گاندۇن ئىشلەتمىگەندىكى ئەيدىزدىن يۇقۇملىنىش خەتىرى
ئەگەردە بىر تەرەپ ئەيدىز ۋىرۇسى بىلەن يۇقۇملانغان ھالەتتە ياكى جىنسىي كېسەل بار بولسا، يۇقۇملىنىشنىڭ نىسپىتى تېخىمۇ زور بولىدۇ.
سان-سىفىرلارغا ئاساسلانغاندا، مەيلى قانداق بىخەتەر بولمىغان جىنسىي مۇناسىۋەت بولسۇن، يۇقۇملىنىشنىڭ خەتىرى بەك يۇقۇرى ئەمەس، لېكىن ئەيدىز كېسىلى باشقا كېسەللىكلەرگە ئوخشىمايدۇ، ھازىرغىچە ئېيتقاندا، پەقەت يۇقۇملىنىپ قالسىلا، ئۆمۈرلۈك يۇقۇملىنىدۇ. بۇ سىزنىڭ كىملىكىڭىز ياكى سىزنىڭ قايەردە ئىكەنلىكىڭىز بىلەن مۇناسىۋەتسىز، بەلكى سىزنىڭ ئەيدىز ۋىرۇسى بىلەن يۇقۇملىنىپ قالىدىغان خەتەرلىك قىلمىشنى قىلغان ياكى قىلمىغانلىقىڭىز بىلەن مۇناسىۋەتلىك.
ئۇنىڭدىن باشقا، مەيلى يۇقۇملىنىشنىڭ خەتىرى يۇقۇرى ياكى تۆۋەن بولسۇن، پەقەت ئەيدىز ۋىرۇسىغا قارىتا تەكشۈرۈش ئېلىپ بارغاندىلا، ئاندىن يۇقۇملانغان يۇقۇملانمىغانلىقىغا دىياگىنوز قويغىلى بولىدۇ ۋە ئەيدىزدىن قورقۇشتىن قۇتۇلغىلى بولىدۇ.
ئەگەر قوغدۇنۇش بولمىغان جىنسىي مۇناسىۋەت بولسا، ئۇنداقتا ئەيدىز ۋىرۇسى بىلەن يۇقۇملىنىپ قېلىش ئېھتىماللىقى بولىدۇ، شۇڭا تېخىمۇ دېققەت قىلىش كېرەك. ۋاقتىدا ئەيدىز ۋىرۇسىغا قارىتا تەكشۈرۈش ئېلىپ بېرىپ تۇرۇش كېرەك، ھەرگىزمۇ تەلەي سىناش ئىدىيەسىدە بولۇشقا بولمايدۇ، خالىغان چوڭ دوختۇرخانىلار ياكى كېسەللىكلەرنى كونتىرول قىلىش مەركىزىگە بېرىپ تەكشۈرتسە بولىدۇ، ئۇنىڭدىن باشقا، يەنە مۇتەخەسىسلەرنىڭ كۆرسەتمىسى ئارقىسىدا ئەيدىز ۋىرۇسى تەكشۈرۈش قەغىزى ئارقىلىق تەكشۈرسىمۇ بولىدۇ.
قۇچاقلىشىش ئەيدىز ۋىرۇسىنى يۇقۇملاندۇرالامدۇ؟
ئەيدىز ۋىرۇسى ئادەتتە يۇقۇملانغۇچىنىڭ قان سۇيۇقلۇقى، ئىسپىرما، جىنسىي يول ئاجىراتمىسى، باش سۈيى، ئاياللارنىڭ سۈتى، قاتارلىقلاردا بولىدۇ. شۆلگەي، تەر سۇيۇقلۇقى، كۆز ياش، سۈيدۈك، چوڭ تەرەت قاتارلىقلاردا ئەيدىز ۋىرۇسى بولمايدۇ ياكى ناھايىتى ئاز نىسبەتتە بولىدۇ، نۆۋەتتە ھازىرغىچە شۆلگەي، تەر سۇيۇقلۇقى، كۆز ياش، سۈيدۈك ياكى چوڭ تەرەت قاتارلىقلاردىن ئەيدىز ۋىرۇسىدىن يۇقۇملىنىش كېسەللىك مىسالى كۆرۈلۈپ باقمىدى، يەنە پاشا قاتارلىق ھاشارەتلەردىن ئەيدىز ۋىرۇسى يۇقۇملىنىش مىسالىمۇ كۆرۈلۈپ باقمىدى، شۇڭىلاشقا، قۇچاقلىشىش ھەرگىزمۇ ئەيدىز ۋىرۇسى بىلەن يۇقۇملاندۇرۇپ قويمايدۇ، ئەيدىز يۇقۇمدارى بىلەن قۇچاقلىشىش ئىنتايىن بىخەتەر.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
