمۇ,نىكاھقا قەدەم قويغاندىن كېيىن ئائىلىدىكى مەجبۇرىيىتىنى ئۈستىگە ئالىدۇ,بايلىقتا تەلەيلىك,كەسىپتە ئۇتۇق قازىنىدۇ.
5.ئۇزۇن قاش.
قېشىنىڭ باشلىنىشى تۈز, تەكشى ئۇزۇن قاشلىقلار بالدۇر تەرەققىي قىلىدۇ. تۇغقانلىرى بىلەن ئىناق ئۆتىدۇ, دوستىلىرى ئىنتايىن كۆپ, ھېسسياتلىق كېلىدۇ. مۇھەببىتى كۆڭۈللۈك بولىدۇ. بايلىقتا بەزىدە بەك تەلەيلىك كېلىدۇ. ئىش قىلسا تەرتىپىلىك قىلىدۇ,مۇھەببەتتە ئاسان چىقىشالايدۇ ھەمدە بىر قەدەر كەڭ قورساق كېلىدۇ,ئىش قىلسا ئاسان مۇۋەپپەقىيەت قازىنىدۇ.
6.قىسقا قاش.
قېشى قىسقىلارنىڭ خاراكتېرى بىر قەدەر كۈچلۈك بولىدۇ, ئىشقا يولۇقسا ئۆزىگە تايىنىدۇ, باشقىلارغا ئاسانلىقچە ئېغىز ئاچمايدۇ. مۇھەببەتتە قايناق ھېسسىياتلىق بولىدۇ, خاراكتېرى ئۆزگىچە, يات جىنىستىكلەرنى بەك جەلب قىلىدۇ,دائىم باشقىلارنىڭ قوغلىشىش ئوبيېكتى بولۇپ قالىدۇ, مۇھەببەتتە ئەقىل- پاراسەتلىك كېلىدۇ.
7.شالاڭ قاش.
قېشى شالاڭ كىشىلەر ئىش قىلغاندا كۆپىنچىسى كۆڭۈل قويمايدۇ, ئەمما خاراكتېرى چىقىشقاق بولۇپ, باشقىلار بىلەن ئاسان ئارلىشىپ ئۆتەلەيدۇ, باشقىلارغا ئىش قىلىپ بېرىشنى ياخشى كۆرىدۇ, تۇرمۇشتا ئۆيىدىكىلىرىگە بەكرەك كۆڭۈل بۆلىدۇ. مۇھەببەتتە,پاراسەتلىك بىلەن كۆڭۈل ئىزھار قىلىشنى بىلمەيدۇ, چىن كۆڭلىدىن قارشى تەرەپنى تەسىرلەندۈرۈشنى بەكرەك خالايدۇ. قېشى شالاڭ ھەم ئۆسۈشى تەتۈر يۆنىلىشتە بولسا, قېرىنداشلىرى بىلەن ئەپ ئۆتمەيدۇ. ئەرلەرنىڭ قېشى سارغۇچ بولسا نىكاھى ئوڭۇشلۇق بولمايدۇ,ئايالىغا قاتتىق مۇئامىلە قىلىدۇ.
8. ئارقا تەرىپى ئۈستىگە قارايدىغان قاش.
بۇنداق قاشتىكىلەرنىڭ كەسىپچانلىقى كۈچلۈك بولۇپ, ئارقىدا قېلىشنى خالىمايدۇ, ئاسان تەن بەرمەيدۇ. بايلىق, تەلىيى ئەگرى توقاي بولىدۇ. مۇھەببەتتە ئىنتايىن قىزغىن بولىدۇ, كۈچ قۇۋۋىتى ئۇرغۇپ تۇرىدۇ, تەشەببۇسكار بولۇشنى ياقتۇرىدۇ, قايناق ھېسسىياتنى قوغلىشىدۇ. ئەمما ئىشنى ئۇزاققىچە داۋاملاشتۇرالمايدۇ.
9.قويۇق, تۈز قاش.
بۇنداق قېشى بار ئەرلەرنىڭ تەبىئىيىتى زەھەرخەندە كېلىدۇ,ئىش قىلغاندا قەبىھ ۋاسىتىلەرنى قوللىنىدۇ. ھېسسىياتى داۋالغۇشسىمان كېلىدۇ. شۇڭا بۇنداق ئەرلەر بىلەن ئارىلاشقاندا ئالاھىدە دىققەت قىلىش كېرەك.
10.قېشى كۆزىگە يېقىن, قېشىنىڭ ئارقىسدا چۆگىلىمىچى بارلار.
قېشى كۆزىگە زىيادە يېقىن بولسا ئۆمرىدە چوڭراق ئىش قىلىپ ئىلگىرىلىيەلمەيدۇ. قېشىدا چۆگلىمىچى بار كىشىلەر دائىم باشقىلار ئويلاپ باقمىغان ئىشلارنى قىلىدۇ. مۇبادا بۇ ئىككىلا شەرتنى ھازىرلىغان بولسا بۇ ئادەمنىڭ ئۆمرى جاپا -مۇشەققەت ئىچىدە ئۆتىدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
