Gmail نىڭ بوشلۇقى ئىشلىتىلىپ تۈگىسە قانداق بولىدۇ؟

    2004-يىلدىن بىرى Gmail نى ئىشلىتىۋاتقانلار بەلكىم Gmail دىگەن بۇ سۆزنىڭ Google Mail گە ۋەكىللىك قىلغاندىن باشقا، يەنە Google نىڭ شۇ ۋاقىتتىكى ئابونتچىلىرىغا بەرگەن ئېلخەت بوشلۇقىنىڭ 1G ئىكەنلىكىدىن ئىبارەت چوڭقۇر مەنىسىنىڭ بارلىقىنىمۇ بىلىشى مۇمكىن. بۇ سان ھازىرغا كەلگەندە ئاللىقاچان 7G غا يەتتى. ئابونتچىلار ئېلخەتلەرنىڭ ھەممىسىنى Google ساقلىغۇچىغا ساقلاپ، بۇنچىلىك چوڭ بوشلۇقنى ھەرگىزمۇ بىكارغا ئىشلەتمەيدۇ. ئەمما مۇشۇنداق ئىشلىتىۋەرسە 7G بوشلۇقمۇ ھامان بىر كۈنى ئىشلىتىلىپ تۈگەيدۇ.

 Flickr ئابونتى Mike Moterio سىناپ  Gmail بوشلۇقىنى توشقۇزۇپ باققان بولۇپ، Gmail ئۇنىڭغا ئېنىق قىلىپ، بوشلۇقنى ئىشلىتىپ بولدىڭىز، ئېلخەت تاپشۇرۇۋالالمايدۇ. بوشلۇقنى تىجەشنىڭ تېخنىكىلىرىنى كۆرۈڭ ياكى كۆپرەك بوشلۇق سېتىۋېلىڭ، دەپ ئاگاھلاندۇرۇش بەرگەن.

ئەمەلىيەتتە Google نىڭ ئاۋۇتقان بوشلۇقىنىڭ باھاسى ناھايىتى ئەرزان بولۇپ، 5 دوللارغا بىر يىللىق 20GB بوشلۇق، 50 دوللارغا بىر يىللىق 200GB بوشلۇق سېتىۋالغىلى بولىدىكەن. شۇڭا دوستلار Gmail بوشلۇقىنى كەڭ-تاشا ئىشلەتسەڭلار بولغۇدەك.