ﻗﯩﺶ ﭘﻪﺳﯩﻠﺪﻩ ﺳﺎﻏﻼﻣﻠﯩﻘﻨﻰ ﺋﺎﺳﺮﺍﺵ ﺟﻪﮬﻪﺗﺘﻪ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺸﻼﺭ

  1 ﻗﯩﺶ ﭘﻪﺳﯩﻠﺪﻩ ﺋﯘﭼﯩﻤﯩﺰﺩﯨﻜﻰ ﻗﺎﺕ- ﻗﺎﺕ ﻛﯩﻴﯩﻢ ﮬﻪﻡ ﻗﯘﺭﻏﺎﻕ ﮬﺎﯞﺍ ﻛﯧﻠﯩﻤﺎﺗﯩﺪﯨﻦ ﺗﯧﺮﯨﻤﯩﺰ ﻗﯘﺭﻏﺎﻗﻠﯩﺸﯩﭗ ﺑﻪﺩﯨﻨﯩﻤﯩﺰ ﻗﯩﭽﯩﺸﯩﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ. ﺑﯘﻧﺪﺍﻕ ﭼﺎﻏﺪﺍ ﻗﻮﻝ ﺑﯩﻠﻪﻥ ﺗﺎﺗﻠﯩﻐﺎﻧﺪﺍ ﺗﯧﺮﻩ ﺯﻩﺧﻤﯩﻠﯩﻨﯩﭗ، ﻳﺎﻟﻠﯘﻏﻠﯩﻨﯩﺸﻰ ﻣﯘﻣﻜﯩﻦ. ﺑﯘﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ، ﻛﯚﭘﺮﻩﻙ ﻗﺎﻳﻨﺎﻗﺴﯘ ﺋﯩﭽﯩﭗ، ﻳﯧﯖﻰ ﻛﯚﻛﺘﺎﺕ ﯞﻩ ﻣﯧﯟﯨﻠﻪﺭﻧﻰ ﻳﻪﭖ ﺑﯧﺮﯨﺶ ﺋﺎﺭﻗﯩﻠﯩﻖ ﺑﻪﺩﻩﻥ ﺋﯧﮭﺘﯩﻴﺎﺟﻠﯩﻖ ﺑﻮﻟﻐﺎﻥ ﺳﯘﻧﻰ ﺗﻮﻟﯘﻗﻼﺵ ﺑﯩﻠﻪﻥ ﺑﯩﺮﮔﻪ، ﺋﺎﭼﭽﯩﻖ ﻳﯧﻤﻪﻛﻠﯩﻚ ﯞﻩ ﻛﯜﭼﻠﯜﻙ ﮬﺎﺭﺍﻕ ﺋﯩﺴﺘﯧﻤﺎﻝ ﻗﯩﻠﯩﺸﺘﯩﻦ ﺳﺎﻗﻠﯩﻨﯩﺶ ﻛﯧﺮﻩﻙ.

