بېل گايتىسنىڭ ياشلارغا بەرگەن 10 مەسلىھەتى
1. تۇرمۇش ئادالەتسىز بولىدۇ، سىز ئۇنىڭغا ماسلىشىشىڭىز كېرەك؛
2. بۇ دۇنيا سىزنىڭ ئىززەت-ئابرۇيىڭىزغا پىسەنىت قىلىپ كەتمەيدۇ، ئۆزۈمچىلىك خاھىشىڭىز شەكىللىنىشتىن ئاۋۋال جەزمەن نەتىجە يارىتىڭ؛
3. مەكتەپ دەرۋازىسىدىن چىقىپلا 4000 دوللار مائاش ئالالىشىڭىز، بىرەر شىركەتنىڭ ئورۇن باسارى بولالىشىڭىز، ماشىنىلىق بولالىشىڭىز ناتايىن. تىرىشقاندىن كېيىنلا بۇلارغا ئىگە بولالايسىز؛
4. ئەگەر ئوقۇتقۇچىڭىزنى قاتتىق قول دەپ قارىسىڭىز، جەمئىيەتكە قەدەم قويغان ۋاقىتتىكى خوجايىنىڭىزنىڭ سىماسىنى كۆز ئالدىڭىزغا كەلتۈرۈڭ؛
5. ئەگەر سىز مۈشكۈل ئەھۋالغا چۈشۈپ قالسىڭىز، بۇ ئاتا-ئانىڭىزنىڭ خاتالىقى ئەمەس. ئۆزىڭىزگە تېگىشلىك مەسئۇلىيەتنى ئاتا-ئانىڭىزغا دۆڭگەپ قويماستىن، بۇنىڭدىن ساۋاق ئېلىڭ؛
6. سىز تۇغۇلۇشتىن ئاۋۋال ئاتا-ئانىڭىز ھازىرقىدەك كۈنگە چۈشۈپ قالمىغانىدى. ئۇنىڭ بۈگۈنكىدەك بولۇپ قېلىشى ئىزچىل سىز ئۈچۈن پۇل خەجلەپ، كىر-قاتلىرىڭىزنى يۇيۇپ كەلگەنلىكىدىندۇر. شۇڭا، ئانىڭىزنىڭ كۆپ سۆزلەپ قويۇشىدىن ئاۋۋال ھۇجرىڭىزنى تازىلاپ قويۇڭ؛
7. سىز ئوقۇۋاتقان مەكتەپتە ياخشى ئوقۇغۇچى ۋە يامان ئوقۇغۇچى دەپ ئايرىماسلىقى مۇمكىن، لېكىن، تۇرمۇش ھەرگىزمۇ ئۇنداق ئەمەس. بەزى مەكتەپلەردە «لاياقەتسىز» دېگەن ئۇقۇم ئاللىقاچان يوقىلىپ، سىزنىڭ ئۈزلۈكسىز ئىلگىرىلىشىڭىز ئۈچۈن پۇرسەت يارىتىپ بەرمەكتە. لېكىن، رېئال تۇرمۇشتا ھەرگىزمۇ ئۇنداق بولمايدۇ؛
8. مەكتەپتىن ئايرىلغان ۋاقىتتىكى تۇرمۇشىڭىزدا ئوقۇش مەۋسۇمى دەپ ئايرىلمايدۇ، تەتىلمۇ بولمايدۇ. تەشەببۇسكارلىق بىلەن سىزگە ياردەم بېرىدىغان ئوقۇتقۇچىمۇ يوق. سىز چوقۇم ئۆزىڭىزگە تايىنىسىز؛
9. تېلېۋىزوردىكى نۇرغۇن كۆرۈنۈشلەر ھەقىقىي تۇرمۇش ئەمەس. رېئال تۇرمۇشتا كىشىلەر چوقۇم تىرىشىپ ئۆز خىزمىتىنى قىلىشى، كىنودىكى چولپانلارغا ئوخشاش كۈندە كافېخانىلارغا كىرىۋالماسلىقى لازىم؛
10. ئۆزىڭىز نەپرەتلىنىدىغان ئادەملەرگىمۇ لايىقىدا مۇئامىلە قىلىشنى ئۆگىنىۋېلىڭ. كۈنلەرنىڭ بىرىدە ئەنە شۇنداق ئادەمنىڭ قولىدا ئىشلەپ قېلىشىڭىز مۇمكىن.
مەنبە: شىنجاڭ مائارىپى
توردىكى مەنبەسى: ئانا دىيار مەنبەسى
ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
مۇناسىۋەتلىك ئەسەرلەر
ئامېرىكا ئارمىيىسىنىڭ ئۇرۇش قىلىش نىزامىدىكى 22 تۈرلۈك تەپەككۇر
2014-04-14