تاماكا تاشلاشنىڭ شۇنچە تەس بولۇشىدىكى سەۋەب ئاساسلىقى تاماكا تاشلاشنىڭ ئۈنۈمىنى شۇ ھامان كۆرگىلى بولمايدۇ، تاماكا چېكىشنىڭ زىيىنىنىمۇ چەككەن ھامان كۆرگىلى بولمايدۇ. ئەمەلىيەتتە، تاماكا تاشلاشنىڭ ئۈنۈمى مەلۇم ۋاقىتچانلىققا ئىگە. بۇ ۋاقىت ئايرىمىلىرى ئايرىم-ئايرىم ھالدا نېمىگە ۋەكىللىك قىلىدۇ؟ بەدىنىمىزگە قانداق تەسىر كۆرسىتىدۇ؟ تۆۋەندە بىز تاماكا تاشلىغاندىن كېيىنكى ھەر قايسى ۋاقىت بۆلەكلىرىدىكى بەدىنىمىزدە يۈز بېرىدىغان ئۆزگىرىشلەرگە قاراپ باقايلى.
تاماكا تاشلاپ 20 مىنۇتتىن كېيىن: قان بېسىمىڭىز نورمال ھالەتكە چۈشىدۇ.
تاماكا تاشلاپ 8 سائەتتىن كېيىن: قېنىڭىزدىكى كاربون چالا ئوكسىد قويۇقلۇقىنىڭ يېرىمى ئازلاپ، ئوكسىگېن مىقدارى نورمال ھالەتكە كېلىدۇ.
تاماكا تاشلاپ 48 سائەتتىن كېيىن: يۈرەك كېسىلىگە گىرىپتار بولۇش نىسبىتىڭىز تۆۋەنلەشكە باشلايدۇ. بارلىق نىكوتىنلار بەدىنىڭىزدىن ئايرىلىشقا باشلاپ، تەم سەزگۈڭىز ۋە پۇراق سەزگۈڭىز ئاستا-ئاستا نورمال ھالەتكە قايتىشقا باشلايدۇ.
تاماكا تاشلاپ 72 سائەتتىن كېيىن: شاخچە كاناي (支气管) بوشىشىشقا باشلاپ، بەدەن قۇۋۋىتىڭىز ۋە زېھنى كۈچىڭىز ئاستا-ئاستا ئېشىشقا باشلايدۇ.
تاماكا تاشلاپ 2 ھەپتىدىن كېيىن: قان ئايلىنىشىڭىز ئاستا-ئاستا ئەسلىگە كېلىپ، سالامەتلىكىڭىزدىكى بۇ خىل ياخشىلىنىش 10 ھەپتىگىچە مەۋجۇت بولۇپ تۇرىدۇ.
تاماكا تاشلاپ 3-9 ئايدىن كېيىن: يۆتىلىش، دەم سىقىلىش، نەپەس قىيىنلىشىش مەسىلىلىرى تۈگەپ، ئۆپكە نەپەس ئېلىش سىغىمچانلىقىڭىز %10 ئاشىدۇ.
تاماكا تاشلاپ 1 يىلدىن كېيىن: يۈرەك كېسىلىگە گىرىپتار بولۇش خەۋپىنىڭ يېرىمى تۆۋەنلەيدۇ.
تاماكا تاشلاپ 5 يىلدىن كېيىن: مېڭە ئاپوپلېكسىيەسى (脑中风) گە گىرىپتار بولۇش خەۋپى تۆۋەنلەپ، تاماكا چەكمىگەن سەۋىيەگە چۈشىدۇ.
تاماكا تاشلاپ 10 يىلدىن كېيىن: ئۆپكە راكىغا گىرىپتار بولۇش خەۋپى تۆۋەنلەپ، تاماكا چەكمىگەن سەۋىيەگە كېلىدۇ.
تاماكا تاشلاپ 15يىلدىن كېيىن:يۈرەك كېسىلىگە گىرىپتار بولۇش خەۋپى تۆۋەنلەپ، تاماكا چەكمىگەن سەۋىيەگە چۈشىدۇ.
ئەگەر تاماكا تاشلاشنىڭ پايدىسىنى ئەمدى چۈشەنگەن بولسىڭىز، ھازىردىن باشلاپ تاماكا تاشلاڭ!
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
