ئاياللاردىكى ھەيز توختاش ‹‹كىلىماكتېرىيە›› دەۋرى بولۇپ، ئاياللاردىكى فىزىكىلىق ۋە پىسخىكىلىق ئۆزگىرىش بولغاچقا، ئۇ ئاياللاردىكى كېسەللىك بولماستىن، ئورگانىزمنىڭ تەبىئىي قېرىش باسقۇچى بولۇپ ھېسابلىنىدۇ، مۇشۇ مەزگىلدە ئوزۇقلۇققا ئەھمىيەت بېرىلسە، ھەيز توختاش مەزگىلى ۋە ياشانغانلار كېسەللىكلىرىنىڭ خېيىم – خەتىرىنىڭ ئالدىنى ئالغىلى بولىدۇ.
1. سۇ: نۆۋەتتە، ھەر كۈنى سەككىز ئىستاكان سۇ ئىچىش تەكىتلەنمەكتە. مەيلى قانداق ئەھۋال بولمىسۇن، ھەيز توختاش مەزگىلىدىكى ئاياللار مۇشۇ مىقداردىكى سۇ ئىچىشنى ئادەتكە ئايلاندۇرۇش كېرەك.
2. پۇرچاق مەھسۇلاتلىرى: ئاياللاردىكى ھەيز توختاش مەزگىلى ئانىلىق ھورمۇننىڭ كېمىيىشى بىلەن مۇناسىۋەتلىك. پۇرچاق ۋە پۇرچاق مەھسۇلاتلىرى ئانىلىق ھورمۇننى تولۇقلاشتا مۇھىم رول ئوينايدۇ. شۇڭا، ئاياللار ھەيز توختاش مەزگىلىدە پۇرچاق خام ئەشيا قىلىنغان يېمەكلىكلەرنى كۆپرەك ئىستېمال قىلىپ بېرىش كېرەك.
3. كالتسىي: ھەيز توختاش مەزگىلىدە ئاياللار تېنىدىكى كالتسىينىڭ بۆلۈنۈپ چىقىشى تېزلىشىپ، سۆڭەك شالاڭلىشىش ۋە سۆڭەك بوشىشىش قاتارلىق ئەھۋاللار كۆرۈلۈشكە باشلايدۇ، سۆڭەكنىڭ ساغلام بولۇشى ئۈچۈن، ئاياللار كالتسىي تولۇقلاشقا ئەھمىيەت بېرىش كېرەك.
4. ھەيز توختاش مەزگىلىدە ئاياللار بېلىق، بېلىق مېيى، موگۇ قاتارلىق تەركىبىدە ۋىتامىن D مول بولغان ئوزۇقلۇقلارنى ئىستېمال قىلىپ بەرگەندىن باشقا، ھەر ھەپتىدە ئىككى قېتىم، ھەر قېتىمدا 10~ 30 مىنۇتتىن ئاپتاپتا قاقلىنىپ، بەدەننىڭ ئېنېرگىيەنى سىنتېزلىشىگە ئېھتىياجلىق بولغان ۋىتامىن D نى بىرىكتۈرۈشكە ئەھمىيەت بېرىشى كېرەك.
5. ئېنېرگىيە: ئاياللار ھەيز توختاش مەزگىلىگە قەدەم قويغاندا ئاسانلا سەمرىشكە باشلايدۇ. سېمىزلىك ھەر خىل ئاستا خاراكتېرلىك كېسەللىكلەرنىڭ كېلىپ چىقىشىغا سەۋەبچى بولىدۇ. شۇڭا، ئاياللار نورمال بەدەن ھالىتىنى ساقلاش ئۈچۈن، ئېنېرگىيەنى تىزگىنلەش كېرەك. بۇنىڭدا قەنت مىقدارى ئاز، ياغ تەركىبى تۆۋەن ئوزۇقلۇقلارنى ئىستېمال قىلىش، تائاملارنىڭ ئومۇمىي ئوزۇقلۇق مىقدارىغا ئەھمىيەت بېرىش كېرەك.
6.قەنت: ئارتۇق ئىستېمال قىلىنغان قەنت ئورگانىزمغا زىيانلىق. مەسىلەن، ئېنېرگىيە مىقدارىنىڭ ئېشىشى؛ بەدەن ئېغىرلىقىنى كونترول قىلىشقا پايدىسىز بولغاندىن باشقا، قەنت كېسىلىنى كەلتۈرۈپ چىقىرىدۇ. شۇڭا، تائاملارنى تەييارلىغاندا قەنت تەركىبلىك تەم تەڭشىگۈچلەرنى ئىشلىتىشتىن ساقلىنىش بىلەن بىللە، تاتلىق ئىچىملىكلەرنى ئاز ئىچىش كېرەك.
7. تۇز: تۇزنى كۆپ ئىستېمال قىلىش، قان بېسىم كېسىلىنى كەلتۈرۈپ چىقىرىدۇ. ھەر كۈنلۈك تۇز ئىستېمال مىقدارى بەش گىرامدىن ئاشماسلىق كېرەك، تائاملارغا قوشۇلىدىغان تۇزدىن سىرت، تەييار ئوزۇقلۇقلارنى يېگەندە تەركىبىدىكى يوشۇرۇن تۇزلارغىمۇ دىققەت قىلىش كېرەك.
ئاياللاردىكى ھەيز توختاش مەزگىلى بولسا، مۇرەككەپ فىزىيولوگىيەلىك باسقۇچ بولۇپ، بۇنىڭدا ساغلام بولغان روھىي ھالەتنى ساقلاش، كۈندىلىك تاماقنى نورمال، تەرتىپلىك ۋە ئىلمىي ئورۇنلاشتۇرغاندىن سىرت، مۇۋاپىق بەدەن چېنىقتۇرۇشنى ئادەتكە ئايلاندۇرۇش، بەزىبىر كېسەللىك بەلگىلىرى بايقالغاندا ھامان ۋاقتىدا ئالدىنى ئېلىپ داۋالىنىشقا سەل قارىماسلىق كېرەك.
بېكمۇرات قىدىرخان تەييارلىغان
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
