ئاسپىرىن ئادەتتە قىزىتما قايتۇرۇش، ئاغرىق توختىتىش، ياللۇغ قايتۇرۇش، يەل ۋە نەملىككە قارشى تۇرۇش رولىغا ئىگە، شۇڭا ئۇ قىزىتما ئۆرلەپ كېتىش، زۇكامداش، باش، مۇسكۇل نېرۋىلار ئاغرىش ھەمدە رېماتىزم قاتارلىق كۆپ خىل كېسەللىكلىرىنى داۋالاشتا ئىشلىتىلىدۇ. لېكىن ئۇنىڭ مەلۇم دەرىجىدە ناچار تەسىرىمۇ بار. مەسىلەن، ئۇ كۆڭۈلنى ئاينىتىش، قۇستۇرۇش، ئاشقازان ئۈچەيلىرىنى ئېچىشتۈرۈش قاتارلىق ئاشقازان ئۈچەي يوللىرىنىڭ رېئاكسىيىلىرىنى پەيدا قىلىدۇ. ئۇنىڭدىن باشقا، تېرە يەل تاشمىسى، بۇرۇندىن سۇ ئېقىش، ھاسىراش، دېمى سىقىلىش قاتارلىق ئالامەتلەرنىمۇ كەلتۈرۈپ چىقىرىدۇ. ئاسپىرىن كۆپ مىقداردا ئىستېمال قىلىنسا قۇلاق غوڭۇلدايدىغان بولۇپ قالىدۇ، بۇنداق ناچار تەسىرلەر مەلۇم شارائىتتا سالامەتلىككە، بولۇپمۇ ئاياللار بىلەن بالىلارنىڭ سالامەتلىكىگە ئېغىر تەسىر كۆرسىتىدۇ.
تەكشۈرۈشلەرگە ئاساسلانغاندا، بالىلار ئاسپىرىننى كۆپ ئىستېمال قىلسا ئاسپىرىن بىلەن زەھەرلىنىشنى كەلتۈرۈپ چىقىرىدىكەن. ئەنگىلىيەدىكى نوپۇزلۇق تېببىي ژۇرناللاردىمۇ ئاياللار، بولۇپمۇ ھامىلدارلارنىڭ ئاسپىرىن ئىشلىتىشتە ئېھتىيات قىلىشى تەكىتلىنىپ كەلمەكتە، چۈنكى ھامىلىدارلىق مەزگىلىدە ئىستېمال قىلىنغان ئاسپىرىن تۇغۇت كېچىكىش ۋە تۇغۇتتا قان كۆپ كېتىشنى كەلتۈرۈپ چىقىرىدىكەن.
تېببىي ئالىملارنىڭ قارىشىچە، ئاياللار بىلەن بالىلار پاراتېسىتامول ئېستىمال قىلسا بولىدىكەن. چۈنكى، بۇ دورىلارنىڭ بالىلار ۋە ئاياللارغا بولغان ناچار تەسىرى ۋە خەۋپى ئاز ئىكەن.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