2   ﻗﯩﺸﺘﺎ ﭘﯘﺕ- ﻗﻮﻟﻼﺭ ﻣﯘﺯﻟﯩﻐﺎﻧﺪﺍ ﺋﻮﺗﻘﺎ ﻗﺎﻗﻼﭖ ﺋﯩﺴﺴﯩﺘﯩﺶ ﻗﺎﺭﯨﻤﺎﻗﻘﺎ ﺗﻮﻟﯩﻤﯘ ﺋﺎﻗﯩﻼﻧﯩﻠﯩﻜﺘﻪﻙ ﺑﯩﻠﯩﻨﺴﯩﻤﯘ، ﻟﯧﻜﯩﻦ ﺑﯘﻧﺪﺍﻕ ﻗﯩﻠﯩﺸﺘﯩﻦ ﺳﺎﻗﻠﯩﻨﯩﺶ ﻛﯧﺮﻩﻙ. ﭼﯜﻧﻜﻰ ﺳﻮﻏﯘﻗﺘﺎ ﭘﯘﺕ- ﻗﻮﻟﻼﺭ ﺋﺎﺳﺎﻥ ﻣﯘﺯﻻﭖ، ﻗﺎﻥ ﺗﻮﻣﯘﺭﻻﺭ ﺗﺎﺭﯨﻴﯩﭗ ﻗﺎﻥ ﺋﺎﻳﻠﯩﻨﯩﺶ ﺋﺎﺳﺘﯩﻼﻳﺪﯗ. ﺑﯘﻧﺪﺍﻕ ﭼﺎﻏﺪﺍ ﺩﻩﺭﮬﺎﻝ ﭘﯘﺕ- ﻗﻮﻟﻼﺭﻧﻰ ﺋﻮﺗﻘﺎ ﻗﺎﻗﻠﯩﻐﺎﻧﺪﺍ، ﻗﺎﻥ ﺗﻮﻣﯘﺭﻻﺭ ﺋﯘﻳﯘﺷﯘﭖ ﺋﯩﻼﺳﺘﯩﻜﯩﻠﯩﻘﻨﻰ ﻳﻮﻗﯩﺘﯩﺪﯗ-ﺩﻩ، ﻗﺎﻥ ﺋﯘﻳﯘﭖ ﻗﯧﻠﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ، ﺷﯘﯕﺎ ﻗﻮﻝ- ﭘﯘﺗﻼﺭ ﻣﯘﺯﻟﯩﻐﺎﻧﺪﺍ ﺋﯘﯞﯨﻼﭖ ﺋﯩﺴﺴﯩﺘﯩﺶ ﺋﻪﯓ ﻣﯘﯞﺍﭘﯩﻖ.

3   ﻟﻪﯞ ﻗﯘﺭﯗﭖ ﻳﯧﺮﯨﻠﻐﺎﻧﺪﺍ، ﺋﯘﻧﻰ ﻳﺎﻻﺷﺘﯩﻦ ﺳﺎﻗﻠﯩﻨﯩﺶ ﻛﯧﺮﻩﻙ. ﭼﯜﻧﻜﻰ ﺷﯚﻟﮕﻪﻱ ﺳﯘﻳﯘﻗﻠﯘﻗﻰ ﺋﺎﺩﻩﺗﺘﻪ ﺋﯧﻐﯩﺰ ﺑﻮﺷﻠﯘﻗﯩﻨﻰ ﺳﯩﻴﻠﯩﻘﻼﺵ ﮬﻪﻡ ﻳﯧﻤﻪﻛﻠﯩﻜﻨﻰ ﮬﻪﺯﯨﻢ ﻗﯩﻠﯩﺶ ﺭﻭﻟﯩﻨﻰ ﺋﻮﻳﻨﺎﻳﺪﯗ. ﺷﯚﻟﮕﻪﻱ ﺳﯘﻳﯘﻗﻠﯘﻗﯩﺪﺍ ﺑﯩﺮ ﺧﯩﻞ ﺷﯩﻠﯩﻤﺸﯩﻖ ﻣﺎﺩﺩﺍ ﺑﻮﻟﯘﭖ، ﻳﯧﺮﯨﻠﯩﭗ ﻛﻪﺗﻜﻪﻥ ﻟﻪﯞﻧﻰ ﻳﺎﻟﯩﻐﺎﻧﺪﺍ، ﺩﻩﺳﻠﻪﭘﺘﻪ ﺑﯩﺮ ﻗﻪﯞﻩﺕ ﺳﯩﻠﯩﻖ ﻣﺎﻱ ﺳﯜﺭﻛﻪﭖ ﻗﻮﻳﻐﺎﻧﺪﻩﻙ ﻛﯚﺭﯛﻧﯩﺪﯗ، ﻟﯧﻜﯩﻦ ﺷﯚﻟﮕﻪﻱ ﺳﯘﻳﯘﻗﻠﯘﻗﯩﺪﯨﻜﻰ ﺳﯘ ﻣﯩﻘﺪﺍﺭﻯ ﻳﻮﻗﺎﻟﻐﺎﻧﺪﯨﻦ ﻛﯧﻴﯩﻦ، ﻟﻪﯞ ﺗﯧﺨﯩﻤﯘ ﻗﯘﺭﯗﺷﯘﭖ ﻳﯧﺮﯨﻠﯩﭗ ﻛﯧﺘﯩﺪﯗ. ﮬﻪﺗﺘﺎ ﻗﺎﻥ ﭼﯩﻘﯩﭗ ﻳﯩﺮﯨﯖﻼﭖ ﻛﯧﺘﯩﺸﻰ ﻣﯘﻣﻜﯩﻦ. ﺷﯘﯕﺎ ﺑﯘﻧﺪﺍﻕ ﭼﺎﻏﺪﺍ ﻟﻪﯞﻧﻰ ﺋﯩﺴﺴﯩﻖ ﺳﯘ ﺑﯩﻠﻪﻥ ﻳﯘﻳﯘﭖ، ﺑﯩﺮﻗﻪﯞﻩﺕ ﺯﻩﻳﺘﯘﻥ ﻳﯧﻐﻰ ﻳﺎﻛﻰ ﯞﺍﺯﻟﯩﻦ ﺳﯜﺭﺗﯩﯟﺍﻟﺴﺎ ﺑﻮﻟﯩﺪﯗ. ﺋﺎﺩﻩﺗﺘﻪ ﺋﯘﺳﺴﯘﻟﯘﻗﻨﻰ ﻛﯚﭘﺮﻩﻙ ﺋﯩﭽﯩﭗ، ﻛﯚﻛﺘﺎﺕ ﯞﻩ ﻣﯧﯟﯨﻠﻪﺭﻧﻰ ﺋﯩﺴﺘﯧﻤﺎﻝ ﻗﯩﻠﯩﺶ ﺋﺎﺭﻗﯩﻠﯩﻘﻤﯘ ﺑﯘ ﺧﯩﻞ ﺋﻪﮬﯟﺍﻟﻨﯩﯔ ﺋﺎﻟﺪﯨﻨﻰ ﺋﺎﻟﻐﯩﻠﻰ ﺑﻮﻟﯩﺪﯗ.

  4  ﻗﯩﺶ ﭘﻪﺳﯩﻠﺪﻩ ﺋﯚﻱ ﺗﯧﻤﭙﯧﺮﺍﺗﯘﺭﯨﺴﯩﻨﯩﯔ ﭼﯜﺷﯜﭖ ﻛﯧﺘﯩﺸﺘﯩﻦ ﺋﻪﻧﺴﯩﺮﻩﭖ ﺋﯩﺸﯩﻚ- ﺩﯦﺮﯨﺰﯨﻠﻪﺭﻧﻰ ﮬﯩﻢ ﺗﺎﻗﺎﭖ ﺋﻮﻟﺘﯘﺭﯗﺷﻤﯘ ﺳﺎﻻﻣﻪﺗﻠﯩﻜﻜﻪ ﺯﯨﻴﺎﻧﻠﯩﻖ ﺑﻮﻟﯘﭖ، ﭘﺎﺕ- ﭘﺎﺕ ﺳﺎﭖ ﮬﺎﯞﺍ ﺋﺎﻟﻤﺎﺷﺘﯘﺭﯗﭖ، ﺋﯚﻱ ﺋﯩﭽﻰ ﻛﯩﻠﯩﻤﺎﺗﯩﻨﻰ ﺗﻪﯕﺸﻪﭖ ﺗﯘﺭﯗﺷﻘﺎ ﺋﻪﮬﻤﯩﻴﻪﺕ ﺑﯧﺮﯨﺶ ﻛﯧﺮﻩﻙ.

ﻛﯧﻠﯩﺶ ﻣﻪﻧﺒﻪﺳﻰ:ﺷﯩﻨﺠﺎﯓ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﺴﻰ ﺗﻮﺭﻯ